វិធីរក្សាស្បៀងអាហារក្នុងរដូវរងារបស់ប្រជាជនជប៉ុន

អ្នកស្រុក Niigata ប្រទេសជប៉ុនភាគច្រើនឆ្លៀតរដូវព្រិលធ្លាក់ដូចក្នុងទូទឹកកកដើម្បីរក្សាចំណីអាហារ។ បច្ចេក​ទេស​ប្លែកនេះធ្វើឱ្យផ្លែឈើ បន្លែមានរសជាតិផ្អែម និងស្រួយជាងធម្មតា។

តំបន់ព្រិល Niigata មានជ្រលងភ្នំមួយស្ថិតនៅជិតឆ្នេរសមុទ្រជប៉ុនចម្ងាយជាង ៣០០ គីឡូម៉ែត្រពីទីក្រុងតូក្យូ។ នៅតំបន់នេះភ្ញៀវទេសចរណ៍ភាគច្រើនមិន​អាច​មកបានទេដោយសាររដូវរងាមានព្យុះទឹកកក។ ទោះជាយ៉ាងអ្នកស្រុកអាចសម្របខ្លួនក្នុងបរិយាកាសដ៏ត្រជាក់នេះ ថែមទាំងធ្វើច្រកចូលជាន់ទីពីរដើម្បីធ្វើដំណើរពេល​ព្រិលធ្លាក់ខ្លាំង។

បន្លែ និងផ្លែឈើនៅទីនេះដូចជាផ្លែប៉ោមហ្វូជី ការ៉ុត ឆៃថាវសុទ្ធតែត្រូវ​ដាក់​ក្នុងកាបូបទុកក្នុងកន្ត្រក កប់ក្រោមព្រិលឬដាក់ក្នុងឃ្លាំងផ្ទុកព្រិល។ វិធីរក្សាស្បៀងដ៏ពិសេសនេះអាចរក្សាបានរយៈពេលប៉ុន្មាន​ខែ។ កសិករខ្លះថែមទាំងទុកអោយព្រិលធ្លាក់គ្របបន្លែរបស់ពួកគេនៅចំការដោយមិនចាំបាច់​ប្រមូលផល។

បន្លែផ្លែឈើដែលកប់ក្រោមព្រិលមានរសជាតិឆ្ងាញ់ និងផ្អែមជាងអាហារដែលទុកនៅក្នុងទូទឹកកក។ មើមដែលអ្នក​ស្រុករក្សាក្រោម​ព្រិលភាគច្រើនគេស្ងោរ ចម្អិនសុ៊បញ៉ាំជាមួយសាច់ជ្រូកព្រៃ។

Kuniaki Tojo គឺជាជំនាន់ទីបីរបស់ Kanzuri ជាក្រុមហុ៊នគ្រួសារផលិតទឹកជ្រលក់ម្ទេស។ ទឹកជ្រលក់ម្ទេស Kanzuri គឺជាផលិតផល​ដែល​ត្រូវ​បាន​រក្សាដោយព្រិលល្បីបំផុតនៅប្រទេសជប៉ុន។

គ្រឿងផ្សំចម្បង​ធ្វើទឹកជ្រលក់ម្ទេស Kazuri គឺម្ទេសក្រហម Togarashi ។ វិធីរក្សាម្ទេសខុសពីអាហារធម្មតា។ ដំបូងអ្នក​ស្រុកយកអំបិលប្រឡាក់ម្ទេសហាលលើព្រិលរយៈពេល ២-៣ ថ្ងៃ ក្នុង​រយៈពេល​នេះអាច​កាត់បន្ថយហឹរក្តៅឆួលរបស់ម្ទេស។

កសិករសម្គាល់កន្លែងផ្ទុកម្ទេសដោយប្រើឫស្សីតូចៗ ទោះបីជាព្រិលធ្លាក់គ្របគ្រប់កន្លែងក៏អ្នក​ស្រុកនៅតែ​ដឹងកន្លែងផ្ទុកម្ទេសដែរ។

បន្ទាប់ពីដំណាក់កាល yukisarashi ម្ទេសត្រូវ​លាយជាមួយល្បាយ koji (គ្រឿងធ្វើអោយឡើងជូរ) និង​សំបកផ្លែ yuzu ។ ល្បាយត្រូវរក្សា និងទុកអោយឡើងជូររយៈពេល ៣ ឆ្នាំ។

ទឹកជ្រលក់ម្ទេសប្រើសម្រាប់​បន្ថែម​រសជាតិស៊ុបដូចជា ramen, shabu shabu ឬសាច់អាំងចង្កាក់ជាច្រើនផ្សេងទៀត។ ទឹកជ្រលក់ម្ទេសក៏អាចញ៉ាំជាមួយ sashimi ផងដែរ។

ប្រភព Vnexpress.net