សង្ខេបប្រវត្តិមេទ័ពសម័យសាមូរ៉ៃប្រពន្ធច្រើននៅតែមានពាក្យចចាមរាមថាស្រលាញ់ភេទដូចគ្នា

ប្រទេសជប៉ុនជាទឹកដីសាមូរ៉ៃដែលបញ្ចប់នៅសម័យអេដូ។ មេទ័ពម្នាក់ក្នុងចំណោមមេទ័ពដែលមានឋានៈខ្ពស់ជាង​គេ​ត្រូវ​និយាយ​ពី Tokugawa កាន់តំណែងច្រើនជំនាន់។ ជាទូទៅ របបនេះផ្ទេរពីឪពុកទៅឲ្យកូន ហើយដើម្បីពង្រឹងអំណាចគេរៀបចំអាពាហ៍ពិពាហ៍នយោបាយជាមួយគ្រួសារដែលមានអំណាច។ 

ដូច្នេះសាមូរ៉ៃមានប្រពន្ធច្រើនក៏ជារឿងធម្មតាដែរ ជាទូទៅមនុស្សម្នាក់មានប្រពន្ធម្នាក់ ខ្លះលែងលះប្រពន្ធ ឬរៀបការជាមួយ​អ្នក​ផ្សេងបន្ទាប់ពីប្រពន្ធស្លាប់។ ដោយសារតែចង់បានកូនប្រុសស្នងតំណែងមេទ័ពយកប្រពន្ធច្រើន ឬមានស្រីកំណាន់គឺជារឿងធម្មតា។ សាកស្រមៃមើលមេទ័ពទាំងនេះមានប្រពន្ធប៉ុន្មាន​អ្នក?

១. មេទ័ព Ieyasu Tokugawa

រូបភាព https://netlab.click/jphistory/65

គាត់គឺជាមេទ័ពដំបូងដែល​បង្កើតរបប Tokugawa គ្រប់គ្រងប្រទេសជប៉ុន។ គាត់មាន​ប្រពន្ធដើម​ម្នាក់​ ប្រពន្ធចុងម្នាក់ និងស្រី​ស្នំ ២០ នាក់។ ក្រៅពីនេះ គាត់មានស្រីកំ​ណាន់ចំនួន ១៥ នាក់ និង​កូន​ ១៦ នាក់ លោកមេទ័ពស្រលាញ់មនុស្សច្រើនពិសេសប្រជាជន​ធម្មតា។ ក្រៅពីចំនួន​ដែល​បាន​រៀបរាប់ខាងលើលោក​មេទ័ពមានស្រី​ស្នេហ៍ និង​កូន​​លួច​លាក់​ជា​ច្រើន​​ផង​ដែរ។

២. មេទ័ព Hidetada Tokugawa

រូបភាព https://netlab.click/jphistory/65

ដោយសារទំនាក់​ទំនង​របស់លោកមេទ័ព និងស្រីស្នេហ៍ធ្វើឲ្យគាត់​ត្រូវ​គេ​វាយ​តម្លៃលើសមត្ថភាពគ្រប់គ្រង។ Hidetada Tokugawa មាន​​ប្រពន្ធ​​ដើម​ម្នាក់ ប្រពន្ធចុងម្នាក់ និង​ស្រីស្នំ ២ នាក់។ ។ ពិតណាស់បើប្រៀបជាមួយ​មេទ័ព Ieyasu Tokugawa មានចំនួនតិចជាង។ លោកមេទ័ព Hidetada Tokugawa មានកូន ៨ នាក់។ បន្ទាប់ពីប្រពន្ធដើមត្រូវ​បង្ខំឲ្យរៀបការក៏ស្លាប់ ដូច្នេះប្រពន្ធចុងបានក្លាយជាប្រពន្ធដំបូងរបស់លោកមេទ័ព។ លោក​មេទ័ព Hidetada Tokugawa មានចិត្តល្អចំពោះស្រ្តី ពាក្យចចាមអារាមថាគាត់ធ្លាប់អង្គុយផឹកតែជាមួយស្ត្រីម្នាក់រហូតដល់ព្រឹកតែមិន​ប៉ះ​ពាល់នាងឡើយ។

៣. មេទ័ព Iemitsu Tokugawa

រូបភាព https://netlab.click/jphistory/65

លោកមេទ័ព Iemitsu Tokugawa ជាមនុស្សមាន​គុណសម្បត្តិស្តារសម័យ Tokugawa ដែល​កសាងដោយ​មនុស្សជំនាន់ទីមួយ។ គាត់​មានប្រពន្ធដើម​ម្នាក់ និង​ប្រពន្ធចុង ៨ នាក់។ ស្រ្តី ៣ នាក់​ក្នុង​ចំណោមស្រ្តី ១៥ នាក់បង្កើតកូន​ឲ្យ​គាត់​បាន ៦ នាក់។

ប្រទេសជប៉ុន​នៅសម័យ​នោះមាន​ពាក្យ​ចចាមអារាមអំពីទំនាក់ទំនងស្រលាញ់ភេទដូចគ្នា ជាពិសេសវណ្ណៈ​សាមូរ៉ៃ។ សាមូរ៉ៃពេលចាស់ទៅមាន​ទំនោរស្រលាញ់ប្រុស​ក្មេង ប៉ុន្តែ​សាមូរ៉ៃ​រូប​នេះបង្ហាញថា គាត់ចូលចិត្តបុរសតាំងពីអាយុ ១៣ ឆ្នាំ គាត់​ថែម​ទាំង​តុបតែង​ខ្លួនផងដែរ។ តើលោក​មេទ័ព Iemitsu Tokugawa គឺជា Bisexual (អាច​ស្រលាញ់មនុស្សទាំងពីរភេទ) ឬជា Gay ប៉ុន្តែនៅតែត្រូវរួមដំណេកជាមួយស្ត្រីដើម្បី​បន្តពូជ។ រហូតដល់អាយុ ៣០ ឆ្នាំគាត់មិន​ស្រលាញ់ស្រ្តី ប៉ុន្តែបែរជាចាប់អារម្មណ៍លើបុរស។ ដូច្នេះមេដោះព្រួយបារម្ភខ្លាំងណាស់បានប្រមូលក្មេងស្រីស្រស់ស្អាតទាំង​អស់​ឲ្យ​គាត់​ជ្រើស​រើស ប៉ុន្តែគ្មាន​នរណាម្នាក់គាត់មើលចូលភ្នែកសោះ។ ទីបំផុត​ត្រូវ​ធ្វើ​បន្ទប់ដោយ​ឡែក (កន្លែង​​សម្រាប់​លោកមេទ័ពមកដេកជាមួយ​ប្រពន្ធ) ដើម្បី​បន្តពូជពង្សវង្សត្រកូល ហើយមិន​រស់នៅជាមួយ​ប្រពន្ធដូច​អ្នក​ដទៃ​ឡើយ។

៤. មេទ័ព Tokugawa Ietsuna

រូបភាព https://netlab.click/jphistory/65

គាត់មាន​ប្រពន្ធដើមម្នាក់ ប្រពន្ធចុង ២ នាក់។

លោកមេទ័ពរូបនេះកាលពីតូច​មាន​ជំងឺខួរក្បាល ដូច្នេះសុខភាព​ខ្សោយ​ណាស់ ហេតុ​នេះ​គាត់មិន​មាន​កូននោះទេ។ ដូច្នេះ​​ហើយ​នៅ​ជំនាន់ Tokugawa Ietsuna គ្មានអ្នកស្នងតំណែងឡើយ។ ទោះជាយ៉ាងណា មានពាក្យចចាមអារាម​ថា​ លោកមេ​ទ័ព​មិន​ចូលចិត្តស្ត្រីនោះទេ។ 

៥. មេទ័ព Tsunayoshi Tokugawa 

រូបភាព https://netlab.click/jphistory/65

លោកមេទ័ពមានប្រពន្ធដើមម្នាក់ ប្រពន្ធចុង ៣ នាក់ កូន​ប្រុសម្នាក់ កូន​ស្រីម្នាក់។

ថ្វីត្បិតតែ មានប្រពន្ធតិចជាងមេទ័ពដទៃទៀត ប៉ុន្តែលោកមេទ័ពបែរជាមាន​ស្រីច្រើន មិន​ត្រឹម​តែ​ប៉ុណ្ណឹង​ មានទាំង​ប្រុស​កំ​ណាន់ផងដែរ។ ទោះបីជាភរិយាផ្លូវការជាស្រ្តីក៏គាត់នៅតែចែចង់បុរសដទៃទៀត។ ថែមទាំង​ធ្វើ​បន្ទប់សម្រាប់ប្រុសកំ​ណាន់ផង។ គាត់​ត្រូវ​គេ​ចាត់​ទុកជាអ្នកល្មោភស្នេហ៍បំផុតក្នុងចំណោម ១៥ ជំនាន់នៃ Tokugawa ។

៦. មេទ័ព Ienobu Tokugawa

រូបភាព https://netlab.click/jphistory/65

លោកមេទ័ព Ikunobu Tokuwaga មានរូបសម្បត្តិលេចធ្លោ គាត់​មាន​ប្រពន្ធដើមម្នាក់ ប្រពន្ធចុង ៤ នាក់​ និង​កូន ៦ នាក់។ ក្រៅពីនេះ​គាត់​ជាមនុស្ស​សុភាពរាបសា ស្ងប់ស្ងាត់ និងមានសំណាង។

៧. មេទ័ព Tokugawa Ietsugu

រូបភាព https://netlab.click/jphistory/65

លោកមេទ័ពរូបនេះ​គ្មានប្រពន្ធ និងកូន​នោះទេ គាត់​ក្លាយជាមេទ័ពនៅអាយុ ៤ ឆ្នាំ ហើយទទួលមរណភាពនៅអាយុ ១០ ឆ្នាំ។

៨. មេទ័ព Yoshimune Tokugawa

រូបភាព https://netlab.click/jphistory/65

គាត់​មាន​ប្រពន្ធដើមម្នាក់ ប្រពន្ធចុង ៦ នាក់ និង​កូន ៥ នាក់។ រាល់ពេលដែលគាត់ចេញទៅក្រៅតែងតែទាក់ទង​លួងលោមស្ត្រី ជាពិសេសចូលចិត្តយកស្រ្តីជនបទធ្វើជាប្រពន្ធចុង។ អ្វីដែល​ចម្លែក​គឺបន្ទប់​គេងរបស់គាត់តិចព្រោះគាត់​យល់ថា “ស្រី​ស្អាត​នៅ​កន្លែងណាក៍ស្អាត” ។

៩. មេទ័ព Ieshige Tokugawa

រូបភាព https://netlab.click/jphistory/65

លោកមេទ័ពមាន​ប្រពន្ធដើមម្នាក់ ប្រពន្ធចុង ២ នាក់ និងកូន ២ នាក់។ ក៏មានពាក្យចចាមអារាមថាគាត់ជា Gay ដូច្នេះតើកូនជារបស់អ្នកណា?

១០. មេទ័ព Ienari Tokugawa

រូបភាព https://netlab.click/jphistory/65

លោកមេទ័ពមាន​ប្រពន្ធដើមម្នាក់ ប្រពន្ធចុង ១៦ នាក់ (គេនិយាយថាមានច្រើនជាង ៤០ នាក់) ។ នេះជាបុរសដ៏កម្រមួយរូបតាំងពីដើមអត្ថបទរហូតមកដល់ពេលនេះ។ គាត់ស្រឡាញ់ស្ត្រីណាស់ ស្រី​ស្នេហ៍របស់គាត់​ក៏​ច្រើនបំផុត​ផងដែរ គាត់​មាន​កូនចំនួន ៥៣ នាក់។

១១. មេទ័ព Ieyoshi Tokugawa

រូបភាព https://netlab.click/jphistory/65

លោកមេទ័ព​មាន​ប្រពន្ធដើមម្នាក់ ប្រពន្ធចុង ៨ នាក់ និង​កូនចំនួន ២៧ នាក់។ ចំណុច​ដែលគួរអោយចាប់អារម្មណ៍គឺមេទ័ព​មានកូន​ច្រើនជាងប្រពន្ធ។ គាត់​ក៏ជាមនុស្ស​គោរពស្រលាញ់ស្រ្តីផងដែរ។

១២. មេទ័ព Iesada Tokugawa

រូបភាព https://netlab.click/jphistory/65

លោកមេទ័ព​មានប្រពន្ធដើមម្នាក់ ប្រពន្ធចុង​ម្នាក់ ហើយគ្មានកូនទេ។ តាមពិត​សុខភាព​របស់​មេទ័ព​ខ្សោយ មាន​គេកត់ត្រាថាគាត់មានជំងឺខួរក្បាល។ ដូច្នេះ​គ្រួសារខំ​រក​ប្រពន្ធអោយ​គាត់​ដើម្បី​មាន​អ្នក​ស្នង​តំណែង។ 

១៣. មេទ័ព Iemochi Tokugawa

រូបភាព https://netlab.click/jphistory/65

ប្រហែលជានេះជាបុរសដែលស្មោះបំផុតមានប្រពន្ធតែម្នាក់ ហើយ​គ្មានកូន។ គាត់​មិន​យក​ប្រពន្ធចុង​ដោយសារតែមានទំនាក់​ទំនង​ល្អជាមួយ​ភរិយា ជាមេទ័ពដ៏​ល្អមួយ​រូប។

១៤. មេទ័ព Yoshinobu Tokugawa

រូបភាព https://netlab.click/jphistory/65

នេះជាមេទ័ពចុងក្រោយ​នៃជំនាន់ Tokugawa គាត់​មាន​ប្រពន្ធដើមម្នាក់ ប្រពន្ធចុង ៣ នាក់ និង​កូនចំនួន ២១ នាក់។ ប៉ុន្តែការកត់​ត្រាថាក្រោយ​ពេលគាត់​លាលែងពីតំណែង គាត់​រើសប្រពន្ធចុង​បន្ថែមដូច្នេះ​ចំនួន​ប្រពន្ធចុងមានច្រើន។ ទោះជាយ៉ាង​ណាលោកមេទ័ពស្រលាញ់តែ ២ នាក់ព្រោះក្រោយ​ពេល​គាត់​លាលែងពីតំណែងប្រាក់ក្នុង​ផ្ទះក៏មិន​សល់ ប្រពន្ធ និងកូនៗទាំងអស់ត្រូវរស់នៅក្នុងផ្ទះតែមួយ ប៉ុន្តែ​សំ​ណាងព្រោះទំនាក់​ទំនង​រវាង​ពួកគេ​ល្អ។

អស់រយៈពេល ១៤ ជំនាន់នៃ Tokugawa លោក​មេទ័ព​ខ្លះ​មាន​ប្រពន្ធច្រើន លោកមេទ័ពខ្លះ​គ្មានចំណង់​លើ​ស្រ្តី អ្នកខ្លះ​ស្លាប់​តាំងពីក្មេង ហើយ​អ្នក​ខ្លះ​ទៀតស្មោះនឹង​ប្រពន្ធ។ តើអ្នក​យល់យ៉ាងណាចំពោះលោកមេទ័ពទាំងនេះ?

Kengo Abe