លទ្ធផលខំប្រឹងគូរគំនូររយៈពេល ២ ឆ្នាំរបស់វិចិត្រករជនជាតិជប៉ុនបង្ហាញថា “ព្យាយាមគង់តែបានសម្រេច”

ថ្ងៃ​អង្គារ 14/04/2020 | 17:09 ល្ងាច

តោះមកក្រឡេកមើលភាពរីកចម្រើនដ៏អស្ចារ្យរបស់វិចិត្រករគំនូរជនជាតិជប៉ុន Toma-to អ្នក​ប្រាកដជាដឹងថាមនុស្ស​គ្មានទេពកោសល្យពីកំណើត ប៉ុន្តែយើងអាចហ្វឹកហាត់ដើម្បីក្លាយទៅជាមនុស្សដែលមានសមត្ថភាពម្នាក់។

Toma-to បានចែករំលេកនៅលើTwitter របស់គាត់ថា៖

“ក្នុងរយៈពេលប្រហែលជា ២ ឆ្នាំខ្ញុំបានព្យាយាមអស់ពីសមត្ថភាព ដូច្នេះ​និយាយដោយស្មោះខ្ញុំពិតជាសប្បាយចិត្តខ្លាំងណាស់ដែលខ្ញុំទទួល​បានការសរសើរ” ។

នេះជាគំនូររបស់ Toma-to ក្នុងខែកញ្ញាឆ្នាំ ២០១៧ ។

ចំណែករូបនេះនៅខែមេសាឆ្នាំ ២០២០ ។

ជាក់ស្តែងដោយសារការខិតខំប្រឹងប្រែងរបស់វិចិត្រករគាត់កាន់តែរីកចម្រើន ហើយមនុស្សជាច្រើនមានការភ្ញាក់ផ្អើលយ៉ាងខ្លាំង។ មនុស្សមួយចំនួន​ជឿជាក់ថាប្រសិន​បើ​បន្តព្យាយាមគាត់ប្រាកដជាទទួល​បានស្នាដៃល្អជាងនេះ ចំណែក​មនុស្សមួយ​ចំនួន​ទៀតឆ្ងល់អំពីដំណើរហ្វឹកហាត់របស់វិចិត្រកររីកចម្រើនឆាប់រហ័សគួរអោយចាប់អារម្មណ៍។

វិចិត្រករ Toma-to បានចែករំលេកថាគាត់រៀនគូររូបដោយខ្លួនឯងពឹងលើប្រភពពីរ។ នៅពេលគូររូបមនុស្សគាត់រៀនតាមរយៈ @Manga_Materials លើ Twitter (ណែនាំតាមជំហាននីមួយៗ) ហើយប្រសិន​បើគូររូបទេសភាព Toma-to មើលការណែនាំរបស់ Yo Shimizu ជាពិសេសការណែនាំគូររូបផ្ទៃពីក្រោយចេញផ្សាយលើ Amazon ។

រឿងទាំងនេះ​បង្ហាញ​ថាមនុស្សម្នាក់ដែលមានចំណូលចិត្តអាចរីកចម្រើនដល់កម្រិតណាអាស្រ័យលើការខិតខំប្រឹងប្រែងរបស់គេ។ ហើយនៅពេល​មនុស្សម្នាក់ព្យាយាមយើងមិន​គួរខ្មាស់អៀនទេ យើងគួរតែមានមោទនភាពទទួល​ការសរសើរ និងកិត្តិយសពីមនុស្សគ្រប់គ្នា។

តើចំណង់ចំណូលចិត្តរបស់អ្នក​គឺជាអ្វី? តើអ្នក​គិតថាខ្លួន​បានចំណាយ​ពេល​ប៉ុន្មាន​សម្រាប់ចំណង់ចំណូលចិត្តរបស់អ្នក​?

Sacchan

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: