ចូលផ្ទះបាយជាមួយ​នឹង​បងស្រី Aya ធ្វើនំសូកូឡាបេះដូង

ឧបករណ៍ដែលត្រូវ​ត្រៀម៖

• ពុម្ពធ្វើនំរាងមូល ( 12cm-15cm)
• ក្រដាសធ្វើនំ
• ឆ្នាំងតូច
• ឧបករណ៍ក្រឡុកស៊ុត
• ឧបករណ៍វាស់សីតុណ្ហភាព
• ម៉ាសុីនក្រឡុកស៊ុត
• កន្រ្តងម្សៅ
• ស្រោមដៃ
• បន្ទះដែក​ទុកអោយបាត់ក្តៅ

គ្រឿងផ្សំ (ធ្វើនំរាងមូល ១៥ សង់ទីម៉ែត្រ)

នំសូកូឡា

សូកូឡា ៥៨% កាកាវ ៦០ ក្រាម カカオ５８％　６０g
ស៊ុត (ផ្នែក​ក្រហម ៣ គ្រាប់)

ផ្នែកទី ១៖

ស្ករ ៣០ ក្រាម

បឺ ២៤ ក្រាម

ក្រែមស្រស់ ១ ស្លាបព្រា

ស៊ុត (ផ្នែក​ពណ៌ស ១,៥)

ផ្នែកទី ២៖

ស្ករ ៣០ ក្រាម

ម្សៅកាកាវ ៣០ ក្រាម

ម្សៅស្រូវសាលីដុតនំ ១ ស្លាបព្រា

ទឹកស៊ីរ៉ូ

ផ្លែព្រូនក្រៀម ១០០ ក្រាម

សំបកក្រូចឆ្មា ១/២ ផ្លែ

សំបកក្រូច ១/២ ផ្លែ

ដើម Vanilla ១០ សង់ទីមែត្រ

ផ្លាក្លាំពូ ១០ 

ដើមយីហ៊ុប ១

ស្ករ ៦០ ក្រាម

ទឹក ១៥០ CC

របៀបធ្វើ៖

• រៀបចំទុកមុនមួយថ្ងៃ

ជំហានទី ១៖ ធ្វើទឹកសុីរ៉ូដោយបកសំបកក្រូចឆ្មា និងក្រូច បន្ទាប់​មក​ដាក់ដើមយីហ៊ុប និងផ្លាក្លាំពូក្នុងផ្លាស្ទិចរុំស្រាលៗ។ កាត់ហើយបើកតាមបណ្តោយដើមវ៉ានីឡាក្រោយមកយកគ្រាប់ចេញ។

ជំហានទី ២៖ ដាក់ស្ករ និងទឹកចូលក្នុងឆ្នាំងកំណត់ភ្លើងតិច។ ក្រោយពេលទឹកពុះបន្ថែមសំបកក្រូចឆ្មា សំបកក្រូច កំទេចដើមយីហ៊ុប និងផ្លាក្លាំពូកិនម៉ត់ចូល។ បន្ទាប់ពីរយៈពេល ៣០ វិនាទីឃើញពពុះចាប់ផ្តើមកូរស្រាលៗ។ ចំណាំប្រសិនបើក្តៅយូរស៊ីរ៉ូអាចខ្លោច។

ជំហានទី ៣៖ នៅពេលដែលល្បាយខាប់ចាក់ចូលចានអុីណុក ដាក់ផ្លែព្រូនក្រៀមចូលរួចរុំអោយជិត បន្ទាប់​មក​ដាក់​ក្រោមសីតុណ្ហភាពក្នុងបន្ទប់មួយយប់។

• ព្រឹកថ្ងៃបន្ទាប់

ជំហានទី ៤៖ កាត់បឺរាងការ៉េកម្រាស់ ១ សង់ទីម៉ែត្រ ដាក់​ក្រដាស់លើពុម្ពនំ លាយម្សៅកាកាវ និងម្សៅស្រូវសាលីរួចកន្ត្រងម្សៅអោយម៉ត់។ បន្ទាប់មកដាក់ល្បាយចូលក្នុងឡក្នុងកំដៅ ១៨០ អង្សា។

ជំហានទី ៥៖ ដាក់សូកូឡាចូលក្នុងចានដែកអុីណុក ដាំទឹកពុះ ៦០ អង្សាដើម្បីឱ្យសូកូឡារលាយ។

ជំហានទី ៦៖ លាយបឺ និងក្រែមស្រស់ បន្ទាប់មកដាក់ក្នុងមីក្រូវ៉េវរយៈពេល ៣០ វិនាទីកំដៅ ៤០ អង្សា។

ជំហានទី ៧៖ បន្ថែមស៊ុតផ្នែក​ក្រហមចូលរួចប្រើឧបករណ៍ក្រឡុកពងមាន់ បន្ទាប់មកបន្ថែមគ្រឿងផ្សំ (១) ចូលរួចលាយ។ នៅពេលដែលស្កររលាយរួចដាំទឹកឱ្យពុះ ៣០ អង្សា។

ជំហានទី ៨៖ ដាក់សូកូឡាដែល​កំដៅអោយរលាយនៅជំហានទី ៥ ប្រហែល ១/៣ ចូលក្នុងចានលាយស៊ុតដែលធ្វើនៅជំហានទី ៧ រួចលាយចូលគ្នាឱ្យសព្វ។ បន្ទាប់មកធ្វើ ២ ដងទៀតជាមួយសូកូឡាដែលនៅសល់ហើយកូរឱ្យសព្វ។ រក្សាល្បាយដែល​បាន​លាយនៅសីតុណ្ហភាព ៤០ អង្សា ហើយចៀសវាងកុំអោយសីតុណ្ហភាពធ្លាក់ចុះ។

ជំហានទី ៩៖ លាយ​ស៊ុតផ្នែក​ពណ៌​សជាមួយគ្រឿងផ្សំ (២) ដើម្បី​ធ្វើក្រែម។ 

ជំហានទី ១០៖ បន្ថែមក្រែមពាក់កណ្តាលដែលធ្វើក្នុងជំហានទី ៩ ចូលល្បាយនៅជំហានទី ៨ លាយ​គ្រឿង​ផ្សំ​ចូលគ្នាថ្នមៗ។ បន្ទាប់មកលាយម្សៅកាកាវ និងម្សៅស្រូវសាលីដែលបានរៀបចំពីជំហានទី ៤ លាយរហូតទាល់តែស្រទាប់ម្សៅរលាយចូលគ្នា។

ជំហានទី ១១៖ លាយអោយ​សព្វម្តងទៀតរួចលាយជាមួយល្បាយនៅជំហានទី ១០ រហូតទាល់តែល្បាយសព្វ។

ជំហានទី ១២៖ ចាក់ ១/៣ល្បាយនៅជំហានទី ១១ ចូលពុម្ពនំ បន្ទាប់មកដាក់ផ្លែព្រូនក្រៀមជាមួយទឹកស៊ីរ៉ូ (ចាក់ទឹកសុីរ៉ូចូលទុកតែផ្លែព្រូនក្រៀម) ចុងក្រោយបន្ថែមល្បាយដែលនៅសល់។ បន្ទាប់​មក​រៀបចំនំយ៉ាងណាអោយស្អាត។

ជំហានទី ១៣៖ ដាក់នំក្នុងឡប្រហែល 30 នាទីក្រោមកំ​ដៅ ១៦០ អង្សា។ ក្រោយរយៈពេល ៣០ នាទីយកឈើចាក់​ធ្មេញសាកមើលថាឆ្អិន​ឬនៅ ប្រសិនបើអ្នកមិនឃើញស្រទាប់ល្បាយរាវជាប់ចុងឈើចាក់ធ្មេញមានន័យថានំឆ្អិន។ បន្ទាប់មកពាក់ស្រោមដៃរួចយកនំចេញ ហើយដាក់លើបន្ទះដែក ក្រោយពេលនំ​ត្រជាក់​អ្នក​អាចយកក្រដាសខាងក្រោមនំចេញ។

លក្ខណៈពិសេស

ប្រភេទនំដែល​ធ្វើពីសូកូឡាសុទ្ធតែត្រូវពិនិត្យមើលសីតុណ្ហភាពពេលចម្អិន។ ដូច្នេះកុំរំលងជំហានដ៏សំខាន់នេះ! ធ្វើ​នំខេក​តម្រូវឱ្យមានឧបករណ៍គ្រប់គ្រាន់ដូចជាពេលអ្នក​ឃើញនំ​ក្តៅចេញពីឡអារម្មណ៍នឹងកាន់តែរំភើប។ ចំណុចពិសេសរបស់​នំ​ខេកគឺរសជាតិផ្អែម និងជូររបស់ផ្លែឈើលាយជាមួយក្លិនឈ្ងុយរបស់វ៉ានីឡា។ នំខេកដែលទើប​តែ​ដុត​ពិតជាឈ្ងុយឆ្ងាញ់ឬអាចយកធ្វើជាអំណោយក៏បាន។

ថ្ងៃ Valentines នៅជប៉ុន

⭐នៅថ្ងៃនេះ​ភាគច្រើន​ស្ត្រីជប៉ុន​ជូនអំណោយភ្ជាប់ជាមួយ​សូកូឡាសម្រាប់​មនុស្ស​ដែល​នាងស្រលាញ់។ លើសពីនេះអ្នកក៏អាចជូនសូកូឡាអោយមិត្តភក្តិ និងមិត្តរួមការងារផងដែរ។

ប្រវត្តិរូបសង្ខេប

ធ្វើការនៅ Food Coordinator Aya

ឈ្មោះ និង​ត្រកូល៖ Aya Hayashi

សញ្ជាតិ៖ ជនជាតិជប៉ុន

បញ្ចប់ការសិក្សា៖ វិជ្ជាស្ថាន Egamiryou

ចំណូលចិត្ត៖ Surfing ‍♀️

ឪពុកខ្ញុំគឺជាកសិករម្នាក់ធ្វើស្រែនៅ Hokkaido ចំណែក​ម្តាយ​របស់​ខ្ញុំ​ធំឡើងក្នុង​គ្រួសារអ្នកនេសាទ។ ឪពុកម្តាយរបស់ខ្ញុំបើកហាងកាហ្វេ ដូច្នេះតាំងពីក្មេងខ្ញុំចូលចិត្តវប្បធម៌ម្ហូបអាហាររហូតមកដល់ពេលនេះ។ ខ្ញុំចូលចិត្តម្ហូបជុំវិញពិភពលោកដូចជាថៃឬអ៊ឺរ៉ុបដែលជាកម្លាំងជំរុញឱ្យខ្ញុំព្យាយាមបង្កើនជំនាញរបស់ខ្ញុំ។ ម្ហូបដែល​ខ្ញុំចូលចិត្តគឺនំប៉័ងគ្រាន់តែបន្ថែមគ្រឿងផ្សំផ្សេងទៀតខ្ញុំនឹង​ធ្វើអោយរសជាតិនំប៉័ងកាន់តែឆ្ងាញ់។