“Zazen” អង្គុយធ្វើសមាធិសម្រាប់ភ្ញៀវទេសចរណ៍ពេលអ្នកធ្វើដំណើរនៅទីក្រុងតូក្យូប្រទេសជប៉ុន

ណែនាំអំពីលក្ខណៈអង្គុយធ្វើសមាធិមួយចំនួននៅទីក្រុងតូក្យូសម្រាប់ភ្ញៀវទេសចរណ៍។

នៅពេលនិយាយអំពីវប្បធម៌ប្រទេសជប៉ុនយើងតែងតែរំលឹកពីពិធីតែ ក្បាច់ដាវ សិល្បៈនៃការរៀបចំផ្កា -ល- ។ តើអ្នក​ធ្លាប់ឮអំពីវប្បធម៌ “Zazen” ការធ្វើសមាធិរបស់ជប៉ុនដែរទេ? ការធ្វើសមាធិគឺជាវិធីសាស្រ្តនាំមនុស្សទៅរកផ្លូវល្អ “សមាធិ” មានន័យថាអង្គុយស្ងៀម ផ្សង់អារម្មណ៍ លាចាកចេញពីគំនិតធ្វើអោយចិត្តមនុស្សស្ងប់ស្ងាត់ ហើយសុខភាព​ប្រសើរឡើង។

នៅតាមវិហារព្រះពុទ្ធសាសនាធំៗជាច្រើនដែលមានប្រវត្តិយូរអង្វែងការធ្វើសមាធិបានក្លាយជាលក្ខណៈនៃវប្បធម៌ជប៉ុនដែលភ្ញៀវទេសចរណ៍គ្រប់រូបចង់សាកល្បង។

ជំហានសម្រាប់ចាប់ផ្តើម Zazen មានដូចខាងក្រោម៖

លើកដៃសំពះ៖ នេះជាសកម្មភាពបង្ហាញការគោរពចំពោះភាគី ដើម្បីធ្វើតាមវិធីនេះ​អ្នក​ត្រូវ​ផ្គុំបាតដៃទាំងពីរជាប់គ្នា ម្រាមដៃស្មើត្រឹម​ច្រមុះកម្ពស់ប្រហែល ១០ សង់ទីម៉ែត្រកែងដៃរបស់អ្នកបត់ បន្ធូរស្មារ។

កាន់ដៃ៖ ពេលអ្នកដើរឬឈរកាន់ដៃឆ្វេងយ៉ាងណាធ្វើអោយដៃមេរបស់អ្នក​នៅក្នុង ហើយដៃស្តាំគ្របមកលើដៃឆ្វេង​របស់អ្នក​។ ខ្នងដៃបែរចេញមកក្រៅរួចដាក់លើទ្រូងរបស់អ្នក។

នៅពេលអ្នកចូលសាលសមាធិ៖ ឈានជើងឆ្វេងរបស់អ្នក​ចូលមុន ប្រសិនបើមាន Zafu “ខ្នើយធ្វើសមាធិ” អ្នកត្រូវ​កាន់ដោយដៃទាំងសងខាងដើរចូលសាលសមាធិ ឈប់ឱនក្បាលចំពោះគ្រូដូចជាការគោរព។ បន្ទាប់មកកាន់ដៃរបស់​អ្នក​​ហើយបន្តដំណើរ ដើរផ្លាស់ទីដោយជើងស្តាំរបស់អ្នកដល់កន្លែងអង្គុយសមាធិ។ ត្រូវ​ចងចាំថាក្នុងសាលសមាធិ​អ្នក​មិន​អាចដើរកាត់មុខគ្រូនោះទេតែ​ដើរពីក្រោយ។

គួរតែជំរាបសួរអ្នកជិតខាងឬមនុស្សនៅទល់មុខ៖ ពេលអ្នក​ដើរទៅដល់កន្លែងអង្គុយសមាធិរបស់ខ្លួន មនុស្សគ្រប់គ្នា​កាន់ដៃ ឱនក្បាលគោរពគ្នាទៅវិញទៅមកដើម្បីបង្ហាញពីទឹកចិត្តចំពោះអ្នកជិតខាង និង​មនុស្សទល់មុខ។

របៀបអង្គុយសមាធិ៖ ដំបូងអង្គុយអោយត្រង់ ផ្គុំជើងចូលគ្នា សំខាន់បំផុតគូទ និងជង្គង់គួរតែ​បន្ធូរដើម្បីទ្រទ្រង់ខ្លួនទាំងមូល។ អាស្រ័យលើស្ថានភាពរាងកាយរបស់មនុស្សម្នាក់ៗក្នុងការជ្រើសរើសឥរិយាបថសមរម្យ កុំខំប្រឹងអង្គុយ​អោយដូចអ្នក​ដទៃ។

អង្គុយសមាធិបែបផ្កាឈូករីក៖ ដាក់ជើងខាងស្តាំលើភ្លៅខាងឆ្វេង និងជើងខាងឆ្វេងលើភ្លៅខាងស្តាំ។

អង្គុយសមាធិ៖ របៀបអង្គុយសមាធិនេះដាក់ជើងម្ខាងលើជើងម្ខាងទៀត មានន័យថាដាក់ជើងស្តាំរបស់អ្នកក្រោម​ភ្លៅ​ខាងឆ្វេងហើយដាក់ជើងខាងឆ្វេងលើភ្លៅខាងស្តាំរបស់អ្នក។

វិធីដាក់ដៃអោយបានត្រឹមត្រូវ៖ នៅពេលអង្គុយធ្វើសមាធិមានរបៀបដាក់ដៃជាច្រើន ដាក់ខ្នងដៃលើភ្លៅ ដាក់ដៃឆ្វេងលើដៃស្តាំធ្វើយ៉ាងណាអោយមេដៃទាំងពីរប៉ះគ្នា។ វិធីសាស្ត្រនេះគេហៅថា Hokkai-join ។ បន្ធូរដៃដាក់ក្រោម​ពោះ​ កុំ​ដាក់ត្រង់កឬទ្រូងប្រើកម្លាំងផ្គុំម្រាមដៃមេជាប់គ្នា។

• អង្គុយអោយត្រង់ក្បាលងាកទៅស្មើពិដាន និងបន្ធូរស្មាទាំងពីរ។ មាត់បិទយ៉ាងណាធ្វើអោយអណ្តាតប៉ះធ្មេញខាងលើ។ នៅពេល​ធ្វើសមាធិភ្នែក​មិន​បិទមិនបើកងាយនឹងងងុយគេងណាស់ ដូច្នេះ​អ្នក​ត្រូវ​ផ្សង់អារម្មណ៍កុំ​ដេកកំឡុងពេល​ធ្វើសមាធិ។
• អង្គុយសមាធិក្នុងឥរិយាបថត្រឹមត្រូវ ដកដង្ហើមវែងៗ។ សម្រាក និងទទួល​បរិយាកាសស្ងប់ស្ងាត់ បន្ធូររាងកាយដកដង្ហើមស្មើ។
• នៅពេលនេះរាងកាយរបស់អ្នករុញទៅមកហើយបន្ទាប់មករក្សាឥរិយាបថអង្គុយត្រង់វិញ។
• ពេលធ្វើសមាធិមិនគួរគិតច្រើន បន្ធូររាងកាយ និងចិត្តដកដង្ហើមមួយៗ។
• ជាទូទៅពេល​មនុស្សគ្រប់គ្នាចូលកន្លែងអង្គុយសមាធិហើយ គ្រូដើរចូលសាលសមាធិមួយ​ជុំមើលមនុស្សគ្រប់គ្នាថាអង្គុយត្រឹមត្រូវ​ឬនៅ គ្រូ​ដើរខាងក្រោយអ្នក​គួរលើកដៃគោរព។ ហើយនៅពេល​អ្នក​ឮសម្លេងជួង Shi-jo ៣ ដងមានន័យថាវគ្គសមាធិត្រូវ​ចាប់ផ្តើម នាពេលនេះគ្មាននរណាអាចចេញចូលសាលសមាធិទៀតទេ។
• ប្រសិនបើអ្នកដេកលក់ពេលកំពុងធ្វើសមាធិ អង្គុយខុសកន្លែងឬអារម្មណ៍មិន​មូលគ្រូ​នឹង​វាយ​ស្មារបស់អ្នក​ មុន​ពេល​ទទួល​ទណ្ឌកម្មគ្រូ​ប្រាកដជាប៉ះស្មារបស់អ្នក​។
• ពេល​វេលាអង្គុយសមាធិរយៈពេលប្រហែល ៤០ នាទី ប៉ុន្តែប្រសិនបើអ្នកចង់ធ្វើសមាធិបន្តអ្នកត្រូវធ្វើ “kin kin” មានន័យថាដើរក្នុងសាលសមាធិថ្នមៗ។ ពេល​ឮសម្លេងជួងលើកដៃសំពះ ឱនក្បាល ដងខ្លួនរំកឹលទៅ​មក និងក្រោកឈរឡើងយឺតៗ រាល់ដង្ហើមនីមួយ​ឈានពាក់កណ្តាលជំហាន សម្លេងជួងបន្លឺសម្លេងម្តងទៀតជាសញ្ញាត្រឡប់ទៅអង្គុយធ្វើសមាធិវិញ។ ឈរនៅនឹងកន្លែងឱនក្បាលរួចដើរទៅកន្លែងចាស់របស់អ្នក។
• នៅពេល​បញ្ចប់ការធ្វើសមាធិសម្លេងជួងបន្លឺឡើងអ្នក​ទាំងអស់គ្នាលើកដៃសំពះឱនក្បាលចំពោះអ្នក​អង្គុយក្បែរហើយដើរចេញពីសាលសមាធិ។

តើអ្នកត្រៀមខ្លួនសមាធិហើយឬនៅ? តោះស្វែងរក​កន្លែងសមាធិនៅតំបន់តូក្យូ។

• ព្រះវិហារព្រះពុទ្ធសាសនា Dairyu-ji ៖ ស្ថិតនៅកណ្តាលទីក្រុងមនុស្សច្រើនកកកុញប៉ុន្តែនៅតែមានភាពស្ងប់ស្ងាត់បរិសុទ្ធ គ្រូនឹងណែនាំលម្អិតសម្រាប់អ្នក​ដែល​ចាប់ផ្តើមដំបូងអ្នក​មិន​ចាំបាច់ព្រួយបារម្ភទេ។ ក្រោយពេល​អង្គុយ​ធ្វើសមាធិយើងនឹងមានពេលវេលាដើម្បីស្តាប់គ្រូទេសនាព្រះធម៌។

អាសយដ្ឋាន៖ 2-62 Haramachi, Shinjuku, Tokyo

東京都新宿区原町2-62

• ព្រះវិហារព្រះពុទ្ធសាសនា Chokoku-ji ៖ សាងសង់ឡើងនៅឆ្នាំ ១៥៩៨ ស្ថិតនៅចំកណ្តាលទីក្រុងតូក្យូដ៏ស្ងប់ស្ងាត់ នៅទីនេះបែងចែកជា ៣ វគ្គ ទីមួយសម្រាប់អ្នក​ដែល​ចាប់ផ្តើមដំបូង ទីពីរសម្រាប់អ្នក​ដែលសមាធិ ២ ទៅ ៥ ដង និង​វគ្គ Sanzen សម្រាប់ចូលរួម​បានចំនួន ៦ ដងឡើង។  ប្រសិនបើអ្នកមិនចេះភាសាជប៉ុនអ្នកគួរតែទៅជាមួយអ្នកបកប្រែរបស់អ្នក។

 អាសយដ្ឋាន៖ 2-21-34 Nishiazabu, Minato-ku, Tokyo

 東京都港区西麻布2-21-34

• ព្រះវិហារព្រះពុទ្ធសាសនា Seisho-ji កសាងឡើងក្នុងឆ្នាំ ១៤៧៦ ហើយមានប្រពៃណីយូរអង្វែងនៅទី​ក្រុង​តូក្យូ។ នៅពេលដែលអ្នកមកដល់ Seisho-ji អ្នក​អាចចូលរួមសកម្មភាពព្រះពុទ្ធសាសនាជាច្រើនដូចជាធ្វើសមាធិ ចម្លងធម៌ និងស្តាប់ការបង្រៀន។ ព្រះវិហារព្រះពុទ្ធសាសនាក៏មានទទួលសមាធិដោយឡែក ប៉ុន្តែមិន​ទទួលចុះឈ្មោះលក្ខណៈច្រើនទេ។

 អាសយដ្ឋាន៖ 2-4-7 Atago, Minato-ku, Tokyo

 東京都港区愛宕2-4-7

AD