ចលនា #MeToo ច្រើនឆ្នាំមកហើយនៅតែមិនទាន់ដាក់ទណ្ឌកម្មចំពោះទង្វើរំលោភបំពានស្ត្រីរបស់នាយកប្រតិបត្តិសាជីវកម្ម

ថ្ងៃ​ចន្ទ 23/03/2020 | 13:17 ល្ងាច

ចលនា #MeToo នៅប្រទេសជប៉ុនបន្តទទួលបានព័ត៌មានថ្មីៗ។

លោក Asahi Shimbun បានបង្ហោះអំពីករណីរបស់ Yasuharu Ishikawa ជានាយកប្រតិបត្តិរបស់សាជីវកម្ម Stripe International ត្រូវគេចោទប្រកាន់ទង្វើរំលោភបំពានផ្លូវភេទម្តងហើយម្តងទៀត។ ទោះជាយ៉ាងណាផ្នែកក្រុមហ៊ុនមិនបានប្រកាសពីទណ្ឌកម្មឡើយ ព័ត៌មាននេះធ្វើអោយបណ្តាអ្នកប្រើប្រព័ន្ធអុីនធឺណែតខឹងខ្លាំង។

សាជីវកម្ម Stripe International មូលដ្ឋាននៅទីក្រុង Okayama បានអភិវឌ្ឍម៉ាកយីហោជាច្រើនរួមទាំងផ្នែកសម្លៀកបំពាក់សម្រាប់​ស្រ្តី “earth music&ecology” ។ ក្រុមហ៊ុនបានសម្រេចចិត្តស៊ើបអង្កេតការចោទប្រកាន់ទាក់​ទងនឹងនាយកប្រតិបត្តិចាប់ពីខែសីហាឆ្នាំ ២០១៥ ដល់ខែឧសភាឆ្នាំ ២០១៨ ។

យោងតាមព័ត៌មាន​ពី Asahi Shimbun ភ័ស្តុតាងត្រូវបានពិនិត្យឡើងវិញទាក់ទងសារតាម LINE ដែល Ishikawa បានផ្ញើអោយបុគ្គលិក​ស្រី។ លើសពីនេះមានភ័ស្តុតាងដែលបញ្ជាក់ថា Ishikawa ធ្លាប់អញ្ជើញបុគ្គលិកស្រីទៅសណ្ឋា​គារ និងមានអាកប្បកិរិយាមិនសមរម្យ។

ក្រោយសវនាការ Ishikawa បានសារភាពថាធ្លាប់អញ្ជើញស្ត្រីទៅសណ្ឋាគារឬទៅទទួលទានអាហារពេលល្ងាច។ ទោះយ៉ាងណាក្រោយពីបានពិនិត្យភ័ស្តុតាងរួចហើយ ក្រុមហ៊ុនមិនបានចេញសេចក្តីសម្រេចដាក់ពិន័យអ្វីឡើយ ផ្ទុយទៅវិញគ្រាន់តែព្រមានប៉ុណ្ណោះ។ ព័ត៌មានលើកឡើងពីបញ្ហាសិទ្ធិស្រ្តី និងដាក់ទណ្ឌកម្មទាក់ទងនឹងការរំលោភបំពាន​លើស្ត្រី។

មានរឿងដ៏គួរឱ្យអស់សំណើចមួយនៅខែមីនាឆ្នាំ ២០១៩ ប៉ុន្មានខែបន្ទាប់ពីការស៊ើបអង្កេតការិយាល័យក្រុមហ៊ុនតែងតាំងលោក Ishikawa ចូលក្រុមប្រឹក្សាសមភាពយេនឌ័រ។ ពិតជាហួសចិត្តដែលលើកបុរសម្នាក់ធ្លាប់មានប្រវត្តិរំលោភបំពានលើស្ត្រីអោយកាន់មុខតំណែងនេះគោលបំណងដូចជាផ្ទុយទាំងស្រុង។

ទោះបីជាចលនា #MeToo បានចាប់ផ្តើមដោយអ្នកសារព័ត៌មានស្រី Noriyuki Yamaguchi នៅឆ្នាំ ២០១៧ ក៏​ដោយ ប៉ុន្តែរហូតដល់ខែធ្នូឆ្នាំ ២០១៨ ខណៈពេលវេលាស៊ើបអង្កេតរឿងរបស់ Ishikawa ករណីនេះមិន​មាន​អ្នក​ដឹងច្រើនទេ។

ក្រៅពីនេះម៉ាកយីហោ “earth, music&ecology” នៅតែមានប្រជាប្រិយភាពខ្លាំងចំពោះស្រ្តី ពិសេសយុវជនដូចជានិស្សិតសាកលវិទ្យាល័យ។ មិន​ទាន់ច្បាស់ថាតើព័ត៌មានអវិជ្ជមានទាក់ទង Ishikawa អាចនឹងមាន​ផលប៉ះពាល់ចំពោះសាជីវកម្ម Stripe International យ៉ាងណាទេ។

Sacchan

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: