ពិធីបញ្ចប់ការសិក្សាបែប “ជប៉ុន” អនុលោមតាមបទបញ្ជាមិនប្រមូលផ្តុំកន្លែងដែល​មាន​មនុស្សច្រើន

ខណៈពេលដែលពិភពលោកទាំងមូលកំពុងប្រយុទ្ធនឹងជំងឺកូវីដ-១៩ ដើម្បីកាត់បន្ថយអារម្មណ៍ធុញ​ថប់ដោយ​សារ​តែ​នៅ​ផ្ទះ​ជន​ជាតិជប៉ុនព្យាយាមរកវិធីសម្របខ្លួនយ៉ាងឆាប់រហ័សជាមួយនឹងបច្ចេកវិទ្យាថ្មី។

សាកលវិទ្យាល័យជប៉ុន BTT បានរកឃើញវិធីមួយគួរឱ្យចាប់អារម្មណ៍ដើម្បីរៀបចំពិធីបញ្ចប់ការសិក្សាដែលមនុស្សគ្រប់​គ្នាមានវត្តមាន ប៉ុន្តែមិនចាំបាច់ប្រមូលផ្តុំនៅកន្លែងតែមួយឡើយ។

ពិធីប្រគល់សញ្ញាប័ត្រដែលមិនគួរឱ្យជឿនេះត្រូវបានប្រារព្ធធ្វើឡើងនៅថ្ងៃទី ២៨ ខែមីនានៅសណ្ឋាគារ Grand Palace នៅ Chiyoda ទីក្រុងតូក្យូ។

រូបភាព https://www.boredpanda.com/quarantine-covid-19-graduation-bbt-university-japan/

ក្នុងនាមជាប្រទេសដែល​តែងតែរងការបំផ្លិចបំផ្លាញដោយគ្រោះមហន្តរាយធម្មជាតិប្រជាជនជប៉ុនប្រហែលស៊ាំនឹងការរៀបចំដើម្បីដោះស្រាយវិបត្តិហើយមើលទៅ។

និស្សិតមិនអាចប្រមូលផ្តុំគ្នាដើម្បីរៀបចំពិធីបញ្ចប់ការសិក្សាទេ ប៉ុន្តែពិធីនេះនៅតែអាចប្រារព្ធធ្វើឡើងដោយមានការចូលរួមយ៉ាងពេញលេញរបស់មនុស្សគ្រប់គ្នាព្រោះតែប្រើបច្ចេកវិទ្យាទំនើប។ សាកលវិទ្យាល័យ BTT ក៏បានបំពេញ​កាតព្វកិច្ចបង្រៀន និងរៀនអនឡាញយ៉ាងល្អផងដែរ ដោយសារការប្រើប្រាស់បច្ចេកវិទ្យា។

រូបភាព https://www.boredpanda.com/quarantine-covid-19-graduation-bbt-university-japan/

និស្សិតដែលចូលរួមពិធីប្រគល់សញ្ញាប័ត្របញ្ជាមនុស្សយន្តពីចម្ងាយដើម្បីទទួលសញ្ញាបត្រជំនួសពួកគេ។ ទោះបីជាមិនអាចចូលរួមក៏និស្សិតសនៅតែមាន “វត្តមាន” ដដែល។

មនុស្សយន្តត្រូវបានបង្កើតឡើងដោយក្រុមហ៊ុន ANA Holdings មានអេក្រង់បង្ហាញមុខរបស់និស្សិត ហើយស្លៀកពាក់ឈុតបញ្ចប់ការសិក្សាផងដែរ។ 

និស្សិតដែលរង់ចាំដល់វេនរបស់ពួកគេអាចឡើងទទួលសញ្ញាប័ត្រពីចម្ងាយតាមរយៈកម្មវិធី Zoom ជាកម្មវិធីមួយដែលពួកគេអាចផ្ញើសារ និងប្រាស្រ័យទាក់ទងជាមួយគ្នាក្នុងពេលវេលាជាក់ស្តែង។

រូបភាព https://www.boredpanda.com/quarantine-covid-19-graduation-bbt-university-japan/

ជាការពិតគ្មានអ្វីអាចបង្កការលំបាកសម្រាប់ជនជាតិជប៉ុនបានឡើយ។ និស្សិតក្នុងជំនាន់នេះប្រហែល​ជាមានរូបថតបញ្ចប់ការសិក្សាប្លែកបំផុតហើយ។

Sacchan

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: