ឧទ្យាន​កំ​សាន្ត Edo Wonderland នាំអារម្មណ៍ភ្ញៀវទេសចរណ៍ត្រឡប់ទៅសម័យបុរាណ

ទស្សនា Edo Wonderland អ្នក​ទេសចរណ៍អាចទទួល​បានបទពិសោធន៍ និងស្វែងយល់អំពីលក្ខណៈពិសេសគួរឱ្យចាប់អារម្មណ៍ជាច្រើនក្នុងរចនាបថបែបបុរាណនៅសម័យអុីដូបុរាណរបស់ប្រទេសជប៉ុន។

ការរៀបចំឡើងវិញសម័យកាលអុីដូពីឆ្នាំ ១៦០៣ ដល់ ១៨៦៨ Edo Wonderland ប្រាកដជាធ្វើអោ​យ​ភ្ញៀវទេស​ចរណ៍​ភ្ញាក់​ផ្អើល សរសើរចំពោះនារី Geisha ស្រស់ស្អាតឬអ្នកមាន Odaijin ម្នាក់។ នារី Oiran ស្លៀកសម្លៀកបំពាក់ប្រពៃណីជប៉ុនដើរនៅតាមដងផ្លូវ។ ក្រៅពីនេះភ្ញៀវទេសចរណ៍អាចចូលរួម​តុបតែងធ្វើជាតួអង្គឯកក្នុងការសម្តែង។

ហើយកុំភ្លេចទស្សនាការសម្តែងរបស់ Ninja ពិតជាល្អមើលណាស់! ភ្ញៀវទេសចរណ៍ក្នុង​ប្រទេស និង​អន្តរជាតិចាត់ទុកការសម្តែង Ninja គឺជាកម្មវិធី​ពិសេស។

ក្នុង​នោះវប្បធម៌ដែលគួរឱ្យចាប់អារម្មណ៍ក្នុងប្រវត្តិសាស្ត្រគឺឧទ្យានកំ​សាន្តខ្នាតធំ Edo Wonderland ជាកន្លែងដែល​ប្រជាជន​រស់នៅលក្ខណៈសម័យបុរាណ​តាំងពីលំនៅដ្ឋាន វិមានរបស់សាមូរ៉ៃ ភាគច្រើនបុគ្គលិកក្នុងភូមិនេះគឺ​ជាអ្នកសម្តែង។

ប្រជាជនរស់ក្នុងភូមិស្លៀកពាក់បែបសម័យបុរាណ ចងសក់ ដើរជុំវិញ​​ភូមិ កាន់ដាវ ពួកគេ​សម្តែងដូចជាកំ​ពុង​រស់​នៅ​សម័យមុន​ ហើយការពារភូមិពីមនុស្សអាក្រក់។ ក្រៅពីដើរទស្សនា និង​ស្វែងយល់ពីឧទ្យាន​ Edo Wonderland អ្នក​អាច​មើល​ការសម្តែងដូចជា “តុបតែងធ្វើជា Ninja មួយ​រូប” ឬធ្វើជា Aizen (សិល្បៈលាយពណ៌) ដោយប្រើឧបករណ៍នៅទីនោះសម្រាប់​ជ្រលក់កន្សែងដៃដោយខ្លួនឯង។ អ្នក​អាចសាកល្បង និង​ស្វែងយល់អំពីវប្បធម៌ជប៉ុនដោយគ្រាន់តែ​ចំណាយ​ប្រាក់បន្តិចប៉ុណ្ណោះ។

Edo Wonderland គឺជាកន្លែងដែល​បង្ហាញអំពីលក្ខណៈមុខ​ម្ហូប​ប្លែកៗរបស់ប្រទេសជប៉ុន នៅទីនេះ​មាន​តូបអាហារ និងតូបលក់វត្ថុអនុស្សាវរីយ៍បែបប្រពៃណីច្រើន។

ទោះបីមេឃក្តៅឬភ្លៀងសកម្មភាពទាំងអស់នៅក្នុង Edo Wonderland នៅតែសម្តែងធម្មតា ដូច្នេះ​អ្នក​មិន​ចាំ​បាច់​​បារម្ភ​ពេលឃើញមេឃភ្លៀងទេ។ អ្នកអាចទស្សនាកំ​សាន្ត​ និង​បណ្តែតអារម្មណ៍ក្នុង​ជីវិតរបស់​ប្រជាជនសម័យ​បុរាណ។

ប្រសិន​បើ​អ្នក​មាន​ឳកាសទៅលេងនៅប្រទេសជប៉ុន​ អ្នក​អាច​មក​ឧទ្យានកំ​សាន្ត Edo Wonderland ។

ម៉ោងបើកដំណើរការធម្មតា៖ ៩ៈ៣០ – ១៦ៈ០០

AD