១២ ចំណុចដែល​បង្ហាញ​ថាអ្នកជាស្រីចាស់តាមការវាយ​តម្លៃរបស់ជនជាតិជប៉ុន

តើអ្នក​ធ្លាប់ឮពាក្យ Ossan Joshi (おっさん女子) ឬ Obasan joshi (おばさん女子) ដែរទេ?

រូបភាព http://www.livenan.com/archives/16625663.html

ថ្ងៃនេះយើង​នឹងសង្កេតមើល ១២ ចំណុច​ដែល​បង្ហាញ​ថាអ្នកជាស្រីចាស់៖

១. មិនផឹកកាហ្វេបែរជាណាត់គ្នាទៅផឹក​ស្រា

មនុស្សស្រីដែលចាស់គិតថាខ្លួន​ជាមនុស្ស​ពេញវ័យ ចេះគិត និងមានការយល់ដឹង ដូច្នេះ​គេលះបង់ទម្លាប់ផឹកកាហ្វេ​ និងញ៉ាំបង្អែម ដើម្បីទៅផឹកស្រា ចូលចិត្តបរិយាកាសអ៊ូអរដូចជាហាងស្រា។

២. មិន​ដើរទិញម៉ូដសម្លៀកបំ​ពាក់​ចេញ​ថ្មី

ប្រកាន់ខ្ជាប់ស្ទីលស្លៀកសម្លៀកបំ​ពាក់​តាមបែបរបស់ខ្លួន ស្រី្តដែលចាស់ជាទូទៅមិន​តម្រង់ជួរដើម្បីទិញ​ទំនិញម៉ាកល្បីទេ។

៣. មិន​សូវ​ប្រើបណ្តាញសង្គម

ស្រ្តីដែល​ចាស់កាត់​បន្ថយ​ការប្រើបណ្តាញសង្គមដូចជា Facebook, Twitter ឬ Instagram ដូច្នេះយកល្អគួរតែដាក់វាមួយឡែកសិន។

៤. មិនសូវជាពូកែក្នុង​ទំនាក់​ទំនង

ជាពិសេសនៅពេលគេរៀបរាប់រឿង​ដែល​មិន​សប្បាយចិត្ត ចេះតែអង្គុយ​ស្តាប់ គ្មានដំបូន្មាន ព្រោះពួកគេមិន​ដឹងថាត្រូវ​និយាយ​អ្វី។

៥. មិន​ចូលចិត្តរបស់មានពណ៌ឆើតពេក

ស្រ្តី​ដែល​ចាស់មិន​ចូលចិត្តពណ៌​ផ្កាឈូក ពណ៌ដែលស្រស់​ឆើតពេកទេ។

៦. នៅម្នាក់ឯងតាមដែលអាចធ្វើទៅបាន

នៅថ្ងៃឈប់សម្រាកស្រ្តីចាស់ចូលចិត្តដើរលេងក្បែរផ្ទះ ​ញ៉ាំនៅ​ហាងបាយធម្មតាឬអង្គុយក្នុងតូបញ៉ាំចំណីតាមចិញ្ចើម​ផ្លូវ។ 

រូបភាព https://bokete.jp/boke/22519934

៧. ការងារជាចំបង

ជោគជ័យក្នុងការងារទើបសំខាន់ ដូច្នេះ​ទោះបីជាថ្ងៃឈប់សម្រាកក៏ត្រូវព្យាយាមបញ្ចប់ការងារផងដែរ។

៨. មិនថតរូបម្ហូបមុនពេលញ៉ាំ

នៅក្នុងភោជនីយដ្ឋានដ៏ប្រណិតជាមួយ​នឹង​មុខ​ម្ហូប​ត្រូវ​បាន​រៀបចំយ៉ាងស្អាត ជាទូទៅក្មេងស្រីនឹងយកទូរស័ព្ទរបស់ពួកគេថត​រូបម្ហូបដើម្បីអួតមិត្តភក្តិ ប៉ុន្តែស្រ្តី​ដែលចំណាស់គឺមិន​ថតទេ។

៩. ធ្វើដំណើរកំ​សាន្ត​ម្នាក់ឯង

ជាជាងត្រូវរង់ចាំកាលវិភាគ និងក្រុម​មិត្តភក្តិ ស្រ្តី​ដែល​ចំ​ណាស់ចូលចិត្តទៅតែម្នាក់ឯង មិន​សប្បាយ​ចិត្តក៏ទៅ សប្បាយចិត្តក៏​ទៅ។

១០. ស្នេហាលក្ខណៈសាមញ្ញ

ស្រ្តីដែល​ចំណាស់យល់ថារឿង​ស្នេហាមានក៏​បាន បាត់​បង់ក៏​វាមិន​អី។

១១. ថ្ងៃសម្រាក​បណ្តោយខ្លួន

ស្រ្តីវ័យចំណាស់ចូលចិត្តគេងជាជាងជួបជុំមិត្តភក្តិ ទោះបីត្រូវគេអញ្ចើញក៏ប្រាប់​ថារវល់ដែរ។

១២. មិនចូលចិត្តលេងជាក្រុម

បើត្រូវស្តាប់នរណាម្នាក់​រអ៊ូរទាំគេសុខចិត្តដើរលេងតែឯងវិញ។

មែនហើយនេះគឺជាចំណុចទាំង ១២ ដែលបង្ហាញថាអ្នកកាន់តែចាស់ទៅហើយទោះបីអាយុទើបតែ ២០ សោះ។

រូបភាព https://store.line.me/stickershop/product/1219499/ja

តើអ្នក​មាន​ក្នុង​ចំណុច​ណាមួយក្នុងចំណោមចំណុចទាំង ១២ យ៉ាងខាងលើ?

បើត្រូវចាប់ពី​ ២-៤ ចំណុច​ឡើងទៅអ្នក​អាចនឹង​ក្លាយជាស្រ្តីដែល​ចំណាស់។ បើត្រូវ​ចាប់ពី ៥ ចំណុចឡើង​ទៅអ្នក​ពិតជាស្រ្តីដែល​ចំណាស់។

គ្មាននរណាម្នាក់មានសិទ្ធិវិនិច្ឆ័យជីវិតរបស់អ្នក​ដទៃទេ ហើយខ្ញុំក៏មិននិយាយថាស្ត្រីដែលចំណាស់គឺអាក្រក់ដែរ។ ដូច្នេះ​​អ្នក​ត្រូវ​មាន​ទំនុក​ចិត្ត​លើ​ខ្លួន​ឯងរស់​នៅ​អោយ​បានល្អ ស្វែងរកបុរសម្នាក់ដែលស្រឡាញ់អ្នក។

ប្រភព rootsnote.com

Chee