ប្រជាជនជប៉ុននាំគ្នាអុជទៀនមុខសណ្ឋាគារបួងសួងអោយអ្នកដែល​ត្រឡប់មកពីទីក្រុងវូហានអាចទៅផ្ទះដោយសុខសាន្ត

អ្នកស្រុក Katsuura ទីក្រុងមួយ​ស្ថិតនៅក្នុង​ខេត្ត Chiba អុជទៀនមុខឆ្នេរខាងក្រៅសណ្ឋាគារដែល​ត្រូវ​គេដាក់​អោយ​​នៅដាច់ពីគេព្រោះប្រជាជនត្រឡប់មកពីទីក្រុង Wuhan ប្រទេសចិន។

រូបភាព​ដែល​គួរអោយ​រំភើប​នេះ​ថត​នៅថ្ងៃទី ១១ ខែកុម្ភៈ។ ពន្លឺភ្លើងទៀនត្រូវបានប្រជាជនរៀបចំជារូបបេះដូងបង្ហាញពីការគាំទ្រកម្លាំងចិត្តដើម្បីជំនះពីជំងឺ។ អត្តន័យ​បង្ហាញយ៉ាង​ច្បាស់​ថា “អ្នកមិនប្រឈមមុខតែម្នាក់ឯងទេ”។

រូបភាព https://nextshark.com/katsuura-residents-light-up-candles/

ជនជាតិជប៉ុនប្រមាណ ៧៦០ នាក់ត្រូវបានជម្លៀសចេញពីទីក្រុងវូហានដែលជាកន្លែងកំ​ណើតនៃវីរុស ហើយ​ត្រូវបាន​​ត្រឡប់ទៅប្រទេសវិញនៅថ្ងៃទី ២៩ ខែមករា។ បច្ចុប្បន្ន​មនុស្សសរុបចំនួន ១៩៧ នាក់កំពុងស្នាក់នៅសណ្ឋាគារ Chiba ដែលដាក់អោយនៅដាច់ពីគេដើម្បីតាមដាន។

ពិតជាសំណាងល្អក្រោយរយៈពេល ១២ ថ្ងៃកន្លះក្រុមទីមួយអាចវិលត្រឡប់ទៅផ្ទះវិញដោយសារលទ្ធផលអវិជ្ជមាន។

ប្រជាជនម្នាក់ក្នុងចំណោមប្រជាជនដែលបានចាកចេញពីសណ្ឋាគារមានអាយុ ៣០ ឆ្នាំជាអ្នកស្រុកខេត្ត Mie និយាយថា “ខ្ញុំសូមកោតសរសើរចំពោះចិត្តសប្បុរសដែលមន្រ្តីរដ្ឋាភិបាល និងអ្នកដែល​នៅ​ក្នុង​សណ្ឋាគារបានផ្តល់អោយយើង” ខ្ញុំអាចឆ្លងកាត់ពេលវេលានេះដោយគ្មានការភ័យខ្លាច ហើយខ្ញុំក៏ចង់ថ្លែងអំណរគុណដល់ប្រជាជនក្នុងតំបន់ដែលបានគាំទ្រដល់យើងផងដែរ។

សូមចូលរួមបួងសួងអោយអ្នកជំងឺនៅលើពិភពលោកឆាប់ជាសះស្បើយ។

Sacchan