YouTuber ជនជាតិជប៉ុនម្នាក់ល្បីព្រោះតែប្រើស៊ីភីយូកុំព្យួទ័រអាំងសាច់ Wagyu

យុវជនជប៉ុនម្នាក់​ស្រាប់តែ​ល្បីព្រោះតែ​គំនិតធ្វើម្ហូបដោយប្រើស៊ីភីយូរបស់កុំព្យួទ័រ។

រូបភាព ប្រភពOddycentral

អ្នកប្រើកុំព្យូទ័រគ្រប់រូបសុទ្ធតែ​ដឹងថាស៊ីភីយូរបស់កុំព្យួទ័រក្តៅខ្លាំង ជាពិសេសនៅពេលអ្នកធ្វើប្រតិបត្តិការច្រើនក្នុងពេលតែមួយ។ ប៉ុន្តែអ្នកប្រាកដជាមិន​ធ្លាប់គិតថាប្រើស៊ីភីយូធ្វើជាម៉ាសុីនចម្អិន​អាហារឡើយ។

គេហទំព័រ YouTube たれみみ នេះត្រូវបានបង្កើតឡើងកាលពី ៦ ឆ្នាំមុន ប៉ុន្តែចំនួនអ្នកតាមដានមានតិចណាស់រហូតដល់មានវីដេអូធ្វើម្ហូបប្លែកៗរបស់ពួកគេដូចជាពងមាន់ចៀន ស្ងោរ សាច់ប៊ីស្តិក Wagyu ។ មើលទៅដូចជាគ្មានអ្វីដែល​បុរសម្នាក់​នេះមិន​អាច​ចម្អិន​លើស៊ីភីយូក្នុងកុំព្យូទ័រឡើយ។ នៅពេលនេះបរិមាណអ្នក​មើល​កើនឡើងយ៉ាងខ្លាំង។

បណ្តាញជាច្រើន​បង្ហោះវីដេអូទាក់ទងនឹងកង់ ការបោះជំរុំ ប៉ុន្តែវីដេអូប្រើសុីភីយូ​ចម្អិន​ម្ហូបរបស់បុរសម្នាក់នេះមានអ្នកមើលច្រើនជាងគេ នេះប្រហែលជាជំហានដំបូងជួយគាត់រកលុយតាម YouTube ។ មានមតិជាច្រើនហាក់ដូចជារីករាយនឹងវីដេអូទាំងនេះ។

មានមនុស្សម្នាក់​និយាយ​ថា “ពិតជាមិន​គួរអោយជឿទេដែលអាចចម្អិន​ម្ហូបតាមវិធីនឹង” ។

“មែន​ហើយពេលអ្នកទិញកុំព្យួទ័រលើតុបែរជាភ្លេចទិញចង្រ្កាន ក្រោយ​មក​​​ស្រាប់​តែ​ចាប់អារម្មណ៍ថាខ្លួន​កំពុង​ទិញ​ឧបករណ៍ទាំងពីរក្នុងពេលតែមួយ” ។​

តើអ្នក​ហ៊ាន​បើកសុីភីយូ​ដើម្បីចម្អិន​ម្ហូប​ដូចជាបុរស YouTuber ម្នាក់​នេះទេ?

AD