ហេតុ​អ្វីក្រុមហ៊ុនឱសថជាច្រើននៅ Toyama បកស្រាយទាក់ទងនឹងនយោបាយ?

បច្ចុប្បន្ន​បន្ទាប់ពី​វីរុសកូវីដ-១៩ រាតត្បាតគឺជាការព្រួយបារម្ភធំបំផុតរបស់សង្គម។ សព្វថ្ងៃនេះក្រុមហ៊ុនឱសថដែលកំពុង​ល្បីទូទាំងពិភពលោកពេល​ប្រកាសថានឹងផលិតថ្នាំប្រយុទ្ធប្រឆាំងវីរុសគឺក្រុមហ៊ុន Avigan ។

រូបភាព https://jp.sputniknews.com/science/202004087341949/

ប្រភពដើមថ្នាំប្រភេទនេះសម្រាប់ជំងឺផ្តាសាយបក្សី ប៉ុន្តែវាមានប្រសិទ្ធិភាពជាក់លាក់ពេលប្រើសម្រាប់ព្យាបាលក្នុងប្រទេសចិន។ បច្ចុប្បន្នកំពុងត្រូវបានធ្វើតេស្តព្យាបាលក្នុងប្រទេសជប៉ុន និងសហរដ្ឋអាមេរិក ហើយទទួលបានការចាប់អារម្មណ៍ក្លាយជាដំណោះស្រាយចំពោះការរីករាលដាលនៃជំងឺកូវីដ-១៩ ។

ថ្នាំនេះត្រូវបានរកឃើញ និងផលិតដោយក្រុមហ៊ុន Fujifilm Toyama ។ ក្រោម​បរិបទភាគហ៊ុនធ្លាក់ចុះក្រុមហ៊ុនដែល​ជា​ម្ចាស់ក្រុមហ៊ុន Fujifilm បានទទួលការចាប់អារម្មណ៍ព្រោះតម្លៃឈានដល់កម្រិតខ្ពស់បំផុត។

បច្ចុប្បន្ន Fuji Film Toyama Kagaku ស្ថិតនៅទីក្រុងតូក្យូតែដើមឡើយនៅ Toyama ។ នៅប្រទេសជប៉ុនមានក្រុម​ហ៊ុន​ផលិតឱសថជាច្រើនដែលប្រមូលផ្តុំនៅ Toyama មានប្រភពចេញពីចលនានយោបាយសម័យសាមូរ៉ៃ។

ស្តេចក្រាញ់គ្រប់គ្រងតំបន់ Toyama មានឈ្មោះថា Maeda Masatoshi ហើយក៏ជាអ្នក​រក្សារូបមន្តផលិតថ្នាំមានឈ្មោះ​ថា Hankontan ដើមឡើយជាថ្នាំព្យាបាលក្រពះ ហើយត្រូវបានគេចាត់ទុកជាថ្នាំដែលមានប្រសិទ្ធភាពខ្ពស់នាសម័យនោះ។

នៅសម័យនោះប្រទេសជប៉ុនត្រូវបែងចែកជាតំបន់ជាច្រើន Maeda Masatoshi ចែកចាយថ្នាំជូនស្តេចក្រាញ់កាន់កាប់តំបន់ផ្សេងដើម្បីអោយពួកគេអាចត្រួតពិនិត្យ និង​ឃើញពីប្រសិទ្ធភាព​ថ្នាំ។ ក្រោយមកស្តេចក្រាញ់ទទួល​បានអាជ្ញាប័ណ្ណអាជីវកម្ម គាត់ដាក់អោយផលិតខ្នាតធំ និងទទួលបានប្រាក់ចំណេញយ៉ាងច្រើន។ ទោះបីគោលបំណងផ្តល់ថ្នាំដើម្បីជួយដល់ជំងឺរបស់ប្រជាជននៅតំបន់នោះអោយធូរស្បើយតែមិន​មែនស្ម័គ្រចិត្តទេ ប៉ុន្តែជាអាជីវកម្ម​រក​ប្រាក់​ចំណេញ។

ក្រៅពីនេះគោល​បំណង​ដើម្បីសងសឹក​ជាមួយ​សត្រូវរបស់ Toyama ដោយមិន​ផ្តល់​ថ្នាំ។

ដោយសារវិធីសាស្រ្តនេះស្តេចក្រាញ់តំបន់ Toyama ក៏បានបង្កើតសម្ព័ន្ធមិត្ត និងបង្កើនការការពារខ្លួនផងដែរ។​

កាលពីបុរាណគេ​ដើរលក់ថ្នាំដូចរូបខាងក្រោម។

រូបភាព https://www.asahi.com/articles/photo/AS20160908003748.html

តាមរយៈរឿងរ៉ាវរបស់មនុស្សជំនាន់មុនយើងអាចយល់អំពីចំណុចមួយថាប្រទេសជាតិអាចការពារសន្តិភាពតាមមធ្យោបាយផ្សេងៗ (ដូចជាថ្នាំពេទ្យ) ហើយមិនមែនចេះតែពឹងផ្អែកលើអំណាចយោធានោះទេ។

Kengo Abe