នៅ​ជប៉ុន​បញ្ហា​លែង​លះ​ពិត​ជា​ស្មុគ​ស្មាញ និង​​ត្រូវ​ចំណាយ​ច្រើន

មនុស្សពីរនាក់ស្រឡាញ់គ្នារៀបការគឺជារឿងធម្មតា។ ទោះជាយ៉ាងណា អត្រានៃការលែងលះរបស់គូស្វាមីភរិយានៅជប៉ុនគឺ ៣៥% ។ តើអ្នកដឹងទេថា នៅជប៉ុនមានអ្វីកើតឡើងនៅពេលដែលអ្នកសម្រេចចិត្តលែងលះដែរទេ?

ដំបូងត្រូវ​ប្តូរ​ឈ្មោះ

រូបភាព https://www.w-us.co.jp/html/page07y.html

ប្រជាជនជប៉ុនឲ្យ​តម្លៃចំពោះគ្រួសារណាស់ ដូច្នេះប្រសិនបើប្តីប្រពន្ធរស់នៅជាមួយ​គ្នាត្រូវយកត្រកូលតែមួយ ភាគច្រើន​ភរិយាប្តូរនាមត្រកូលតាមប្តី។ ក្នុងករណីលែងលះគឺវិលមកនាមត្រកូលរបស់ខ្លួនវិញ មិន​មែន​ងាយស្រួលនោះទេ អ្នក​ត្រូវប្តូរប័ណ្ណបើកបរ លិខិតឆ្លងដែន ឈ្មោះនៅក្រុមហ៊ុន -ល- ពិតជារំខានណាស់។

ដំណើរការសម្រុះសម្រួលមានភាពស្មុគស្មាញ

រូបភាព https://style.nikkei.com/article/DGXZZO46888710T00C19A7000000/

អនុលោមតាមដំណើរការភាគីទាំងពីរត្រូវ​ធ្វើការសម្របសម្រួល។ ប្រសិនបើការសម្រុះសម្រួលបរាជ័យ និង​បន្តដំណើរ​ការលែងលះ។ ទោះជាយ៉ាងណា ជម្លោះដែលពាក់ព័ន្ធនឹងកូន ឬទ្រព្យសម្បត្តិត្រូវទទួលការជំនុំជម្រះ។ ភាគីទាំងសង​ខាង​ត្រូវជួលមេធាវីម្នាក់ មិន​ត្រឹម​តែ​ប៉ុណ្ណឹង មានអ្នកស៊ើបអង្កេតថាតើភាគីណាមួយសមនឹង​ឈ្នះ។ ប្រសិនបើលទ្ធផលមិនដូចជាការរំពឹងទុកភាគីចាញ់ច្រើនតែប្តឹងឧទ្ធរណ៍។ ដូច្នេះដំណើរការជំនុំជម្រះអាចមានរយៈពេលច្រើនឆ្នាំ។

បញ្ហាសិទ្ធិ និងកាតព្វកិច្ចចិញ្ចឹមកូន

រូបភាព http://kdkits.jp

ប្រសិនបើប្តីប្រពន្ធមានកូនតូចប្រាកដជាមានបញ្ហា តើអ្នកណាជាអ្នកចិញ្ចឹមកូន? ការលែងលះមានន័យថារស់​នៅ​ដាច់ដោយឡែកពីគ្នា ដូច្នេះ​ត្រូ​វពិចារណាថាតើក្មេងរស់នៅជាមួយអ្នកណា។ មានភ្នាក់​ងារស៊ើបអង្កេតដើម្បីបញ្ជាក់​ពី​បញ្ហាទាក់ទងនឹងសមត្ថភាពហិរញ្ញវត្ថុក៏ដូចជាបរិយាកាសសមស្របក្នុងការចិញ្ចឹមកូន។ ជាការពិតណាស់បំណងផ្ទាល់របស់ក្មេងក៏ត្រូវតែមានការយល់ព្រមផងដែរ ដូច្នេះកុមារនឹងរងផលប៉ះពាល់យ៉ាងខ្លាំងចំពោះការសម្រេចចិត្តរបស់ឪពុកម្តាយក្នុងការលែងលះ។

ការបែងចែកទ្រព្យសម្បត្តិ

រូបភាព https://gentosha-go.com/articles/-/3709

តាមច្បាប់របស់ជប៉ុនទ្រព្យសម្បត្តិដែលធ្វើឡើងក្រោមឈ្មោះប្តី និងប្រពន្ធត្រូវបែងចែកជាពីរផ្នែក។ ប្រសិនបើជាសាច់ប្រាក់អាចបែងចែកយ៉ាងស្រួល ចុះបើជាផ្ទះវិញ? លក់​ផ្ទះរួច​ចែក​ជាពីរ ឬអ្នកដែល​ជាម្ចាស់កម្មសិទ្ធិផ្ទះត្រូវ​បង់ថ្លៃពាក់កណ្តាលតាមការកំណត់?

ក្រៅពីនេះប្រសិនបើស្វាមីជាម្ចាស់អាជីវកម្មកាន់កាប់ភាគហ៊ុន ពេល​លែងលះចំនួនភាគហ៊ុនក៏ត្រូវ​បែងចែក​ដែរ។

ការចំណាយលើការចិញ្ចឹមកូន

រូបភាព http://kdkits.jp

ជាទូទៅតុលាការនឹងសម្រេចសិទ្ធិចិញ្ចឹមកូនឲ្យ​ម្តាយ ប៉ុន្តែចំពោះឪពុករាល់ខែមានកាតព្វកិច្ចផ្តល់ប្រាក់ផ្គត់​ផ្គង់​​កូន​។ ចំនួន​ប្រាក់អាស្រ័យលើប្រាក់ចំណូល និងអាយុរបស់កុមារ។ ក្នុងករណីកុមារអាយុក្រោម ១៤ ឆ្នាំ ប្រាក់ចំណូល ៣,០០០,០០០ យ៉េនត្រូវផ្គត់ផ្គង់ពី ២០,០០០ ទៅ ៦០,០០០ យ៉េនក្នុងមួយខែ។

ប្រសិនបើប្រាក់ចំណូលមានចំនួន ៨,០០០,០០០ យ៉េន ប្រាក់ឧបត្ថម្ភប្រចាំខែចាប់ពី ៨០,០០០ ទៅ ១៤០,០០០ យ៉េន​ក្នុងមួយខែ។ ហើយអាស្រ័យ​លើចំនួនកូនរបស់ប្តីប្រពន្ធ ប៉ុន្តែ​ចំនួន​ប្រាក់នេះពិតជាច្រើន។

ប្រាក់សំណង

រូបភាព https://machicon.jp/ivery/column/46956

ជាទូទៅភាគី​ដែល​ទាមទារលែងលះត្រូវបង់ប្រាក់សំណង ប៉ុន្តែភាគច្រើន​ស្វាមីជាអ្នក​បង់។ បញ្ហាសំណងត្រូវវិនិច្ឆ័យផ្អែកលើមូលហេតុនៃការលែងលះ និងប្រាក់ចំណូលរបស់ភាគីទាំងពីរ។ សំណងជាមូលដ្ឋានគឺពី ៥០០,០០០ ទៅ ១០០០,០០០ យ៉េន ក្នុងករណីអំពើផិតក្បត់សំណងចាប់ពី ២ លានទៅ ៣ លានយ៉េន។

នៅពេលដែល​គិតដល់​រឿង​លែង​លះ ភាគីច្រើនតែ​មាន​អ្នកថ្មី ប៉ុន្តែប្រសិនបើលាតត្រដាងនឹងត្រូវបង់សំណងបន្ថែម។ រឿងនេះច្រើនតែកើតឡើងចំពោះបុរស។ មាន​ករណីខ្លះ​ភាគី​ខាង​ស្រីជាអ្នកផិតក្បត់ ប៉ុន្តែអ្នក​នៅជុំវិញបែរជានិយាយ​ថា “ក្នុងនាមជាបុរសម៉េចក៏​មិន​បង់​ប្រាក់សំណងពិតជា​អាម៉ាស់ណាស់” ។

ខ្ញុំគិតថាបញ្ហាលែងលះនៅកម្ពុជាក៏ប្រឈមនឹងបញ្ហាទាំងនេះដែរ ប៉ុន្តែក្នុងករណីជប៉ុនអ្នកត្រូវមានថវិកាច្រើនទើបហ៊ានស្នើ ឬចុះហត្ថលេខាលើក្រដាសលែងលះ។

យុវជនជប៉ុនច្រើនតែមានអារម្មណ៍ថាមានសម្ពាធពេលនិយាយ​ពីបញ្ហារៀបការ។

Kengo Abe