​យុវជន​ជប៉ុន​ធំហើយនៅតែរស់​ពឹងផ្អែកលើឪពុកម្តាយ​

ដំណើរធំដឹងក្តីរបស់ក្មេងម្នាក់ពេលនៅ​តូចពួកគេត្រូវការការថែទាំពីម្តាយ។ ពេលឈានដល់វ័យជំទង់អត្ត​ចរិក​ចាប់​ផ្តើមប្រែប្រួលជំទាស់នឹងឪពុកម្តាយ។ នេះគឺជាការប្រែប្រួលផ្លូវចិត្តធម្មតាត្រៀមសម្រាប់ដំណើរឈានចូលវ័យចាស់ទុំ បែកចេញពីសាច់ញាតិដើម្បីអោយ​កុមារអាចធំដឹងក្តីដោយឯករាជ្យ ចេះគិតជាងមុន។ ការអប់រំកុមារមុនពេលពេញវ័យរបស់ឪពុកម្តាយពិតជាមានសារៈសំខាន់ណាស់!

ទោះជាយ៉ាងណាថ្មីៗនេះប្រទេសជប៉ុនជួបប្រទះនឹងបញ្ហា “ក្មេងធំដឹងក្តីកាន់តែច្រើន” មិន​ចង់​ចាកចេញពីម្តាយ។

រូបភាព https://news.livedoor.com/article/detail/17860163/

នេះជាករណីរបស់និស្សិតប្រុសម្នាក់អាយុ ១៨ អោយតែចេញក្រៅគឺទៅជាមួយ​ម្តាយ។ រៀងចម្លែកបន្តិចតែបញ្ហានេះគេចាត់ទុកថាមិន​សូវធ្ងន់ធ្ងរឡើយ។

ចុះករណីនេះយ៉ាងម៉េចដែរ?

រូបភាព https://news.livedoor.com/article/detail/17860163/

នេះជាបុរសម្នាក់អាយុ ៣៣ ឆ្នាំបញ្ចប់ការសិក្សាពីសាកលវិទ្យាល័យតូក្យូជាសាលាដែលល្បីនៅប្រទេសជប៉ុន។ អាយុប៉ុណ្ណឹងហើយនៅងូតទឹកជាមួយម្តាយរបស់គាត់ទៀត ហើយសូម្បីតែសម្លៀកបំពាក់ដែលគាត់ស្លៀកក៏ម្តាយជាអ្នករើសអោយដែរ។

នេះមិនមែន​ជាស្ថានភាពអាក្រក់បំផុត​ឡើយ។ នៅប្រទេសជប៉ុនមានទាំងសេវាកម្មមនុស្សពេញវ័យស្របច្បាប់ផង បុរសម្នាក់ដើរចូលជាមួយ​ម្តាយរបស់គាត់ ព្រោះម្តាយជាអ្នករើសប្រពន្ធអោយកូន ហើយក៏ជាអ្នក​និយាយជាមួយ​នារី​នោះផងដែរ។

“កូនប្រុសរបស់ខ្ញុំមិនដែលមានសង្សារទេ ខ្ញុំចង់អោយវាមាន​ទំនុកចិត្ត”។

• អ្នក​ម្តាយ​និយាយប្រាប់បុគ្គលិកស្រីអំពីស្ថានភាពរបស់កូនប្រុស។

​ម្តាយចូលបន្ទប់អង្គុយក្បែរកូនប្រុសពេលដែលកូនកំ​ពុងធ្វើរឿងនឹងជាមួយ​បុគ្គលិក​ស្រី។ ម្តាយ​និយាយ​លើកទឹកចិត្តដូចជា៖

“តើកូនមិន​អីទេ? មានអារម្មណ៍ល្អទេ? ខំប្រឹងឡើង”

បន្ទាប់ពីបញ្ចប់ម្ដាយនិយាយថា៖

“កូនធ្វើ​បាន​ល្អណាស់”

ហើយម្តាយ​កូន​ពីរនាក់ឳបគ្នាយំ

តើអ្នក​យល់ថារឿងនេះ​ពិតជាចម្លែងដែរទេ?

ប្រទេសជប៉ុនស្ថិតក្នុងស្ថានភាពជាប់គាំង គ្រួសារជាច្រើនមិនបានបង្កើតបរិយាកាសល្អសម្រាប់ការលូតលាស់របស់កុមារទេ។ យើងអាចយល់ពីអារម្មណ៍ដែលឪពុកម្តាយចង់ការពារកូនៗរបស់ពួកគេ ប៉ុន្តែបែបនេះមិន​មែន​ជារឿងល្អឡើយ។ រហូតដល់​ក្មេងបាត់បង់អារម្មណ៍ចង់​ក្លាយជាមនុស្សធំ មិន​ចង់ចាកចេញពី​ឪពុកម្តាយ ហើយ​មិន​ហ៊ានសម្រេចចិត្ត​ដោយ​ខ្លួន​ឯង។

ស្ថានភាព​នេះដោយសារឪពុកម្តាយជប៉ុនចង់អោយកូនរបស់​ខ្លួននៅតូច គួរអោយស្រឡាញ់ និងស្តាប់បង្គាប់។ ប៉ុន្តែ​ពួកគេមិនដឹងថាការធ្វើបែបនេះធ្វើឱ្យកុមារបាត់បង់ឱកាសពេញវ័យរបស់ពួកគេ។

ទោះបីជាយ៉ាងណារឿងមួយដែលមិនអាចប្រកែកបាននោះគឺឪពុកម្តាយមិន​រស់ក្នុងជីវិតរបស់កូនបានទេ។ ក្មេងត្រូវការលូតលាស់ ត្រូវការឯករាជ្យភាព ហើយញែកខ្លួនពីឪពុកម្តាយដើម្បីរស់ក្នុងសង្គម។

ជាការពិតណាស់គ្មានមនុស្សស្រីណាចង់ណាត់ជួបឬរៀបការជាមួយបុរសដែលគិតតែពឹងពាក់លើម្តាយ​បែបនេះទេ។

Kengo Abe