អត្តន័យបន្តោងនិមិត្តសញ្ញាសម្រាប់​អ្នក​ដែលមាន​បញ្ហាផ្លូវចិត្តរបស់ជប៉ុន

“ខ្ញុំមានជំងឺដែលអ្នកមិនអាចមើលឃើញ” – នេះជាអ្វីដែល​ពួកគេ​ចង់​បង្ហាញតាមរយៈនិមិត្តសញ្ញាពិសេស។

មនុស្សមួយ​ចំនួន​សំបកក្រៅដូចជាមិនអី ប៉ុន្តែនៅក្នុងចិត្តពួកគេឈឺចាប់។ ខុសពីជំងឺខាង​រាងកាយ ចំពោះអ្នកជំងឺផ្លូវចិត្តមិនងាយ​ចែក​រំ​លេងជាមួយ​អ្នកដទៃទេ។ ម៉្យាងវិញទៀតមនុស្សមានទំនោរអាណិតចំពោះអ្នកជំងឺផ្នែករាងកាយជាងអ្នកជំងឺផ្លូវចិត្ត ប៉ុន្តែកម្រិតគ្រោះថ្នាក់​រវាងជំងឺទាំងពីរនេះមានភាព​ប្រហាក់ប្រហែលគ្នា។

សិស្សវិទ្យាល័យ​ម្នាក់​ឈ្មោះ Kaede ទទួលរងបញ្ហាចិត្តវិបល្លាសតាំងពីពេលត្រូវបំពានផ្លូវភេទ។ បញ្ហាផ្លូវចិត្តធ្វើឱ្យនាង​ដកដង្ហើមញាប់ឬដួលសន្លប់ ប៉ុន្តែសំបកក្រៅ Kaede នៅតែជាសិស្សស្រីធម្មាតាម្នាក់។

Kaede និយាយ​ថា “នៅពេលខ្ញុំអង្គុយកៅអីអាទិភាព ស្ត្រីចំណាស់ម្នាក់បានស្តីបន្ទោសខ្ញុំ។ ទោះបីខ្ញុំពន្យល់ក៏គាត់មិនយល់ដែរ”។ Kaede បានចាប់ផ្តើមពាក់បន្តោងនិមិត្តសញ្ញាជំនួយតាំងពី ២ ឆ្នាំមុន។

“ជំងឺរបស់ខ្ញុំ​អ្នក​ផ្សេងមើល​ម​កមិន​ដឹងទេ ប្រហែលជាគេគិតថាខ្ញុំនិយាយកុហក។ ប៉ុន្តែពេល​ពាក់​បន្តោងនិមិត្តសញ្ញានេះជួយអោយខ្ញុំមាន​ភាព​ក្លាហាន”។

តើអ្នកអាចមើលឃើញឧបសគ្គផ្លូវចិត្តរបស់ពួកគេទេ?

私は目にはわからない病気を患っていますその為ヘルプマークをみにつけて優先席に座ることもあります。
たまに老人の方から席を譲れと怒鳴られることも多々あります。
私以外のヘルプマーク所持者の方同じ思いをされないように拡散よろしくお願いします。#ヘルプマーク#拡散希望#RT希望 pic.twitter.com/qdj8h6CNQS

— かえで。 (@Kaede_2746) January 11, 2020

នេះគឺជាបន្តោងនិមិត្តសញ្ញាចាប់អនុវត្តនៅទីក្រុងតូក្យូក្នុងឆ្នាំ ២០១២ សម្រាប់​អ្នក​ដែល​មាន​ជំងឺផ្លូវចិត្ត​មិន​អាចបង្ហាញដូចជាបញ្ហាខ្សោយបេះដូង បញ្ហាភាសា ជំងឺស្មារតីឬស្រ្តី​ដំ​ណាក់​កាល​ដំ​បូង​មាន​ផ្ទៃពោះ។

នៅពីក្រោយបន្តោងនិមិត្តសញ្ញានេះមានព័ត៌មានអំពីជំងឺ និងអាស័យដ្ឋានទំនាក់ទំនងបន្ទាន់ក្នុងករណីអ្នកជំងឺ​ជួបប្រទះស្ថានភាពមិន​អាច​ដោះស្រាយនៅកន្លែងសាធារណៈ។

រូបភាព https://www.buzzfeed.com/jp/kotahatachi/help-mark2

ទោះយ៉ាងណាមិន​សូវមាន​អ្នក​យល់អំពី​អត្ថន័យនៃនិមិត្តសញ្ញាទេ។ Kaede មាន​អារម្មណ៍​ភ្ញាក់​ផ្អើលពេល​ឃើញ​គ្រូបង្រៀន និងបុគ្គលិកពេទ្យមួយចំនួនមិនយល់អត្តន័យរបស់និមិត្តសញ្ញា។ នេះជាមូលហេតុនាងបង្ហោះលើបណ្តាញសង្គម Twitter របស់នាង ហើយទទួលបានមតិឆ្លើយតបវិជ្ជមានជាច្រើន។

Kaede និយាយថាដើម្បីផ្សព្វផ្សាយអត្តន័យរបស់និមិត្តសញ្ញានេះនាងបានចូលរួម アイリス＋♡ បង្កើតក្រុមក្មេងស្រីវ័យជំទង់ក្នុង​គោលបំណងផ្សព្វផ្សាយអត្ថន័យនៅពីក្រោយនិមិត្តសញ្ញាស្នើជំនួយមួយ​នេះ។

“ខ្ញុំពិតជាសប្បាយ​ចិត្តព្រោះតែ​មាន​មនុស្សម្នាក់និយាយថា​ចង់​ពាក់និមិត្តសញ្ញានេះ តាមរយៈនិមិត្តសញ្ញានេះខ្ញុំ​ចង់​អោយ​មនុស្សរាល់គ្នាធ្វើ​ល្អដាក់គ្នាទៅវិញទៅមក”។

នេះជារូបភាពបន្តោងនិមិត្តសញ្ញា។

រូបភាព https://www.buzzfeed.com/jp/kotahatachi/help-mark2

愛迷みんみんと申します。

毎日DMを読んでます。沢山の方がヘルプマークを所持していて嫌な思いをされたんだと言うことに胸を痛めています。ヘルプマークを所持していている者同士、私達は仲間です。決して1人ではありません。

アイリス＋♡は日常の困難に負けずに頑張っている貴方を応援してます。 pic.twitter.com/umDLo0KJp3

— アイリス＋♡ (@portrait_iris) January 30, 2020

សង្ឃឹមថាបន្តោងនិមិត្តសញ្ញានេះអាចជួយដល់អ្នក​ដែល​មាន​បញ្ហាផ្លូវ​ចិត្ត។

Sacchan