មន្ទីរពេទ្យនៅ Kobe ត្រូវ​គេ​លួចម៉ាសប្រើក្នុង​បន្ទប់វះកាត់អស់ចំនួន ៦០០០ ម៉ាស

នៅក្នុងដំណាក់កាលនេះម៉ាសជាវត្ថុដែលសំខាន់បំផុត។

ដោយសារតែការគំរាមកំហែងដែលបណ្តាលមក​ពីវីរុស COVID-19 ប្រទេសជប៉ុនត្រូវប្រឈមនឹងបញ្ហាកង្វះម៉ាស។ វាមិន​ត្រឹម​តែជាដំណឹងអាក្រក់ចំពោះអ្នកដែលខ្លាចជំងឺប៉ុណ្ណោះទេ ថែមទាំងអ្នកដែល​មានទម្លាប់ពាក់​ម៉ាសរក្សាអោយ​មុខ​កក់​ក្តៅផងដែរ។

ថ្មីៗនេះមន្ទីរពេទ្យមួយនៅ Kobe បាត់​ម៉ាសប្រើក្នុង​បន្ទប់វះកាត់ចំនួន ៦០០០ ម៉ាស។ ប្រភេទ​ម៉ាសនេះជួយការពារវីរុសក្នុងខ្លួនរបស់អ្នកជំងឺឆ្លងបុគ្គលិកពេទ្យ។ មនុស្សជាច្រើនប្រហែលជាគិតថាម៉ាសប្រភេទ​នេះមានប្រសិទ្ធភាពខ្ពស់អាចការពារពួកគេពីការរីករាលដាលដ៏គួរឱ្យភ័យខ្លាចនៃរោគរាតត្បាតនេះ។

រូបភាព https://soranews24.com/2020/02/20/kobe-hospital-robbed-of-6000-surgical-masks/

ដោយសារតម្រូវការខ្ពស់ម៉ាសដែលហាក់ដូចជាធម្មតាឥឡូវនេះបានក្លាយជាទំនិញកម្រនៅប្រទេសជាច្រើន។ រហូតដល់​ថ្នាក់បង្កជាទង្វើលួចផងដែរ។

នៅថ្ងៃទី ១៣ ខែកុម្ភៈគេប្រទះឃើញ ៤ ករណីលួចម៉ាសមុខ ក្នុងនោះម៉ាសចំនួន ៦០០០ ត្រូវបាត់ដែលគិតជាទឹកប្រាក់សរុប ៤ មុឺនយ៉េន។ យោងតាមការប៉ាន់ស្មានគោលបំណងនៃការលួចអាចយកទៅលក់បន្តក្នុង​តម្លៃខ្ពស់។

រហូតដល់មន្ទីរពេទ្យអាចធានានូវ​ចំនួន​ម៉ាសដែលចាំបាច់ អ្នកត្រូវប្រាកដថាអ្នកមិនគាំទ្រទង្វើផ្ទុកទំនិញបែបនេះ។ សូមមេតាទិញម៉ាសនៅហាងដែលផ្លូវ​ការឬអ្នកក៏អាចប្រើម៉ាសក្រណាត់ជំនួសវិញ។

លើសពីនេះប្រើម៉ាសមិនមែនជាមធ្យោបាយតែមួយគត់អាចការពារអ្នកពីជំងឺឆ្លងទេ។ អ្នកត្រូវជៀសវាងកន្លែងដែល​មាន​មនុស្សច្រើន លាងដៃអោយ​បាន​ញឹកញាប់ និងរក្សាអនាម័យរាងកាយឱ្យបានល្អ។

Sacchan