ចំណាត់ថ្នាក់តួអង្គស្រីដែលគួរឱ្យស្រឡាញ់បំផុតនៅក្នុងពិភពរឿងគំនូរជីវចល Ghibli

ថ្ងៃ​សុក្រ 03/04/2020 | 14:36 ល្ងាច

លក្ខណៈតួអង្គស្រីរបស់ Ghibli ប្លែកៗពីគ្នាអ្នក​ខ្លះ​មាន​កម្លាំងខ្លាំង អ្នក​ខ្លះ​ទៀតគួរអោយស្រលាញ់។ យើងម្នាក់ៗមាន​ចំណង់ចំណូលចិត្តខុសគ្នា ដូច្នេះប្រសិន​បើ​សួរថាតើតួអង្គស្រីដែលអ្នកចូលចិត្តជានរណា?

រូបភាព https://www.pinterest.com/pin/486740672206680552/

Futabanet Manga Plus បានធ្វើការស្ទង់មតិជាមួយនឹងសំណួរខាងលើ អ្នកចូលរួមឆ្លើយសំណួរជាបុរសជនជាតិជប៉ុនចំនួន ២០០ នាក់មានវ័យចាប់ពី ១០-៦០ ឆ្នាំ។ លទ្ធផល​មានដូចខាងក្រោម៖

៩. Dola – Laputa: វិមាននៅលើអាកាស (១៩៨៦)

Dola គឺជាអ្នក​ដឹក​នាំ​ក្រុមក្នុង Laputa វិមានលើអាកាស។ ជាតួអង្គដែល​មាន​លក្ខណៈក្រអឺតក្រទមហើយអាត្មានិយម ប៉ុន្តែ Dola តែងតែទន់ភ្លន់ចំពោះតួអង្គ Sheeta និង Pazu ។ Dola គឺជាអ្នក​ម្តាយដ៏អស្ចារ្យម្នាក់ដែលកូនប្រុសរបស់គាត់ស្រឡាញ់។

៩. Shizuku Tsukishima – សម្លេងរបស់បេះដូង (១៩៩៥) ចំណាត់ថ្នាក់ស្មើគ្នា

https://www.instagram.com/p/B-cD2d6BbzX/?utm_source=ig_embed

នាងគឺជាក្មេងស្រីវ័យជំទង់គួរអោយស្រលាញ់ម្នាក់ មាន​ក្តីស្រមៃ ហើយឆាប់ខឹង។ Shizuku មានលក្ខណៈពិសេសដូច​ជាក្មេងស្រីជំទង់ផ្សេងទៀត។ នាងព្យាយាម​ប្រឡងចូលថ្នាក់វិទ្យាល័យ ចូលចិត្តអាន សរសេរទំនុកចម្រៀង និងប្រលោមលោក។

៨. Ponyo – Ponyo នៅលើច្រាំងថ្ម (២០០៨)

https://www.instagram.com/p/B-avw5qA0C2/?utm_source=ig_embed

Ponyo មានរូបរាងគួរអោយស្រលាញ់ អត្តចរិកដូចក្មេង ចង់ចេះចង់ដឹង ហើយងងុយគេងពេលប្រើវេទមន្តច្រើន។ ពិភពរបស់តួអង្គ Ponyo សាមញ្ញដែលយើងទាំងអស់គ្នាប្រាថ្នាចង់បាន។

៧. Marnie – ពេល Marnie នៅទីនេះ (២០១៤)

https://www.instagram.com/p/B-R8r4GAHbC/?utm_source=ig_embed

Marnie គឺជានារីវ័យក្មេងស្រស់ស្អាត និងអាថ៌កំបាំងម្នាក់។ សក់ពណ៌ទង់ដែង និងសម្លៀកបំពាក់បុរាណរបស់នាងធ្វើឱ្យនាងមើលទៅដូចជា Alice ក្នុងរឿងនិទាន។ Marnie ដែល​គេនិយាយថាល្បីជាងតួអង្គឯក Anna ទៅទៀត។

៦. San – ព្រះនាង Mononoke (១៩៩៧)

https://www.instagram.com/p/B9jS4PRA2IL/?utm_source=ig_embed

San គឺជាតួអង្គរឹងមាំ ក្លាហាន និងមានឆន្ទៈខ្ពស់ទទួល​បានអ្នក​គាំទ្រជាច្រើន។ ទោះបីតាំងពីដំបូងឡើយនាងហាក់​ដូចជាមិន​គួរអោយជឿ ប៉ុន្តែក្រោយមកនាងដើរតួនាទីការពារ និង​ផ្តល់ជំនួយដល់តួអង្គ Ashitaka ។

៥. Satsuki – អ្នកជិតខាងខ្ញុំគឺ Totoro (១៩៩៨)

https://www.instagram.com/p/B5M6GtzouB4/?utm_source=ig_embed

ប្អូនស្រីឈ្មោះ Mei ភាគច្រើនទទួល​បាន​អ្នក​គាំទ្របរទេស ចំណែក​តួអង្គបងស្រី Satsuki មានប្រជាប្រិយភាពជាមួយអ្នកគាំទ្រប្រុសជនជាតិ​ជប៉ុនច្រើនជាង។ នាងជាប្រភេទមនុស្សស្វាហាប់ពេលខ្លះឆាប់ខឹងនឹងប្អូនស្រីដោយ​សារ​តែតួនាទីការពារគ្រួសារ។

៤. Kiki – សេវាដឹកជញ្ជូនរបស់ Kiki (១៩៨៩)

Kiki គឺជាមិត្តភក្តិគួរអោយស្រលាញ់ដែល​នរណាក៏ចង់រាប់អាន (រួមទាំងឆ្មា Gigi) ក្រៅពីនេះ​នាងមានអត្តចរិកឯករាជ្យ និងសប្បុរសផងដែរ។ ដំបូងឡើយនាងពិបាកក្នុងការសម្របខ្លួននឹងបរិយាកាសថ្មី ប៉ុន្តែក្រោយមកភាពក្លាហាន និងភាពស្មោះត្រង់បានធ្វើឱ្យមនុស្សជាច្រើនចូលចិត្តនាង។

៣. Sheeta – Laputa : វិមានលើអាកាស (១៩៨៦)

Sheeta ជាតួអង្គស្រីទី ២ របស់ Anime Laputa – វិមានលើអាកាសមានឈ្មោះក្នុងបញ្ជី។ នាង​មានចរិកលក្ខណៈស្ងប់ស្ងាត់ មានភាពប្រុងប្រយ័ត្នចំពោះដៃគូរបស់នាងឈ្មោះ Pazu ។ ទោះជាយ៉ាងណា Sheeta មានភាពក្លាហាន និងការ​ប្តេជ្ញាចិត្តជួយសង្គ្រោះនគររបស់នាង។ មើលទៅរូបរាងស្រស់ស្អាតជាចំណុចលេចធ្លោរបស់តួអង្គនេះ។

២. Chihiro – ដែនដីនៃព្រលឹង (២០០១)

Chihiro គឺជាតួអង្គស្រីដែល​បង្ហាញពីការតស៊ូជាច្រើន។ មានលក្ខណៈពិសេសពេលបំបែកខ្លួនពីឪពុកម្តាយរបស់នាង​ទៅកន្លែងថ្មី នាងផ្លាស់ប្តូរពីក្មេងទន់ខ្សោយក្លាយជាវិរៈនារីដែលមនុស្សជាច្រើនចូលចិត្ត។

១. Nausicaä – ព្រះនាងនៃជ្រលងភ្នំខ្យល់ (១៩៨៤)

https://www.instagram.com/p/B-a7WepAvkI/?utm_source=ig_embed

គ្មានអ្វី​គួរអោយភ្ញាក់ផ្អើលទេដែលតួអង្គរូបនេះជាប់ចំណាត់ថ្នាក់លេខ ១ ។ នាងមានថាមពលខ្លាំង គ្រួសាររាជ្យវង្ស សម្លៀកបំពាក់ស្អាត ចិត្ត​ល្អ ហើយស្មោះត្រង់ នាងគឺជាតួអង្គស្រីដ៏ល្អឥតខ្ចោះក្នុងក្រសែភ្នែកបុរសជនជាតិជប៉ុននៃពិភព Anime Ghibli ។

Sacchan

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: