សិស្សបឋមសិក្សាជប៉ុន​បង្កើតកម្មវិធីបញ្ចប់ការសិក្សាអនឡាញដោយខ្លួន​ឯងតាមរយៈ Minecraft

ពិតជាអស្ចារ្យណាស់ដែលយុវជនសព្វថ្ងៃនេះមានគំនិតច្នៃប្រឌិតបែបនេះ។

ដើម្បីត្រួតពិនិត្យការរីករាលដាលនៃ COVID-១៩ សាលារៀននៅប្រទេសជប៉ុនត្រូវបានបិទបណ្តោះអាសន្ន ហើយប្រហែលនឹងបន្តបិទរហូតដល់និទាឃរដូវ។ នៅចុងខែមីនា និងដើមខែមេសានៅប្រទេសជប៉ុនជាពេលបញ្ចប់ការសិក្សា ដូច្នេះទំនងជាសិស្សនឹងខកខានពិធីដ៏សំខាន់នេះ។

សិស្សបឋមមួយចំនួនមិន​ចង់អោយឳកាសសំខាន់ក្នុងជីវិតកន្លងផុតទៅ ដូច្នេះ​ផ្តើមគំនិតបង្កើតពិធីបញ្ចប់ការសិក្សាសម្រាប់​ខ្លួន។ ប្រសិនបើអ្នកមិនអាចរៀបចំពិធីបញ្ចប់ការសិក្សានៅសាលាអ្នកអាចធ្វើតាមរយៈ Minecraft ក្នុងយុគសម័យឌីជីថលនេះ។

(Minecraft គឺជាឈ្មោះហ្គេមបើកចំហរមួយប្រភេទដែលកំពុងពេញនិយមនាពេលថ្មីៗនេះ) ។

ការបង្ហោះរបស់អ្នក​ប្រើ Twitter @backyennew បានចែករំលែកពិធីបញ្ចប់ការសិក្សា “និម្មិត” របស់កូនប្រុសគាត់ដែលរៀនថ្នាក់បឋមសិក្សាធ្វើ​ឡើងជាមួយ​មិត្តភក្តិមួយចំនួន។

អ្វីដែល​គួរអោយចាប់អារម្មណ៍គឺប្អូនៗបានបង្កើតគំនិតជាមួយគ្នាដោយគ្មានការណែនាំពីគ្រូឡើយ។

មើលទៅក្មេងប្រុសដូចជាទទួល​បានពិធីបញ្ចប់ការសិក្សាយ៉ាងពិសេស និង​សប្បាយរីករាយ។

ចំពោះអ្នក​ដែល​យល់ថាហ្គេមអនឡាញមិន​ល្អសម្រាប់​កុមារ អ្នក​អាចមើលទៅលើចំណុចវិជ្ជមាននេះ។

ទោះជាយ៉ាងណាយើងនៅតែសង្ឃឹមថាក្មេងៗអាចត្រឡប់ទៅសាលារៀនជួបមិត្តភក្តិ និងមានពិធីបញ្ចប់ការសិក្សាពិតប្រាកដ។ ដូច្នេះដំបូងត្រូវអនុវត្តវិធានការណ៍ការពារជំងឺឱ្យមានប្រសិទ្ធភាពសិន។

Sacchan

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: