តារាបញ្ចូលសម្លេង Hoshino Rina ចែករំលែកចំណូលចិត្តផ្ទាល់ខ្លួន

នាងខ្ញុំឈ្មោះ Hoshino Rina បច្ចុប្បនជាតារាសម្តែង និង​តារាបញ្ចូលសម្លេង។

ប្រសិន​បើ​និយាយ​ពីចំណង់ចំណូលរបស់ខ្ញុំអ្នកប្រហែលជាយល់ថាចម្លែកបន្តិច។ ចំណូលចិត្តថ្មីៗនេះរបស់ខ្ញុំគឺធ្វើរូបតុក្កតា ដូច្នេះ​ខ្ញុំ​ចង់ចែក​រំលឹក​សមទ្ធផល​ផ្ទាល់ខ្លួន។ រូបតុក្កតានេះ​គឺជាតួអង្គនៅក្នុងខ្សែភាពយន្ត Ghibli មានឈ្មោះថា Kaze no Tani no Nausicaä” – រឿង Anime និយាយពីដំណើរផ្សងព្រេងប្រឌិតបែបអាប៉ូលីលីធីដោយអ្នកដឹកនាំរឿង Miyazaki Hayao ។

កាលពីមុនពេលទៅសារមន្ទីរ Ghibli នៅ Mitaka ខ្ញុំចាប់អារម្មណ៍យ៉ាងខ្លាំងពីគំរូសត្វល្អិត Ohm ក្នុងខ្សែភាពយន្ត ហើយសម្រេចជ្រើសយកប្រធាន​បទគំរូនេះធ្វើជាស្នាដៃដំបូងរបស់ខ្លួន។ ខ្ញុំប្រាប់បុគ្គលិកសារមន្ទីរថា៖

“ខ្ញុំចង់​ទិញឈុតតម្រាបរូប Ohm និង Nausicaä ដូចរូបភាព​ខាងលើ”

បុគ្គលិក​ឆ្លើយតប “ទោះជាយ៉ាងណារូបគំរូនេះត្រូវ​ធ្វើដោយ​អ្នកជំនាញ ដូច្នេះគ្រាន់តែជាឯកសារយោងសម្រាប់ភ្ញៀវ​តែប៉ុណ្ណោះ”។

“តើខ្ញុំត្រូវ​តម្រាបរូបដោយខ្លួន​ឯងឬ?”

សម្ភារៈមិន​គ្រប់ គ្មានការណែនាំ… កាន់តែមើល​ស្នាដៃរបស់​អ្នក​ជំនាញតម្រាបរូប មួយ​សន្ទុះ​ក្រោយ​មក​ខ្ញុំយល់ថាគ្មានទំនុកចិត្តទេ។

បន្ទាប់ពីដើរជុំវិញកន្លែងលក់វត្ថុអនុស្សាវរីយ៍របស់សារមន្ទីរប្រហែល ១៥ នាទី ខ្ញុំនៅតែ​មាន​អារម្មណ៍ថា Ohm និង Nausicaä ជាតួអង្គដែលគួរអោយស្រលាញ់បំផុត សូម្បីតែខ្សែភាពយន្តក៏ចាប់អារម្មណ៍ណាស់ដែរ។ ដូច្នេះប្រសិនបើខ្ញុំអាចធ្វើគំរូនេះដោយខ្លួនឯងប្រាកដជាសមទ្ធផល​មានតែមួយគត់ ទាំងនេះជំរុញអោយ​ខ្ញុំសាក​ល្បង។ ដូច្នេះលើកដំបូង​ខ្ញុំទៅហាងទិញឧបករណ៍។

តាំងពីយូរណាស់​មក​ហើយខ្ញុំ​មាន​ចំណូលចិត្តចំពោះ DIY (Do it yourself – ធ្វើដោយផ្ទាល់ដៃ) ដូច្នេះការប្រមូលរបស់​របរចាស់ឬកែលម្អឡើងវិញមិនមែនជារឿងចម្លែកទេ ប៉ុន្តែក្រោយពេល​ដឹងអំពីគំរូទាំងនេះខ្ញុំដូចជាចូលពិភព​មួយ​ថ្មី។ ដោយមិនដឹងថាត្រូវចាប់ផ្តើមពីកន្លែងណាខ្ញុំបានសរសេរចំណុចសំខាន់ បន្ទាប់ពីផ្តើមគំនិតខ្ញុំស្វែងរក​សម្ភារ និង​លាបទឹក​ថ្នាំសម្រាប់រូបគំរូទាំងនេះ។ ប្រសិន​បើ​អ្នកជំនាញ​មើល​រូបគំរូសុំកុំ​វាយ​តម្លៃតឹងរឹងចំពោះសមទ្ធផលដំបូងរបស់ខ្ញុំ។ ខ្ញុំពិតជាចូលចិត្តគំរូរូប Nausicaä ណាស់!

អ្នកដឹកនាំរឿង Miyazaki Hayao បង្កើតស្នាដៃជាច្រើនក្នុងចំណោម​នោះមាន “Kaze no Tani no Nausicaä” ។ ខ្សែភាព​យន្តនិយាយពីអនាគត ១០០០ ឆ្នាំក្រោយផែនដីត្រូវ​បំ​ផ្លាញដោយអាវុធក្នុងរយៈពេល៧ ថ្ងៃប៉ុណ្ណោះ។ ក្រោយ​រយៈពេល ៧ ថ្ងៃព្រៃផ្ទុកជាតិពុល សត្វល្អិតយក្សគំរាមកំហែងចំពោះជីវិតមនុស្ស។ Nausicaä គឺជាព្រះនាងនៃជ្រលងភ្នំខ្យល់ជាអ្នក​មានសមត្ថភាពទំនាក់ទំនងជាមួយសត្វ​ល្អិត។ ជាមួយ​នឹង​ក្តីស្រមៃមនុស្ស និងសត្វល្អិតអាចរស់នៅជា​មួយគ្នា នាងទៅចរចាជាមួយប្រទេសផ្សេងទៀត។ ប៉ុន្តែ​អ្នក​នាំមុខប្រទេសទាំងនេះចង់បំផ្លាញព្រៃពុល។ ដូច្នេះតួនាទីរបស់ Nausicaä ទប់ស្កាត់ផែនការ និងការពារសត្វល្អិត។ ខ្សែភាព​យន្តបង្ហាញពីជីវិតរបស់មនុស្សក៏ដូចជាមូលហេតុដែល​បណ្តាលអោយមាន​ព្រៃពុល “ក្រោយរយៈពេល ៧ ថ្ងៃ”។ ខ្ញុំមានអារម្មណ៍ថាខ្សែភាពយន្តពិតជាអស្ចារ្យណាស់!

ចាប់ពីខែក្រោយខ្ញុំមានគម្រោងថតថ្មីនៅប្រទេសជប៉ុន។ ដូច្នេះខ្ញុំទន្ទឹងរង់ចាំទទួលកម្លាំងចិត្តបន្ថែមពីអ្នកអាន JAPO 
 ។ សូមរង់ចាំអត្ថបទបន្ទាប់របស់ខ្ញុំ!

Twitter: @rinahoshino

Instagram: @officialrinahoshino

Facebook: ＠officialrinahoshino