គំរូរបស់លោកប្រធានសាជីវកម្មធំនៅជប៉ុនអាយុ ៨១ ឆ្នាំសម្អាតបង្កន់ដោយផ្ទាល់

Yellow Hat Japan គឺជាបណ្តាញហាងលក់គ្រឿងបន្លាស់រថយន្តដ៏ល្បីរបស់ជប៉ុន។ នេះគឺជាសហគ្រាសខ្នាតធំដែលមាន ៧២៨ ហាងនៅទូទាំងប្រទេសជប៉ុន និង ៤ ហាងនៅក្រៅប្រទេស។ ប្រាក់វិនិយោគរបស់ Yellow Hat មានចំនួនជាង ១៥ ពាន់លានយ៉េន ចំណូលប្រចាំឆ្នាំគឺ ១៣០ ពាន់លានយ៉េន។ ចំនួន​បុគ្គលិករួមបញ្ចូលនៅតាមសាខាប្រហែល ៣៥០០ នាក់។ តាមរយៈតួលេខទាំងនេះអ្នកអាចប៉ាន់ស្មានទំហំអាជីវកម្មនេះ។

លោកប្រធានសាជីវកម្ម​បានបង្ហាញទង្វើដ៏គួរអោយគោរពគឺដុសសម្អាតបង្កន់របស់ក្រុមហ៊ុនដោយផ្ទាល់ដៃ។

រូបភាព https://toyokeizai.net/articles/-/54721

លោក Kagiyama បានក្លាយជាស្ថាបនិកសាជីវកម្មនេះក្នុងឆ្នាំ ១៩៦១ នៅអាយុ ២៨ ឆ្នាំ។ ចាប់តាំងពីពេល​បង្កើតដំ​បូងលោក Kagiyama និងសហស្ថាបនិកម្នាក់ទៀតបានដុសសម្អាតបន្កន់ជាមួយ​គ្នារហូតមក​ដល់ឥឡូវរយៈពេល ៥៣ ឆ្នាំមកហើយ។

ហេតុ​អ្វី​បាន​ជាលោកប្រធានសាជីវកម្មមួយ​រូបបែរជាលាងសម្អាតបង្កន់ដោយផ្ទាល់បែបនេះ? ចូរយើងស្វែងយល់អំពីអាថ៌កំបាំងទាំងអស់គ្នាណា!

រូបភាព https://toyokeizai.net/articles/-/54721

មានហេតុផលច្រើនតែមូលហេតុធំបំផុតគឺនៅពេលក្រុម​ហ៊ុនអភិវឌ្ឍខ្លាំង។ កាលពីពេលនោះបុគ្គលិករស់នៅគិត​តែ​ប្រយោជន៍​ចំពោះមុខ។ ពួកគេ​ផ្អែក​លើគំនិតរក​ប្រាក់អោយ​បាន​ច្រើន គ្រាន់តែមាន​ដូចជាសព្វថ្ងៃ ហើយ​ផ្តោត​សំ​ខាន់តែ​ខ្លួនឯង។ នេះ​មិន​ត្រឹមតែ​ជាស្ថាន​ភាព​របស់​បុគ្គលិក​ក្រុម​ហ៊ុន Yellow Hat ប៉ុណ្ណោះទេ ប៉ុន្តែជាស្ថានភាពទូទៅរបស់ប្រជាជនជប៉ុននៅពេលនោះ។

លោក Kagiyama ចង់ផ្លាស់ប្តូរទម្លាប់សាជីវកម្ម​បច្ចុប្បន្ន គាត់​ចាប់ផ្តើមបោសសម្អាតកន្លែងធ្វើការ។ លោក​ប្រធាន​ជឿថាពេល​បិរយាកាសកខ្វក់អំណាចបញ្ចុះបញ្ចូលជំរុញលើកទឹកចិត្តប្រាកដជាគ្មាន​ប្រសិទ្ធភាព។ ដំបូងត្រូវសម្អាតបរិយាកាសការងារ បន្ទាប់​ទើបប្រកាសអ្វីដែលអ្នកចង់និយាយ។ នេះ​ជាមូលហេតុ​លោកប្រធាន Kagiyama ផ្តើម​ដុស​សម្អាតបង្កន់ជាការងារដែលមនុស្សគ្រប់គ្នាស្អប់។ ជាការពិតការិយាល័យនាពេលនោះតូចនៅឡើយ។

ដំបូងសម្អាតផ្នែកខាងក្នុងក្រុមហ៊ុនបន្ទាប់មក​ក្រុមហ៊ុន​នៅក្បែរនោះ។ បន្ទាប់មក​ទៀតសម្អាតទីធ្លាខាងក្រៅ និង​​បង្កន់របស់​ក្រុមហ៊ុនអតិថិជន។ អត្តន័យរបស់ទង្វើនេះចង់អោយបុគ្គលិករួមគ្នាធ្វើ ប៉ុន្តែដោយសារការងារនេះ​មនុស្សគ្រប់គ្នាមិនចូលចិត្តបានជាលោក​ប្រធាន​សម្រេចចិត្ត​ធ្វើម្នាក់ឯង។ ពិតជាមិន​អាចទៅរួច​ទេប្រសិន​បើស្នើអោយបុគ្គលិកក្រុមហ៊ុនសម្អាតបង្គន់ ទោះបីជាអាចក៏បង្ខំចិត្តគ្មាន​ន័យដែរ។

នៅពេល​ឃើញលោក​ប្រធាន​សម្អាតបង្កន់បុគ្គលិកជាច្រើននិយាយថា៖ “តើធ្វើរឿងឥតប្រយោជន៍នេះ​ដើម្បី​អ្វី?” ឬ “លោកប្រធានចេះតែសម្អាតបង្កន់?”

ទស្សនវិទូ Schopenhauer ធ្លាប់និយាយថា “ដើម្បីទទួល​បានជោគត្រូវ​ឆ្លងកាត់ ៣ ដំណាក់កាល ដំណាក់កាលដំបូងត្រូវសើចចំអក ដំណាក់កាលបន្ទាប់ត្រូវជំទាស់ …”

លោកប្រធាន​ត្រូវឆ្លងដំណាក់កាលដំបូង។

ត្រូវចំណាយពេល ១០ ឆ្នាំទើបលោក​ប្រធាន​ទាក់ទាញបាន​បុគ្គលិក​ម្នាក់មក​ជួយគាត់ ដូច្នេះចំនួនអ្នកជួយចាប់ផ្តើមកើនឡើង។ រយៈពេល ២០ ឆ្នាំក្រោយមកនិយោជិកជាច្រើន និងលោកប្រធាននាំគ្នាបោសសម្អាត ពួកគេ​ចាប់ផ្តើមពង្រីកតំបន់បោសសម្អាតរួមទាំងផ្លូវសង្កាត់ផងដែរ។

រូបភាព https://toyokeizai.net/articles/-/54721?page=2

តើការផ្សព្វផ្សាយចំណេះដឹងអំពីអនាម័យមាន​ប្រយោជន៍អ្វីចំពោះអាជីវកម្មរបស់សាជីវកម្ម?

ដំបូងអាចទទួល​បាន​ទំនុកចិត្តពីអតិថិជន និយោជិករបស់ក្រុមហ៊ុនត្រូវ​បាន​គេវាយតម្លៃល្អ។ ចំនួន​អតិថិជន​ជឿ​ជាក់មិនចាំបាច់ចរចារកើនឡើងយ៉ាងឆាប់រហ័ស ហើយប្រសិទ្ធភាពការងារក៏ដូចជាការលក់ប្រសើរឡើងយ៉ាងខ្លាំង។

មនុស្សរាប់ពាន់នាក់រួមគ្នាបោសសម្អាតគ្មាននរណាម្នាក់ក្រអឺតក្រទមឡើយ។ តាំងពីអ្នក​កាន់តំណែងខ្ពស់រហូតដល់ទាប មនុស្សទាំងអស់បន្ទាបខ្លួន អ្នក​ផ្សេងមើល​មកសាជីវកម្មបែបនេះក៏​ផ្លាស់ប្តូរ​គំនិត​ដែរ។

ក្រៅពីនេះកន្លែងដែលត្រូវ​បានសម្អាតស្អាត ភាគច្រើន​គំនិតតែងតែចង់អោយទីធ្លាក្បែរនោះស្អាតដែរ។ ដូច្នេះគ្មាន​នរណាម្នាក់បោះសំរាមឬសូម្បីតែជ្រុះដោយចែដន្យក៏ដោយ។ ស្មារតីនេះក៏​ត្រូវ​បានអនុវត្តចំពោះការងារផង​ដែរ។

តើអ្នកយល់ពីអារម្មណ៍រីករាយពេល​បញ្ចប់ភារកិច្ចបោសសម្អាតដែរទេ? វាមិនមែន​ជាអារម្មណ៍រំភើបក្រោយពេល​ទស្សនាខ្សែភាពយន្តប៉ុណ្ណោះទេ ប៉ុន្តែជាអារម្មណ៍យូរអង្វែងដូចជាទទួលបានសមិទ្ធិផលដ៏អស្ចារ្យ។ ចិត្តគំនិតនេះមាន​ឥទ្ធិពលវិជ្ជមានទៅលើការងារ។

លើសពីនេះការលាងសម្អាតជួយបណ្ដុះការដឹងគុណ។​ ចិត្តរំភើប និងការដឹងគុណជាអារម្មណ៍ដើរស្របគ្នា ប្រសិន​បើ​មិន​រំភើបចិត្តអ្នកមិន​ងាយដឹងគុណឬសរសើរឡើយ។

បន្ទាប់មកគឺលាងសម្អាត និង​បណ្តុះចិត្តគំនិត។

បកស្រាយអំពីទង្វើលាងសម្អាតបង្កន់ដោយដៃ អ្នក​នឹង​យល់អំពីវត្ថុនោះនៅពេលប៉ះវាដោយផ្ទាល់។ ដូចជារឿងមួយ​កើតឡើងត្រូវប្រើអារម្មណ៍ និងខួរក្បាលដើម្បីវិនិច្ឆ័យ។

ទង្វើរបស់លោកប្រធាន Kagiyama ត្រូវបានផ្សព្វផ្សាយពាសពេញពិភពលោក។ NPO បានរៀបចំកម្មវិធីអំពីការ “ធ្វើឱ្យប្រទេសជប៉ុនកាន់តែស្អាតជាងមុន” រៀនបោសសម្អាត។ វគ្គបង្រៀនមាននៅកន្លែងមួយ​ចំនួនទូទាំងប្រទេស​ជប៉ុន រួមទាំងប្រទេសប្រេស៊ីល ចិន តៃវ៉ាន់ ក្រៅពីនេះមានសិក្ខាសាលានៅ Romani និងអ៊ីតាលីផងដែរ។

រូបភាព https://toyokeizai.net/articles/-/54721?page=3

ដំបូងទង្វើនេះគេចាត់ទុកថាគ្មានន័យ ប៉ុន្តែ​នៅពីក្រោយទង្វើនេះបែរជាមានមេរៀនយ៉ាងជ្រាលជ្រៅជាច្រើន ហើយ​ក្នុងពេលតែមួយនាំមកនូវជោគជ័យធំធេង។ ហេតុអ្វីមិនសាកល្បងប្រើក្នុងអាជីវកម្មរបស់អ្នក?

Kengo Abe