ពិតជាគួរអោយសរសើរចំពោះសេវាកម្មហាងលក់ទំនិញអនឡាញមួយនៅប្រទេសជប៉ុន

ទិញទំនិញតាមអនឡាញមានភាពងាយស្រួល អ្នកមិនចាំបាច់ទៅហាងក៏អាចទទួលបានទំនិញដល់កន្លែងដែរ។ ប៉ុន្តែដោយសារតែមិនមានទំនាក់ទំនង​​ផ្ទាល់ជាមួយ​អតិថិជនធ្វើអោយ​ភ្ញៀវជាច្រើនមានអារម្មណ៍ថាគ្មានទំនុកចិត្តចំពោះគុណភាពផលិតផល។ ក្រៅពីនេះមធ្យោបាយទំនាក់ទំនងជាមួយអតិថិជនក៏មានកំណត់ផង​ដែរ។

ទោះជាយ៉ាងណាសេវាកម្មហាងលក់ទំនិញអនឡាញមួយនៅជប៉ុនអាចជំនះបញ្ហានេះ។

មានអតិថិជនម្នាក់បានបញ្ជាទិញឈុតក្រញ៉ាំឆ្មា ប៉ុន្តែជាអកុសលទំនិញមិន​ទាន់​មកដល់ឆ្មាស្លាប់ទៅហើយ។ ម្ចាស់សត្វបានលុបចោលការបញ្ជាទិញព្រោះតែខ្លាចមើលឃើញទំនិញនឹកដល់ឆ្មា។

នាងបានផ្ញើអុីមែលបដិសេធជូនក្រុមហ៊ុនភ្ជាប់ជាមួយហេតុផល។ នៅប្រទេសជប៉ុនជាទូទៅបើលុបការបញ្ជាទិញត្រូវទូទាត់សំណងជូនហាង។ ទោះជាយ៉ាងណាហាងមិនត្រឹមតែទទួលយកការលុបចោលបញ្ជាទិញដោយមិនចាំបាច់បង់សំណងប៉ុណ្ណោះទេ តែថែមទាំងបានផ្ញើបាច់ផ្កាដល់ផ្ទះរបស់ភ្ញៀវផងដែរ។

រូបភាព https://news.livedoor.com/article/detail/17728171/

នៅលើបាច់​ផ្កាថែមទាំង​មាន​សំបុត្រមួយ​ច្បាប់ជាមួយ​នឹង​ខ្លឹមសារដូចខាងក្រោម៖

ផ្ញើជូនអតិថិជន …. (ឈ្មោះរបស់ម្ចាស់ឆ្មា)

យើងមានការសោកស្តាយយ៉ាងខ្លាំងចំពោះការស្លាប់របស់ឆ្មា។ សូមអោយព្រលឹងរបស់ឆ្មាទៅដោយក្តី​សុខ។

តម្លៃទិញ និងផ្ញើផ្កាហាងប្រាកដជាបង់ថ្លៃ។

ភ្ញៀវមានអារម្មណ៍កក់ក្តៅណាស់ពេលដែលគាត់ទទួលបានផ្កា។ ប៉ុន្មានខែក្រោយមកនាងចិញ្ចឹមកូនឆ្មាថ្មីមួយទៀត ហើយ​បន្តបញ្ជាទិញឈុតក្រញ៉ាំឆ្មានៅហាងនេះ។

លើកនេះហាងក៏បានភ្ជាប់មកជាមួយ​សំបុត្រមួយច្បាប់ផងដែរ។

សូមអបអរសាទរចំពោះការចិញ្ចឹមឆ្មាថ្មីរបស់អ្នក។

យើងពិតជារីករាយនឹងទទួលបានការបញ្ជាទិញរបស់អ្នក។

រឿងផ្ញើផ្កា និងគ្រឿងក្រអូបទៅផ្ទះរបស់សមាជិកគ្រួសារដែលមានអ្នកស្លាប់ជាទម្លាប់ធម្មតារបស់សាច់ញាតិឬអ្នកជិតខាង។ ប៉ុន្តែរឿងនេះបង្ហាញថាហាងមិនត្រឹមតែលក់ផលិតផលប៉ុណ្ណោះទេ ថែមទាំងយកចិត្តទុកដាក់ចំពោះភ្ញៀវផងដែរ។

ទោះបីជាទិញទំនិញតាមអនឡាញអ្នកនៅតែទទួលបានការយកចិត្តទុកដាក់ដ៏ល្អបែបនេះ។

Kengo Abe