ទស្សនាសារមន្ទីរព្រិលគ្រីស្តាល់សែនស្អែតនៅ Asahikawa

ថ្ងៃអាទិត្យ 15/03/2020 | 11:34 ព្រឹក

អ្នកធ្វើដំណើរប្រហែល ៥ នាទីពីស្ថានីយ៍ Asahikawa ឡើងឡានក្រុងលេខ ៥៣ ទៅដល់ចំណតឡានក្រុងលេខ ១១ (មុខសណ្ឋាគារ CABIN) ។ ចំណាយពេលប្រហែល ១៥ នាទីដើរពីចំណតលេខ ១១ ទៅដល់ចំណត 高砂台 (Takasagodai) ។ បន្ទាប់ពីចុះឡានក្រុងមើលឆ្ពោះផ្លូវខាងមុខអ្នកនឹងមើលឃើញវិមានសមួយត្រូវបានកសាងតាមស្ថាបត្យកម្មលោកខាងលិចគឺសារមន្ទីរព្រិលគ្រីស្តាល់ Asahikawa ។

ពេលចូលទស្សនាអ្នកត្រូវទិញសំបុត្រក្នុងតម្លៃ ៨០០ យ៉េនសម្រាប់មនុស្សធំ ៦០០ យ៉េនសម្រាប់សិស្សវិទ្យាល័យ និងនិស្សិតសាកលវិទ្យាល័យ ៥០០ យ៉េនសម្រាប់សិស្សបឋមសិក្សា និងឥតគិតថ្លៃសម្រាប់កុមារ។ សូមមើលព័ត៌មានសំបុត្រ និងកម្មវិធីបញ្ចុះតម្លៃតាមតំណរភ្ជាប់៖ https://yukibi.marryblossom.com/abouts/

បន្ទាប់ពីទិញសំបុត្រអ្នកដើរចុះជណ្តើររាងមូលមួយមានបង្កាន់ដៃធ្វើពីដែកមានក្បាច់រចនាស្អាត នៅចំកណ្តាលជណ្តើរមានទឹកបាញ់ និងប្រាក់កាក់ដែលភ្ញៀវបោះចូលពេលមកដល់ទីនេះ។

នៅចុងជណ្តើរមានទ្វារធំមួយមានរូបផ្កាព្រិលពណ៌សដែលគេតុបតែងលើកញ្ចក់។ ខាងក្រោយទ្វារនេះជាផ្លូវល្អាងព្រិលទឹកកក ហើយក៏ជាច្រកចូលសារមន្ទីរផងដែរ។ ឈានចូលល្អាងព្រិលទឹកកកអ្នកនឹងមានអារម្មណ៍ដូចជាវង្វេងក្នុងវិមានរបស់ព្រះនាងទឹកកក Elsa ក្នុងខ្សែភាពយន្តល្បី Frozen ។

ក្រោយពេលដើរសព្វល្អាងទឹកកកអ្នកនឹងទៅដល់សាលតន្រ្តី នេះជាកន្លែងប្រកុំតន្រ្តី ពិធីមង្គលការ និងព្រឹត្តការណ៍ផ្សេងទៀត។ នៅលើពិដានសារមន្ទីរមានផ្ទាំងគំនូរដ៏ធំមួយធ្វើអោយអ្នកមានអារម្មណ៍ដូចជាកំពុងមើលផ្ទៃមេឃខៀវស្រងាត់យ៉ាងស្អាត។

Processed with VSCO with al1 preset

នៅជុំវិញសាលតន្រ្តីគឺជាសាលជប់លៀង សបកាហ្វេ បន្ទប់ដាក់តាំងស្នាដៃសិល្បៈ និងបន្ទប់លក់វត្ថុអនុស្សាវរីយ។ នៅទីនេះអ្នកអាចតុបតែងធ្វើជាព្រះនាងជាមួយនឹងសម្លៀកបំពាក់បែបអឺរ៉ុបឬសម្លៀកបំពាក់ Kimono របស់ជប៉ុន។

អ្នកអាចមើលតម្លៃសំបុត្រក្នុងគេហទំព័ររបស់សារមន្ទីរ៖ https://yukibi.marryblossom.com/

ដើរមើលបន្តគឺបន្ទប់ដែលពេញនិយមបំផុតរបស់សារមន្ទីរនេះ ជាបន្ទប់ដែលត្រូវបានតុបតែងជាង ២០០ ក្បច់រចនាលើជញ្ជាំង និងពិដានបន្ទប់។ នេះក៏ជាកន្លែងដែលភ្ញៀវមកទស្សនាច្រើនបំផុតពេលមកដល់ទីនេះ។

ក្រៅពីនេះអ្នកអាចស្វែងយល់អំពីក្បាច់រចនាជាច្រើនក្នុងបន្ទប់ភាពយន្តឯកសារ។ នៅទីនេះមានបំពាក់អេក្រង់ទូរទស្សន៍ជាច្រើន ឯកសារពីបុរាណ ឯកសារស្រាវជ្រាវ សៀវភៅសម្រាប់ក្មេង និងរឿងព្រេងនិយាយពីព្រិល។