ប្រភេទបន្ទប់សណ្ឋាគារប្រអប់នៅលើពិភពលោក

តើអ្នកធ្លាប់ឃើញសណ្ឋាគារប្រភេទនេះទេ?

រូបភាព https://safro.org/ladyssafro/cupsule/

បន្ទប់តូចល្ម​ម​ដាក់​គ្រែបានតែមួយប៉ុណ្ណោះ ឬគេហៅថាគំរូសណ្ឋាគារប្រអប់ច្រើន​ជាន់ដ៏ពេញនិយមនៅប្រទេស​ជប៉ុន។ ជាពិសេនៅទីក្រុងធំ បន្ទប់នីមួយៗបំពាក់ទ្វាររុញ នាំមកនូវ​បរិយាកាសឯកជន​សម្រាប់​អតិថិជន។

តើអ្នក​ធ្លាប់គិត​ថាខ្លួនដូចជាសត្វ​មាន់ក្នុង​ទ្រុង​ពេលក្រឡេកមើលសណ្ឋាគារប្រភេទនេះទេ?

បើប្រៀបធៀបមើលទៅដូចជាទ្រុង​មាន់ខាងក្រោមនេះ។

រូបភាព http://salmet.co.jp/product/

ប៉ុន្តែប្រសិន​បើឈានចូលបន្ទប់​សណ្ឋាគារប្រអប់​អ្នក​ប្រាកដជាឃើញឧបករណ៍កំដៅ និង​កន្លែងសាកថ្មត្រូវ​បានបំពាក់គ្រប់​គ្រាន់។ បង្គន់ និងបន្ទប់ទឹករួមខាងក្រៅបន្ទប់គេង ដូច្នេះ​បើគ្រាន់តែចង់​គេងក្នុងបន្ទប់​សណ្ឋាគារ​ប្រអប់ នេះជាជម្រើសដ៏​ល្អហើយចំណាយ​តិចបំផុត។

លើសពីនេះទៅទៀតសណ្ឋាគារខ្នាតតូចត្រូវបានកែលម្អកាន់តែប្រសើរឡើងដើម្បីប្រកួតប្រជែង និងបំពេញចិត្តអតិថិជន។

ឧទាហរណ៍សណ្ឋាគារមួយចំនួននៅលើពិភពលោកដូចជា៖

១. ប្រទេសអង់គ្លេស

នៅអាកាសយានដ្ឋាន Heathrow ទីក្រុងឡុងដ៍មានសណ្ឋាគារប្រអប់ហៅថា Yotel ។

រូបភាព https://dime.jp/genre/843803/

បន្ទប់នីមួយៗត្រូវបានបំពាក់ដោយវ៉ាយហ្វាយល្បឿនលឿន តែ និងកាហ្វេឥតគិតថ្លៃ មានបម្រើសេវាកម្មហៅអាហារ​ដល់​បន្ទប់ និងតុបត់​សម្រាប់ធ្វើការ។ ក្រៅពីនេះស្ត្រីអាចសម្រាកថែរក្សាស្បែកជាមួ​យ​នឹងឈុត​ផលិតផល​ skincare ដោយឥតគិតថ្លៃ។ ពិសេសចន្លោះបន្ទប់យកគំរូ​តាមកន្លែងលើយន្តហោះទំហំធំទូលាយជាងបន្ទប់នៅជប៉ុន។

រូបភាព https://dime.jp/genre/843803/

មានបំពាក់បង្គន់ និងបន្ទប់ទឹកឯកជន ទំនើបជាងបន្ទប់សណ្ឋាគារប្រអប់ទៅទៀត។

២. ប្រទេសហូល្លង់

រូបភាព https://dime.jp/genre/843803/

សណ្ឋាគារនេះមានទីតាំងស្ថិតនៅទីក្រុង Amsterdam  ប្រទេសហូឡង់មានរចនាបថទំនើប។

បន្ទាប់ពី check-in អ្នក​នឹងទទួល​បាន​ខ្សែដៃមួយជាសោបន្ទប់របស់អ្នកផងដែរ។ ខ្សែដៃថែម​ទាំង​ជួយ​អោយអតិថិជនអាចប្រើសេវាកម្មក្នុងសណ្ឋាគារដូចជាបារគ្រាន់តែប្រើលេខកូដដើម្បីទូទាត់ដោយស្វ័យប្រវត្តិ។

រូបភាព Ảnh: https://dime.jp/genre/843803/

គ្រែក្នុងបន្ទប់ជួយអោយ​អតិថិជន​អាច​សម្រាកយ៉ាងស្រួល មិន​ត្រឹម​តែ​ប៉ុណ្ណឹងអ្នក​អាចជ្រើសរើសពណ៌អំពូលភ្លើងក្នុង​បន្ទប់គេងដែលខ្លួន​ចូលចិត្ត។

៣. ប្រទេសជប៉ុន

រូបភាព https://dime.jp/genre/843803/

សូម្បីតែកន្លែងកំណើតនៃសណ្ឋាគារប្រអប់នៅប្រទេសជប៉ុនក៏កំពុងកែលម្អសេវាកម្ម និង​ផាសុកភាពអោយកាន់​តែប្រសើរឡើងដែរ។ ពេលក្រឡេកមើលការរៀបចំបន្ទប់សណ្ឋាគារខាងលើអ្នកប្រហែលជាគិតថាខ្លួននៅលើយានអវកាស។

៤. ប្រទេសរុស្ស៊ី

បន្ទាប់គេងប្រអប់ដូចនៅលើយានអវកាស។

រូបភាព https://dime.jp/genre/843803/

មុខងារឧបករណ៍កំដៅ អំពូល​ភ្លើង និងទូរទស្សន៍សុទ្ធតែ​អាចបញ្ជាដោយគ្រាន់តែប៉ះប៊ូតង់។ នៅក្នុង​បន្ទប់​សណ្ឋាគារប្រអប់មានបំពាក់​កន្លែងផឹក​ស្រា កាហ្វេ និងបោកគក់ជាដើម។

ភាពរីកចម្រើននៃប្រភេទសណ្ឋាគារប្រអប់ផ្តល់អោយអតិថិជននូវជម្រើសកាន់តែច្រើនចំពោះកន្លែងស្នាក់នៅ។ បើអ្នកគ្រាន់តែត្រូវការកន្លែងគេងសណ្ឋាគារប្រអប់ជាជម្រើសដ៏ល្អសម្រាប់ដំណើរកំសាន្តរបស់អ្នក។

Kengo Abe