ហេតុអ្វីបានជាប្រទេសជប៉ុនធ្លាប់កម្ចាត់សម្លាប់គ្រីស្ទសាសនិក?

សាសនាជាតិរបស់ប្រទេសជប៉ុនគឺ Shinto  ប្រាសាទវិហារនៅជប៉ុនជានិមិត្តរូបរបស់ Shinto ។ Shinto “មានជំ​នឿ​លើសពសារពើមានវិញ្ញាណ” វិញ្ញាណស្ថិត​នៅក្នុងវត្ថុទាំងអស់នៃធម្មជាតិ។

ដូច្នេះ Shinto ផ្ទុយពីទ្រឹស្តីគ្រីស្ទសាសនា និងអុីស្លាមដែលគោរពបូជាព្រះតែមួយ។ នេះជាមូលហេតុ​ដែល​បង្កអោយ​មាន​សង្រ្គាមលុបបំបាត់សាសនារហូតមកដល់ពេលនេះ។

ព្រោះតែព្រះពុទ្ធសាសនាគោរពបូជាព្រះច្រើន ដូច្នេះគេ​ទទួល​យកនៅក្នុងប្រទេសជប៉ុន។ ត្រឡប់មកបញ្ហាគ្រីស្ទ​សាសនាត្រូវ​ហាម​ឃាត់ ហេតុ​នេះគ្រីស្ទបរិស័ទត្រូវអធិស្ឋានដោយសម្ងាត់។ ប្រសិនបើគេរកឃើញនឹងត្រូវធ្វើទារុណ​កម្ម និងសម្លាប់ចោល។

ហេតុអ្វីបានជាត្រូវ “កម្ចាត់សម្លាប់” ដូច្នេះ? រឿងចាប់ផ្តើមដោយកប៉ាល់មួយពីហ្វីលីពីនទៅអេស្ប៉ាញរសាត់ចូលប្រទេស​ជប៉ុនឆ្នាំ ១៥៩៦ ។

នៅពេលនោះប្រមុខដឹកនាំប្រទេសជប៉ុនគឺលោក Hideyoshi Toyotomi មានចំណាប់អារម្មណ៍យ៉ាងខ្លាំងចំពោះ​ជន​បរទេស បន្ទាប់ពីឮដំណឹងចេញមកស្វាគមន៍ភ្លាម។ គាត់គឺជាអ្នកដឹក​នាំដ៏​ឆ្លាតវៃម្នាក់ដឹងអំពីគោលបំណងពិត​នៅពីក្រោយបេសកកម្មផ្សព្វផ្សាយ​សាសនា។ ហេតុអ្វីបានជាត្រូវបញ្ជូនគ្រូគង្វាលយ៉ាង​ច្រើន​មក​ផ្សព្វផ្សាយដំណឹងល្អគោលបំណងគឺមិនត្រឹមតែដើម្បីពង្រីកចំនួនគ្រីស្ទបរិស័ទប៉ុណ្ណោះទេស ប៉ុន្តែភាគីអេស្ប៉ាញចង់ប្រើសាសនា​ធ្វើជាឧបករណ៍ដើម្បីត្រួតត្រា។

លោក Hideyoshi Toyotomi បន្ទាប់ពីដឹងរឿង​នេះពិតជាខឹងយ៉ាងខ្លាំង។ គាត់បានប្រមូលក្រុមគ្រីស្ទាន ២៦ នាក់ដើម្បី​សម្លាប់ចោល។ ក្នុងចំណោមមនុស្ស ២៦ នាក់មានជនបរទេស ៦ នាក់ និងជនជាតិជប៉ុន ២០ នាក់ក្នុងនោះ ២ នាក់ជាក្មេងប្រុសអាយុ ១២ និង ១៣ ឆ្នាំ។

រូបភាព https://mag.japaaan.com/archives/73760

ចាប់តាំងពីពេលនោះមកការលុបបំបាត់មានសភាពខ្លាំងឡើង។ ព្រះវិហារនៅ Nagasaki ត្រូវបំផ្លាញម្តងហើយម្តងទៀត។ រដ្ឋាភិបាលប្រើឧបករណ៍នេះដើម្បីចាប់ក្រុមគ្រីស្ទាន។ 

រូបភាព https://mag.japaaan.com/archives/73760

នៅលើបន្ទះសំរិទ្ធនេះឆ្លាក់រូបរបស់ព្រះយេស៊ូបើមិនមែនគ្រីស្ទបរិស័ទប្រាកដជាហ៊ានជាន់ពីលើ អ្នកដែលស្ទាក់ស្ទើរនៅពីមុខបន្ទះសំរិទ្ធនេះត្រូវចាត់ទុកជាគ្រីស្ទសាសនិកហើយត្រូវផ្តន្ទាទោសប្រហារជីវិត។

នៅឆ្នាំ ១៦៣៧ ចលនាបះបោរបានផ្ទុះឡើងដោយមានអ្នកចូលរួម ៣៧.០០០ នាក់។ នៅពេលនោះ Amakusa Tokisada មេដឹកនាំថ្មីមានអាយុ ១៦ ឆ្នាំ។

រូបភាព https://mag.japaaan.com/archives/73760

ចលនាបះបោរមានរយៈពេល ៨៨ ថ្ងៃទីបំផុតអ្នកចូលរួមទាំងអស់ត្រូវសម្លាប់រង្គាល។

មនុស្សជាច្រើន​យល់ថាវិធីនេះឃោរឃៅ និងផ្តាច់ការ។ ទោះជាយ៉ាងណាប្រជាជាតិភាគច្រើនដែលកាន់គ្រីស្ទសាសនាបានក្លាយជាអាណានិគម។ ជប៉ុននៅតែរក្សាឯករាជ្យភាពរបស់ខ្លួនដដែល។

ប្រទេសមាន​អំណាចប្រើកាំភ្លើងដើម្បីបង្ក្រាបប្រទេសអាណានិគម។ អាវុធខ្លាំងក្លា អាចបាញ់បានឆ្ងាយ ហើយសម្លេង​ឮខ្លាំងធ្វើអោយ​មនុស្សគ្រប់គ្នាភ័យខ្លាច។

រូបភាព https://item.rakuten.co.jp/v-road/774046/

លោក Hideyoshi Toyotomi ទិញកាំភ្លើងនេះពីរ បន្ទាប់មកចម្លងតាមចំនួន ៥០០,០០០ កាំភ្លើង ហើយធ្វើឱ្យជប៉ុន​ក្លាយជាឃ្លាំងស្តុកកាំភ្លើងច្រើនបំផុតនៅលើពិភពលោក។ មិនត្រឹម​តែថតចម្លងកាំភ្លើងប៉ុណ្ណោះទេ ជប៉ុន​ថែម​ទាំងកែសម្រួលចំណុចខ្សោយមួយចំនួនដែលធ្វើឱ្យបណ្តាប្រទេសអ៊ឺរ៉ុបភ័យខ្លាច។

នៅពេលនោះអេស្បាញ និងព័រទុយហ្កាល់បែងចែកពិភពលោកជាពីរផ្នែក។ ដោយសារគោលនយោបាយរបស់ Toyotomi Hideyoshi ធ្វើអោយប្រទេសជប៉ុនមិនបែកបាក់ អំណាច Tokugawa នៅតែរក្សាបាន។ ទោះជាយ៉ាង​ណា​គ្រីស្ទបរិស័ទដ៏គួរអោយអាណិតលះបង់ខ្លួនដើម្បីរក្សាឯករាជ្យភាពដោយមិនដឹងខ្លួន។

ខ្ញុំនៅតែជឿថាការសម្លាប់មនុស្សដោយសារតែសាសនារបស់ពួកគេជារឿងដែលមិនគួរទេ។

Kengo Abe