ឧបករណ៍ជំនាញរបស់គិលានុបដ្ឋាយិកាងាយដាក់តាមខ្លួនសម្រាប់យុវជនជប៉ុន

បន្ទាប់ពីខ្សែភាពយន្តមនោសញ្ចេតនា Koi Tsudu ទទួល​បានជោគជ័យ ឧបករណ៍របស់គិលានុបដ្ឋាយិកាដែលតួអង្គ​ប្រើក្នុងខ្សែភាពយន្តចាប់ផ្តើមទទួលការចាប់អារម្មណ៍។

ការងារធ្វើជាគិលានុបដ្ឋាយិកាត្រូវ “សកម្ម” ផ្តល់ជំនួយជូនគ្រូពេទ្យ និងអ្នកជំងឺក្នុងគ្រាអាសន្ន។ ដូច្នេះដើម្បីការ​ពារ​គ្រាអាសន្នកើតឡើងគិលានុបដ្ឋាយិកាត្រូវយកឧបករណ៍ជាច្រើនជាប់ខ្លួន។ ដើម្បីអោយងាយស្រួលឧបករណ៍​ទាំងនោះត្រូវតូចល្មម និងអាចប្រើបានគ្រប់ពេល។

រូបភាព https://www.photo-ac.com/main/search?q=%E3%83%8A%E3%83%BC%E3%82%B9&srt=dlrank&pp=70&p=1&pt=C

ប្រាកដជាច្របូកច្របល់ប្រសិនបើគិលានុបដ្ឋាយិកាដាក់ឧបករណ៍ទាំងអស់ក្ក្នុងហោប៉ៅ ដូច្នេះប្រើកាបូបបំបែកឧបករណ៍នីមួយៗកាន់តែងាយស្រួល។ ព្រោះតែវត្ថុនីមួយៗស្ថិតនៅកន្លែងរបស់វាយើងមិនចាំបាច់យកច្រឡំពេល​ទាញយកឧបករណ៍ ហើយសន្សំពេលវេលា។ ពណ៌ និង​រូបរាងឧបករណ៍ក៏គួរឱ្យស្រឡាញ់ណាស់មែនទេ?

កន្ត្រៃគឺជាឧបករណ៍ចាំបាច់សម្រាប់គិលានុបដ្ឋាយិកា ដូច្នេះខ្សែចងជួយរំលឹកគិលានុបដ្ឋាយិកាឱ្យយកវាតាមខ្លួន ហើយមិន​ភ្លេចទុកវានៅកន្លែងផ្សេងឡើយ។

ម៉ាសុីនគិតលេខរួមទាំងនាឡិកាកំណត់ពេលវេលាពិតជាល្អប្រើ។ កម្មវិធីកំណត់ពេលជួយឱ្យគិលានុបដ្ឋាយិកាអាចប្តូរវេនរបស់ខ្លួនយ៉ាងត្រឹមត្រូវ។

តើអ្នកគិតថានេះជាប៊ិចមែនទេ? តាមពិតវាជាអំពូល LED ប្រើដើម្បីបំភ្លឺបំពង់ក និងភ្នែករបស់អ្នកជំងឺ។

គិលានុបដ្ឋាយិកាមិនអាចពាក់គ្រឿងអលង្ការព្រោះអាចប៉ះពាល់ដល់អ្នកជំងឺ។ ដូច្នេះនាឡិកានេះជួយឱ្យគិលានុបដ្ឋាយិកា​អាចមើលម៉ោងបាន។

វិជ្ជាជីវៈជាគិលានុបដ្ឋាយិកាមិនមែនជាការងារសាមញ្ញទេ ព្រោះត្រូវប្រឈមមុខនឹងជីវិត និងមរណភាពរបស់អ្នកជំងឺ។ ការធ្វេសប្រហែសមួយភ្លែតអាចបណ្តាលឱ្យបាត់បង់ជីវិត។ ដូច្នេះឧបករណ៍ទាំងនេះអាចជួយដល់ការងាររបស់គិលានុបដ្ឋាយិកា។ សូមពិនិត្យមើលប្រសិន​បើអ្នក​ចង់​ក្លាយជាគិលានុបដ្ឋាយិកាមួយរូប។

Chee