វិធីសាស្រ្តបង្រៀនជួយឲ្យ​កូន​របស់​​អ្នក​​មាន​ទម្លាប់​ល្អក្នុង​​ការ​រៀន​សូត្រ

វិធីសាស្ត្រដែលជួយឲ្យមនុស្សគ្រប់គ្នាអាចសុំចូលរៀនសាកលវិទ្យាល័យដែលខ្លួនចូលចិត្ត ជា​បទ​ពិសោធន៍​របស់​គ្រូបង្រៀន​​ភាសា​ជប៉ុន​ម្នាក់។

រឿងដែលឪពុកម្តាយតែងតែព្រួយបារម្ភនៅពេលចិញ្ចឹមកូនគឺ “តើត្រូវ​ធ្វើយ៉ាងណាដើម្បីឲ្យ​កូន​កាន់តែឆ្លាត​វៃ?” ប្រសិន​​បើ​​កូន​ឆ្លាតអាចប្រឡងជាប់សាកលវិទ្យាល័យល្អៗ ធ្វើការនៅក្រុមហ៊ុនល្បីរកលុយបានច្រើន។ ប៉ុន្តែកូនរបស់ខ្ញុំមិនឆ្លាតដូចក្មេងៗដទៃទៀតទេ។

អ្នកប្រហែលជាមិនទាន់យល់អំពីរចនាសម្ព័ន្ធពិតនៃការសិក្សា។ ប្រសិនបើឪពុកម្តាយពិតជាយល់អំពីបញ្ហានេះនឹងផ្តល់សិទ្ធិឲ្យ​កូនៗរបស់ពួកគេជ្រើសរើសសាកលវិទ្យាល័យដែលកូនចង់រៀន។

ការរៀនសូត្រ = ធ្វើត្រាប់តាម (学ぶ＝ 真似る)

នៅក្នុងភាសាជប៉ុនពាក្យរៀនត្រូវអានថា MANABU ។ ប្រភពដើមនៃពាក្យរៀនមកពីពាក្យត្រាប់តាម – MANERU ឬគេអាចហៅថាធ្វើតាមអ្នកដទៃ។ ពេលចាប់ផ្តើមរៀនអ្នកត្រូវធ្វើតាមអ្វីដែលគ្រូបង្រៀនរហូតដល់កម្រិត​ថ្នាក់វិទ្យាល័យ បទដ្ឋានអប់រំស្ថិតក្នុងក្របខ័ណ្ឌបែបនេះ។ តើគ្រាន់តែធ្វើត្រាប់តាមឬ? ស្តាប់មើលទៅដូចជាងាយស្រួល។

សាកលវិទ្យាល័យតូក្យូគឺជាសាកលវិទ្យាល័យលំដាប់ថ្នាក់ជាតិក្នុងប្រទេសជប៉ុន ប៉ុន្តែអ្វីដែលគួរឲ្យភ្ញាក់ផ្អើលគឺនិស្សិត​ភាគច្រើនប្រឡងចូលមិនមានវិធីរៀនពិសេសឡើយ។ ប៉ុន្តែនិស្សិតយល់ច្បាស់អំពីមូលដ្ឋានគ្រឹះ និង​សៀវ​​ភៅសិក្សា។

ប្រសិន​បើ​អ្នក​យល់ថាការសិក្សាពិតជាពិបាក អ្នកអាចបែងចែកចំនួនទំព័រនឹង ៣៦៥ ថ្ងៃ។ ដូច្នេះអ្នកនឹងដឹងថាដើម្បីរៀនសៀវភៅមួយ​ក្បាលចប់ក្នុងរយៈពេលមួយឆ្នាំត្រូវ​ចំណាយពេល​ប៉ុន្មាន។ តាមពិតគ្រាន់តែ​រៀនមួយ​ទំព័រមួយ​ថ្ងៃ (ក្នុងសៀវភៅសិក្សា) គឺគ្រប់គ្រាន់ហើយ។ ចំពោះមុខវិជ្ជាសំខាន់ៗត្រូវព្យាយាមបំពេញក្នុងរយៈពេល ១០ នាទី។ ទោះជាយ៉ាងណា អ្វីដែលសំខាន់បំផុតត្រូវរក្សាទម្លាប់រៀនជារៀងរាល់ថ្ងៃ ធ្វើបែបនេះកូនរបស់អ្នកប្រាកដជាអាចប្រឡងចូលសាលារៀនដែលពួកគេចង់រៀន។

ជាក់ស្តែង ការបណ្តុះបណ្តាលទម្លាប់រៀនប្រចាំថ្ងៃមិនងាយស្រួលនោះទេ ពិសេសចំពោះអ្នកដែលមិនចូលចិត្តរៀន។ នៅចាំទេកាល​ពីក្មេងអ្នក​ស្អប់ដុសធ្មេញ ប៉ុន្តែម្តាយរបស់អ្នកបែរជាបង្ខំអ្នក​ឲ្យ​ដុសធ្មេញ។ យូរៗទៅទោះបីជាម្ដាយលែងរំលឹកអ្នក ប៉ុន្តែ​​មិន​ដុសធ្មេញហើយចូលគេងបែរជាជម្រុញអ្នកឲ្យទៅដុសធ្មេញ។

រូបភាព https://www.photo-ac.com/

នេះគេហៅថា “បង្កើតទម្លាប់”

ដំបូងកូនរបស់អ្នកអាចស្អប់ការសិក្សាតែពេលពួកគេមានទម្លាប់រៀននោះខួរក្បាលនឹងសម្របខ្លួនដោយស្វ័យ​ប្រវត្តិ។

តើធ្វើដូចម្តេចដើម្បីបង្កើតទម្លាប់រៀនសម្រាប់កូន?

មធ្យោបាយមានតែមួយ​គត់គឺការសរសើរពួកគេ មិនត្រឹមតែកុមារប៉ុណ្ណោះ សូម្បីតែមនុស្សពេញវ័យ នៅពេលទទួល​បាន​ការសរសើរដ៏ស្មោះត្រង់ភាគច្រើនមានអារម្មណ៍សប្បាយរីករាយ។ តើអ្នកនៅចាំពេលដែលអ្នកចាប់ផ្តើមរៀន​បឋមសិក្សាទេ? គ្រប់យ៉ាងងាយស្រួល ហើយមិនមានភាពខុសគ្នាចំពោះសមត្ថភាពសិក្សានោះទេ។ ​គ្រប់គ្នាខំប្រឹងស្តាប់​គ្រូ​​បង្រៀន និង​លើកដៃឆ្លើយពេលដឹងអំពីចម្លើយ។ ចំពោះមនុស្សជាច្រើននេះជាពេលវេលាសិក្សាដ៏រីករាយ។ រហូតដល់​ពេល​អ្នក​ស្អប់ការសិក្សាព្រោះតែពិន្ទុរៀនធ្លាក់ចុះ ហើយការបង្រៀនរបស់គ្រូមិនងាយយល់ដូចមុន ដូច្នេះអ្នកចាប់​ផ្តើម​គេច​សាលា។

ប្រសិនបើអ្នកឃើញកូនរីកចម្រើនចូរនិយាយ​ពាក្យ​សរសើរពួកគេដូចជា “កូនរបស់​ម៉ាក់ពូកែ​ណាស់!” កូន​ធ្វើ​បាន​ហើយ។ សុភាសិតជប៉ុននិយាយថា “សូម្បីតែសត្វជ្រូកក៏អាចឡើងដើមឈើដោយសារការសរសើរ” ។ ជាការពិតណាស់ សត្វ​ជ្រូក​មិន​អាច​ឡើងដើម​ឈើ​បានទេ ប៉ុន្តែឥទ្ធិពល​នៃ​ការ​សរសើរ​ពិតជាមានប្រសិទ្ធភាពណាស់!

Sacchan