ទំព័រដើម
Japo- ថ្ងៃនេះ
តាមពិតល្បែងវាយសីជប៉ុនលេងដើម្បីកុំអោយមូសខាំ

តាមពិតល្បែងវាយសីជប៉ុនលេងដើម្បីកុំអោយមូសខាំ

ថ្ងៃចន្ទ 10/02/2020 | 11:17 ព្រឹក

តើអ្នកធ្លាប់លេងល្បែង 羽子板 (Hagoita) ដែរទេ? ស្រដៀងនឹងល្បែងវាយសី។ ដងរ៉ាកែតវាយសី និងសីសុទ្ធតែធ្វើពីឈើ។ របៀបលេងវាយសីទៅមករវាងមនុស្សពីរឬច្រើននាក់ដើម្បីកុំអោយធ្លាក់ដល់ដី។

រូបភាព https://mag.japaaan.com/archives/85162

បច្ចុប្បន្នខ្ញុំមិនសូវឃើញអ្នកលេងល្បែងនេះទេ ប៉ុន្តែកាលពីក្មេងនេះជាល្បែងដែលគេលេងពេលចូលឆ្នាំថ្មី។ អោយតែឳកាសបុណ្យចូលឆ្នាំមកដល់ប្រាកដជាឮសម្លេងដងរ៉ាកែតវាយសីតាមផ្លូវ រហូតក្លាយជាលក្ខណៈពិសេសនៃថ្ងៃឆ្នាំថ្មី។

ប្រសិនបើអ្នកបណ្តោយអោយសីធ្លាក់ចុះមិនត្រឹមតែចាញ់មួយពិន្ទុប៉ុណ្ណោះទេ ថែមទាំងត្រូវពិន័យគូរលើមុខមួយស្នូតខ្មៅផងដែរ។ ក្មេងខ្លះទៅលេងវាយសីពេលត្រឡប់មកផ្ទះមុខឡើងខ្មៅ។

ប្រភពដើមនៃល្បែងនេះគឺមកពីប្រទេសចិនប្រហែលជា ១០០០ ឆ្នាំមុន គេលេងក្នុងគ្រួសារអភិជន បន្ទាប់មកទើបពេញនិយមចំពោះប្រជាជនធម្មតា។ ក្រោយពេលចូលមកប្រទេសជប៉ុនមានការផ្លាស់ប្តូរបន្តិចបន្តួច។ សីត្រូវបានគេធ្វើពីគ្រាប់ដើម Mokuroji ជាប្រភេទឈើដែលគេដាំច្រើននៅទីសក្ការៈបូជា វត្ត -ល- ។ ឈ្មោះរបស់ Mokuroji សរសេរជាតួអក្សរហានគឺ 無患子 មានន័យថាក្មេងប្រុសម្នាក់មានសុខភាពល្អ និងគ្មានជំងឺ។

លើសពីនេះរោមសត្វជាប់លើសីដូចជាស្លាបកន្ទមរុយព្រោះប្រភេទសត្វនេះចូលចិត្តសុីមូស។ ដូច្នេះគេនិយាយតគ្នាថាអោយក្មេងលេងវាយសីកុំអោយមូសខាំ។