ភេសជ្ជៈដែលពេញនិយមនៅប្រទេសជប៉ុនបើកលក់អស់រយៈពេលជាង ១០០ ឆ្នាំមកហើយ

តើអ្នកស្គាល់ Calpis ទេ? Calpis គឺជាភេសជ្ជៈដែលពេញនិយមនៅប្រទេសជប៉ុន។ ភេសជ្ជៈ Calpis មានរស​ជាតិ​ជូរ​អែមពណ៌សដូចទឹកដោះគោ។

ជនជាតិជប៉ុនផឹកភេសជ្ជៈនេះជាង ១០០ ឆ្នាំមកហើយ ប៉ុន្តែតើវាល្អចំពោះសុខភាពដែរឬទេ?

រូបភាព https://newswitch.jp/p/16886

ភេសជ្ជៈ Calpis ដាក់លក់ដំបូងនៅថ្ងៃទី ៧ ខែកក្កដាឆ្នាំ ១៩១៩ ។ ដោយដឹងថាភេសជ្ជៈនេះត្រូវ​បានបង្កើតឡើងដោយពាណិជ្ជករជាព្រះសង្ឃម្នាក់ឈ្មោះ Mishima Kaun គាត់បានរកឃើញកំឡុងពេលទៅកំសាន្តនៅម៉ុងហ្គោលី។

គំនិតផ្តើមនៃភេសជ្ជៈ Calpis គឺ “ដើម្បីសុខភាពរបស់មនុស្សគ្រប់គ្នា” ភេសជ្ជៈនេះមានប្រជាប្រិយភាពខ្លាំងរហូតដល់គ្មានផលិតផលណាមួយ​អាចបង្កើនប្រាក់ចំណូលជាបន្តបន្ទាប់ជាង ១០០​ ឆ្នាំបែបនេះទេ។ ភេសជ្ជៈមានរស​ជាតិ​ជូរអែមដោយសារតែ acid lactic ។

តើអ្នកដឹងពីគុណប្រយោជន៍នៃការផឹក Calpis ជាប្រចាំទេ?

១. ធ្វើអោយស្បែកស និងស្រស់ថ្លា

ខ្ញុំជឿថាស្ត្រីគ្រប់រូបចូលចិត្តប្រសិទ្ធភាពនេះ មិនមែនដោយសារតែទឹកមានពណ៌សនោះទេ ប៉ុន្តែដោយសារតែវារារាំង​ជាតិ Melanin ដែលធ្វើឱ្យស្បែកស្រអាប់ ជួយអោយស្បែក​អាចរក្សាទឹកបានល្អ និងជួយឱ្យស្បែកភ្លឺរលោង។

ប្រសិនបើអ្នកចង់កាត់បន្ថយពេលវេលាផាត់មុខគួរតែផឹកភេសជ្ជៈ Calpis ជាប្រចាំ។

២. ជួយសម្រួលដំណេក

ក្នុងរយៈពេលសម្រានមានពីរដំណាក់កាលគឺគេងរាក់ និង​ជ្រៅ។ ដំណើរការគេងទាំងមូលរបស់អ្នកវិលជុំដំណាក់ការពីរនេះ។ គេងរាក់មានន័ថាខួរក្បាលរបស់អ្នកមិនសម្រាកទាំងស្រុងទេ ហើយវាជាមូលហេតុដែលអ្នកតែងតែសុបិន្តក្នុងរយៈពេលគេង ចំណែកគេងជ្រៅមានន័យថាខួរក្បាលរបស់អ្នកសម្រាកទាំងស្រុងពេលនោះអ្នកគេងលក់ស្កប់ស្កល់ ដូច្នេះវាល្អសម្រាប់រាងកាយ និងខួរក្បាល។ ផឹក Calpis ជួយបង្កើនរយៈពេលសម្រានលក់ស្កប់ស្កល់ ដូច្នេះរាងកាយរបស់អ្នកនឹងមានសុខភាពល្អទោះបីជារយៈពេលគេងថេរដដែល។

៣. បង្កើនប្រព័ន្ធភាពស៊ាំ

បច្ចុប្បន្នយើងត្រូវយកចិត្តទុកដាក់ទៅលើការពង្រឹងប្រព័ន្ធភាពស៊ាំ។ ផលិតផលដែលមានជាតិ ferment អាចជួយបង្កើនប្រព័ន្ធភាពស៊ាំដូចជាភេសជ្ជៈ Calpis ផងដែរ។

៤. កាត់បន្ថយការរលាកច្រមុះអាលែហ្សី

នៅប្រទេសជប៉ុនងាយនឹងកើតរោគសញ្ញារលាកច្រមុះអាលែហ្សី ជាពិសេសនៅរដូវចេញផ្កាដោយសារលំអងផ្កា។ ដូច្នេះ​នៅពេលនិទាឃរដូវមកដល់ ប្រជាជនជប៉ុនជាច្រើនមានរោគសញ្ញាហៀរសំបោរ និងកណ្តាស់ ដោយសារតែជំងឺ​រលាកច្រមុះអាលែហ្សី។

ជាការពិតការស្រាវជ្រាវវិទ្យាសាស្ត្របានបង្ហាញថាប្រសិនបើអ្នកផឹក Calpis ក្នុងរយៈពេល ៨ សប្តាហ៍អ្នកអាចឃើញប្រសិទ្ធភាពចំពោះជំងឺរលាកច្រមុះអាលែហ្សី។

៥. ជំងឺរលាកស្បែក

អ្នកដែលមានស្បែកងាយប្រតិកម្មឬស្បែកអាលែហ្សីច្រើនតែស្បែកស្ងួត និងរមាស់។ Calpis អាចជួយបង្កើនសុខភាពស្បែក និងដោះស្រាយបញ្ហាទាំងនេះ។

៦. ល្អដល់ប្រព័ន្ធរំលាយអាហារ

ជាទូទៅផលិតផលដែលមានជាតិ ferment ទាំងអស់មានមុខងារបន្សាបជាតិពុល និងបង្កើនមុខងាររំលាយអា​ហារ។

ចុងក្រោយខ្ញុំនឹងបង្ហាញអ្នកពីរបៀបផឹក Calpis ។ អ្នកអាចផឹកតាមរបៀបធម្មតាឬលាយជាមួយភេសជ្ជៈផ្សេង​ផឹកនឹងកាន់តែឆ្ងាញ់។

Calpis ប៉េងប៉ោះ

រូបភាព https://kumiko-jp.com/archives/86401.html

បន្ថែម Calpis ៥០ មីលីលីត្រ និងទឹកប៉េងប៉ោះ ២៥០ មីលីលីត្រ។ មនុស្សជាច្រើនមិនចូលចិត្តផឹកទឹកប៉េងប៉ោះទេ ប៉ុន្តែភេសជ្ជៈប្រភេទនេះល្អចំពោះសុខភាពណាស់។ ជនជាតិជប៉ុននិយមលាយបញ្ចូលភេសជ្ជៈទាំងពីរនេះ អ្នកក៏អាច​ប្រើវិធីនេះជួយឱ្យកូនរបស់អ្នកចូលចិត្តផឹកទឹកផ្លែឈើផងដែរ។

ស្រាបៀរ Calpis

រូបភាព https://kumiko-jp.com/archives/86401.html

ការលាយបញ្ចូលភេសជ្ជៈដែលល្អសម្រាប់សុខភាព និង​ស្រាបៀរ។ សរុបមកនេះគឺជាភេសជ្ជៈដែលមានរសជាតិឆ្ងាញ់ស្រួលផឹក។

បរិមាណលាយ Calpis មួយដប និង​ស្រាបៀរ។

ទឹកដោះគោក្រឡុក

រូបភាព https://kumiko-jp.com/archives/86401.html

បរិមាណលាយភេសជ្ជៈប្រភេទនេះគឺ Calpis មួយដប និងទឹកដោះគោ ៥ ដូចជាទឹកក្រឡុកប៉េងប៉ោះ។

និយាយអញ្ចឹងខ្ញុំក៏ចង់និយាយបន្ថែមអំពីការបញ្ចេញសំលេងរបស់ពាក្យ Calpis នៅក្នុងប្រទេសមួយចំនួន។ ក្នុងភាសាអង់គ្លេសគេអានថា Cow Piss ហើយនៅអាមេរិកហៅថា Calpico (សូមប្រើ google ដើម្បីបកប្រែ)។

ខ្ញុំសូមជូនពរអ្នកទាំងអស់គ្នាអោយមានសុខភាពល្អ។

Kengo Abe