ហេតុអ្វីបានជាដាវជប៉ុនត្រូវគេចាត់ទុកជា “ដាវល្អជាងលើពិភពលោក”?

មុន​ពេល​​ផលិតកាំភ្លើងធំ ដាវគឺជាអាវុធដែល​គេ​ប្រើ​ច្រើន​បំផុតលើពិភពលោក។ ដាវមានប្រវត្តិនៅបណ្តាប្រទេសអឺរ៉ុប និងចិន ប៉ុន្តែដាវដែលពេញនិយមសព្វថ្ងៃនេះគឺដាវជប៉ុន។

លក្ខណៈពិសេសរបស់ដាវជប៉ុនគឺមុតស្រួច មិន​ងាយ​បាក់ និង​មិន​កោង។

គំរូដើមរបស់​ដាវមានតាំងពី ៩០០ ឆ្នាំមុន ហើយ ១០០ ឆ្នាំជាប់ៗគ្នាបានបញ្ជាក់ពីកម្រិតល្អរបស់ដាវជប៉ុន។ តើអ្នកដឹងថាដាវជប៉ុនមាន​ចំណុចពិសេសអ្វីដែរទេ?

១. រូបរាងឆកោណស្មុគស្មាញ

រូបភាព https://togetter.com/li/936552

មុខដាវជប៉ុនត្រូវ​បានធ្វើ​តាមវិធីមួយដែល​គេហៅថា 鎬作り(Shinogidzukuri) មាន​រាងឆកោណស្មុគស្មាញដើម្បីបង្កើន​កម្លាំងរបស់ដាវ។

២. វត្ថុធាតុដើម និង​ដំណាក់​កាលលុតដែកធ្វើដាវ

រូបភាព https://www.nikkei.com/article/DGXMZO89338520V10C15A7000000/

វត្ថុធាតុដើមសម្រាប់ធ្វើដាវគឺ 玉鋼 (Tamahagane) ជាប្រភេទដែកពិសេស ឆ្លងកាត់​ដំ​ណាក់​កាល​លុតដាវ​ខុស​ពី​ដាវ​ធម្ម​តា មិន​លាយ​ស្ពាន់ធ័រជាមួយផូស្វ័រដែលជាសារធាតុធ្វើឱ្យដាវផុយ។ បន្ទាប់មកលាយជាមួយដែករឹងផ្សេងទៀតដើម្បីអោយ​ដាវបត់បែនបានល្អ។

ក្រៅពីនេះដំណាក់​កាល​លុតដែក​ធ្វើ​ដាវមាន​លក្ខណៈពិសេស។ កម្តៅដែកថែបរួច​ទុកអោយ​ចុះកម្តៅ ធ្វើជំហាន​នេះ​ឡើងវិញច្រើ​នដងជួយអោយ​លោហៈកាន់តែ​រឹង។ ទោះជាយ៉ាងណាបើដែករឹងមិន​អាចទ្រាំនឹងកម្លាំងអាច​បណ្តាលអោយ​បាក់។ ដូច្នេះអ្នក​លត់ដាវរបស់ជប៉ុនធ្វើអោយ​មុខ​ដាវមុតស្រួចប៉ុណ្ណោះ។

ផ្លែដាវដែកថែបដែល​លុត​ច្រើន​ដងជាកន្លែងមុតបំផុតហៅថា Hamon ។ ផ្នែកនេះមិនត្រឹមតែធ្វើអោយ​ដាវខ្លាំងប៉ុណ្ណោះទេ ថែមទាំងមើលទៅស្អាតផងដែរ។

៣. កម្រិតកោងនៃដាវ

រូបភាព https://www.clipstudio.net/oekaki/archives/151803

គែម​ដាវ​មាន​រាងកោងបន្តិច ដោយសារពេល​សំលៀងផ្លែដាវច្រើនដង។ ក្រៅពីនេះផ្នែក​ដែល​ត្រូវ​​សំ​លៀងអាច​បង្កើន​បរិមាណកាន់តែក្រាស់ ដូច្នេះ​ដាវរបស់ជប៉ុន​មាន​លក្ខណៈពិសេសបត់បែន​បានល្អ។

៤. មាន​ទម្ងន់ស្រាល

រូបភាព https://stonewashersjournal.com/2016/05/09/samuraivsknight/

កាលពីមុនជនជាតិជប៉ុនមានរាងកាយ និងមាឌតូច ពួកគេមិនអាចវាយ​បំបែកអាវក្រោះដោយប្រើដាវធ្ងន់បានឡើយ។ ដូច្នេះហើយពួកគេរកវិធីផលិតអាវុធមុតស្រួច មិន​ងាយ​បាក់ មិន​ងាយ​កោង និង​មាន​ទម្ងាន់ស្រាល។

ក្រៅពីនេះទម្ងាន់​ដាវស្រាលមានគុណសម្បត្តិធ្វើអោយ​ការវាយ​ប្រហារបានលឿន បើប្រៀបធៀបការប្រយុទ្ធគ្នា ម្ខាងមាន​អាវុធ​ស្រាលអាចមាន​ប្រៀបជាង។

៥. វិញ្ញាណនៃដាវ

ជនជាតិ​ជប៉ុន​មាន​ជំនឿទៅលើសព្វសារពើសុទ្ធ​តែ​មាន​វិញ្ញាណ មាន​ន័យ​ថា​ដាវ​ក៏​​មាន​​វិញ្ញាណ​​ដែរ។ ចំពោះ​សាមូរ៉ៃ​ដាវ​មិន​ត្រឹម​តែ​ជាអាវុធការពារខ្លួនប៉ុណ្ណោះទេ វា​ជា​វិញ្ញាណ ហើយជាអាទិទេពការពារផងដែរ។

សូម្បីតែ​អ្នក​ដែល​លុតដាវក៏​គោរពចំពោះដាវផងដែរ ព្រោះតែ​ផលិតដាវ​ត្រូវ​ឆ្លងកាត់ដំ​ណាក់​កាល​ជាច្រើន គេចាត់ទុកដូចជាការងារ និងទ្រព្យសម្បត្តិរបស់ខ្លួន។

ដោយសារដំណើរការផលិតមានភាពស្មុគស្មាញ ដូច្នេះ​ដាវជប៉ុនមិនអាចផលិតក្នុងបរិមាណច្រើនទេ។ ជាការពិតក្នុងសមរភូមិអាវុធមាន​កម្លាំងខ្លាំងអាច​ផលិតបាន​ច្រើនប្រាកដជានិយម​ប្រើច្រើនជាង។ ប៉ុន្តែបើជាការប្រយុទ្ធ ១ ទល់នឹង ១ អ្នកប្រាកដជាដឹងថាដាវមួយ​ណាល្អ។

នៅសម័យបុរាណសាមូរ៉ៃអោយតម្លៃទៅលើដាវរហូតដល់​ថ្នាក់ទោះបីជាមាន​កាំភ្លើងក៏ដោយ សាមូរ៉ៃម្នាក់​នៅតែនិយាយថា “សាមូរ៉ៃត្រូវប្រយុទ្ធគ្នាដោយដាវ” ។

នៅសម័យសន្តភាពគេនាំគ្នាសរសើរអំពីរូបរាងរបស់ដាវជប៉ុន។ មនុស្សជាច្រើន​ទិញដាវបុរាណ​យកមក​ដាក់តាំង។ បច្ចុប្បន្ន​ជារៀងរាល់​ឆ្នាំចំនួន​ដាវដែល​ត្រូវ​បាន​ផលិតមានកំណត់ត្រឹមតែ ២៤ ដាវ ប៉ុន្តែ​នៅតែ​បន្តការផលិត។

ដូច្នេះអ្នក​ប្រហែលជាអាចទិញ​ដាវជប៉ុននាពេលអនាគត។

Kengo Abe