ព្រះសង្ឃស្រលាញ់ភេទដូចគ្នាម្នាក់ត្រាស់ដឹងខ្លួនវិលមកធម៌ព្រះវិញ

ថ្ងៃសៅរ៍ 15/02/2020 | 17:52 ល្ងាច

ព្រះសង្ឃម្នាក់ឈ្មោះ Kodo Nishimura ហើយក៏ជាអ្នកផាត់មុខម្នាក់ផងដែរ ទោះបីគាត់បានបួសធ្វើជាព្រះសង្ឃ ប៉ុន្តែនៅតែធ្វើជាអ្នកផាត់មុខអស់រយៈពេល ៩ ឆ្នាំមកហើយ។ មានកិត្តិយសធ្លាប់តុបតែងមុខអោយតារាល្បី ៗ ជាច្រើនដូចជា Christina Milian – Halima Aydin និងបេក្ខនារីដែលចូលរួមប្រកួតបវរកញ្ញាអាមេរិក។

Kodo ធំដឹងក្តីក្នុងព្រះវិហារព្រះពុទ្ធសាសនាមួយនៅទីក្រុងតូក្យូ។ ឪពុកម្តាយទាំងពីរជាពុទ្ធសាសនិក កាលពីក្មេង Kodo មិនដែលចាប់អារម្មណ៍រឿងនេះទាល់តែសោះ ហើយក៏មិនចង់បួសផងដែរ។ កាលរៀននៅវិទ្យាល័យ Kodo ខ្លាចគេថាគាត់ជាមនុស្សស្រលាញ់ភេទដូចគ្នា ដូច្នេះ Kodo តែងតែលាក់បាំងអត្តចរិកពិតរបស់ខ្លួន។ Kodo គិតថាមនុស្សគ្រប់គ្នាស្អប់ Kodo ដូច្នេះគាត់បានផ្លាស់ទៅសាកលវិទ្យាល័យឆ្ងាយនៅ New York ។

នៅក្នុងសាលាថ្មី Kodo សង្ឃឹមថាខ្លួនអាចបង្ហាញពីអត្តចរិកពិត ហើយមនុស្សគ្រប់គ្នាគាំទ្រ Kodo មនុស្សស្រឡាញ់ភេទដូចគ្នាគ្មានកំហុសទេ។ Kodo ចាប់ផ្តើមរៀនផាត់មុខដែលជាពិភពចម្រុះពណ៌ និងអស្ចារ្យសម្រាប់ Kodo ។ Kodo យល់ថាខ្លួនពោរពេញទៅដោយថាមពល និងក្តីសង្ឃឹមចង់រៀនបន្ថែមទៀត។

រូបភាព https://vnexpress.net/the-gioi/c

Kodo រៀនផាត់មុខជាមួយមនុស្សម្នាក់ជំនាញផាត់មុខអោយបវរកញ្ញាជប៉ុន ទីបំផុត Kodo បានក្លាយជាជំនួយការរបស់គាត់។ Kodo តែងតែសង្ឃឹមថាខ្លួនអាចជម្រុញទឹកចិត្តដល់មនុស្សគ្រប់គ្នា ហើយមានមោទនភាពចំពោះខ្លួនឯង។

បន្ទាប់ពីបញ្ចប់ការសិក្សានៅសាកលវិទ្យាល័យ គំនិតរបស់ Kodo ចាប់ផ្តើមគិតពីកន្លែងកំណើតរបស់ខ្លួន។ Kodo សម្រេចចិត្តវិលត្រឡប់ទៅប្រទេសជប៉ុនវិញរួចបួសធ្វើជាព្រះសង្ឃ។ នេះគឺជាដំណើរជីវិតដែលមិនងាយស្រួលចំពោះ Kodo ឡើយ។

គ្រូរបស់ Kodo ពន្យល់ថាតួនាទីសំខាន់បំផុតរបស់ព្រះពុទ្ធសាសនាគឺទេសនាអំពីភាពស្មើគ្នា។ Kodo យល់ថាធម៌ទេសនានេះអាចជួយសង្រោះព្រលឹងរបស់គាត់ និងមនុស្សជាច្រើនទៀត។ Kodo យល់ថាតួនាទីរបស់ខ្លួនត្រូវជួយអោយមនុស្សគ្រប់គ្នាដឹងថាពួកគេជានរណា? រាល់ការផ្លាស់ប្តូររបស់មនុស្សម្នាក់គ្មានអ្វីចម្លែកទេ។

ចាប់តាំងពីពេលនោះមក Kodo បើកថ្នាក់បង្រៀនផាត់មុខ ថ្នាក់រៀនដែល Kodo ចូលចិត្តគឺក្រុមអ្នកស្រលាញ់ភេទដូចគ្នា LGBT ។ ផាត់មុខធ្វើអោយមនុស្សគ្រប់គ្នាយល់ថាខ្លួនស្អាត និងមានសង្ឃឹម។ Kodo គិតថាសាសនាទាំងអស់សុទ្ធតែមានចំណុចរួមគឺបង្រៀនយើងឱ្យជួយមនុស្ស។

Kodo សង្ឃឹមថាអ្នករាល់គ្នាគិតថាមនុស្សមានសិទ្ធិស្មើគ្នា អាចរស់នៅបង្ហាញពីអត្តចរិកពិតរបស់ខ្លួន និងមានទំនុកចិត្តចំពោះខ្លួនឯង។