គ្រាន់តែស្តាប់រឿងខ្មោចស្រីដាច់ពាក់កណ្តាលខ្លួនអ្នកនឹងមិន​ហ៊ានចេញក្រៅពេលយប់ទៀតទេ

បណ្តាប្រទេសនៅលើពិភពលោក​នេះមានវប្បធម៌រៀងខ្លួនជាមួយនឹងប្រវត្តិសាស្រ្តអាស្រ័យលើពេលវេលារបស់ប្រទេស​នីមួយៗ។ ក្រៅពីវប្បធម៌ដូចជាកន្លែងសម្រាប់ទស្សនាប្រវត្តិសាស្ត្រ ធម្មជាតិ និង​សកម្មភាព​ក្នុង​ប្រទេសផ្សេងទៀត នៅក្នុងប្រទេសនីមួយៗមានរឿងព្រេង រឿងនិទានប្លែកៗជាច្រើន។

ប្រទេសជប៉ុនក៏ដូចជាបណ្តាប្រទេសអាសុីដទៃទៀត នៅប្រទេសជប៉ុន​មានទីសក្ការៈបូជា និង​ព្រលឹងវិញ្ញាណ។ ប្រភេទនីមួយៗមានរឿងរ៉ាវប្រវត្តិសាស្ត្រកំណើតខុសគ្នា។ ពេលរំលឹកអំពីរឿងព្រេងនិទានជប៉ុនប្រាកដជាមិនអាចរំលងវិស័យរឿងរន្ធត់ឡើយ។

រហូតមកដល់ពេលនេះ JAPO នាំមកនូវរឿងរ៉ាវជាច្រើនរៀបរាប់អំពីប្រភេទរឿងគួរឱ្យខ្លាច កំប្លែង និងអស់សំណើច។ ប៉ុន្តែនៅពេលអាន​រឿងខាងក្រោម​នេះអ្នក​ប្រហែលជាភ័យ​ខ្លាចពេលរាត្រី។ ប្រវត្តិរឿងស្រមោលខ្មោច Teke Teke ។

នៅពេល​បង្កប់​រឿងរ៉ាវដ៏គួរអោយភ័យខ្លាចតាមរយៈពាក្យចចាមអារាមរបស់មនុស្ស រឿងនិយាយពី​ស្រមោលខ្មោចកាន់តែ​ធ្វើអោយ​យើងមានភាព​តក់ស្លុត ឧទាហរណ៍ដូចជារឿងដែល​បាន​រៀបរាប់ខាងក្រោម​នេះ។

រឿងកើតឡើងចំពោះតួអង្គ Satoshi នៅរាត្រីដ៏ស្ងាត់ គាត់ដើរម្នាក់ឯងទៅផ្ទះ​អ្នក​ជិតខាងមើលឃើញនារីស្រស់ស្អាតម្នាក់ក្នុង​ផ្ទះដែលគេបោះបង់ចោល។ នាងផ្អែកខ្លួនលើបង្អួច កែងដៃរបស់នាងដាក់លើគែមបង្អួច ក្រឡេក​មើល​ Satoshi ដោយក្រសែភ្នែកមិន​ខ្វល់។

ស្រាប់តែ​នាងលោតចេញមកពីបង្អួចផ្ទះ បុរសឈ្មោះ Satoshi មានការភ្ញាក់ផ្អើលយ៉ាងខ្លាំងរហូតដល់ស្រឡាំកាំងឈរមើលនាងលោតចុះ​មក។ ប៉ុន្តែអ្វីដែលចម្លែកពេលនាងលោតចុះ​មកទើបបុរសនោះឃើញរឿងដែលគួរអោយខ្លាចបំផុត។ នោះគឺមនុស្សស្រីម្នាក់មានតែពាក់កណ្តាលរាងកាយផ្នែកខាងលើ ត្រឹមចង្កេះ និងជើងរបស់នាងបាត់ដូច​ជា​មានអ្វីកាត់ផ្តាច់។

ភ្លាមៗនោះបុរសនេះនឹកឃើញរឿងសោកនាដកម្មរបស់សិស្សស្រីម្នាក់ត្រូវរថភ្លើងកិនដាច់ពាក់កណ្តាលខ្លួន។ ប៉ុន្តែឥឡូវនេះនាងនៅចំពោះមុខ Satoshi ហើយដើរឆ្ពោះទៅរកគាត់។ ដៃម្ខាងកាន់កណ្តៀវ ដៃម្ខាងទៀតរបស់នាងប៉ះចិញ្ចើមផ្លូវបង្កើតជាសម្លេង “teke teke” សម្លេងនោះដិតជាប់អារម្មណ៍របស់ Satoshi ។

Satochi ភាំងស្មារតីពេល​នាងឆ្ពោះមកជិត គាត់មានអារម្មណ៍ដូចជាកណ្តៀវកាត់ផ្តាច់ពាក់កណ្តាលខ្លួន ហើយបន្ទាប់មកគាត់ដួលសន្លប់។ ទឹកមុខរបស់នាង និងសម្លេង “teke teke” បន្លឺឡើងក្នុងចិត្តរបស់ Satochi ។

ក្រៅពីរឿងរ៉ាវខាងលើនេះពាក្យចចាមអារ៉ាមផ្សេងទៀតនិយាយថាខ្មោចច្រើនតែបង្ហាញខ្លួន​ក្នុង​បន្ទប់។ នៅពេល​នាងឃើញនរណាម្នាក់នាងនឹងសួរថា “តើជើងខ្ញុំនៅឯណា?” ប្រសិនបើអ្នកឆ្លើយមិនត្រូវប្រាកដជាត្រូវកណ្តៀវ​លើ​ដៃរបស់នាងកាត់ពាក់កណ្តាលខ្លួន។ ប៉ុន្តែបើអ្នកនិយាយថា “ក្នុងនាមព្រះជាម្ចាស់” នាងនឹងលើកលែងអោយអ្នក។

ទោះបីជាមានកំណែជាច្រើននិយាយអំពីរឿងខ្មោចខាងលើ ប៉ុន្តែបច្ចុប្បន្នគ្មានឯកសាររៀបរាប់អំពីដើមកំ​ណើតឬពេលវេលានៃរឿងនេះទេ។ ដោយសារសម្តីនិយាយតគ្នាកាន់តែគួរអោយខ្លាចខ្លាំងឡើងៗ។ នេះគ្រាន់តែជាការស្មានប៉ុណ្ណោះ អ្នកគួរជឿឬអត់អាស្រ័យលើជំនឿរបស់មនុស្សម្នាក់ៗ។

ចុះអ្នកវិញបើចេញក្រៅពេលយប់ស្តាប់ឮសម្លេង “teke teke” តើអ្នកហ៊ានងាកមកមើលដែរទេ?

ប្រភព jpninfo

TT

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: