ហេតុអ្វីបានជាកន្លែងលក់បន្លែនៅជប៉ុនគេហៅថា “តូប ៨០០ (Yao-ya)” ?

ថ្ងៃអាទិត្យ 09/02/2020 | 20:31 ល្ងាច

មិនត្រឹមតែជនបរទេសរៀនភាសាជប៉ុនប៉ុណ្ណោះទេ សូម្បីតែជនជាតិជប៉ុនដែលរៀនភាសាជប៉ុនមួយចំនួនក៏មិនយល់ផងដែរ។ តោះស្វែងយល់អំពីពាក្យមួយចំនួនក្នុងភាសាជប៉ុន។

តូបលក់បន្លែ (八百屋) – តូប ៨០០

រូបភាព https://all-guide.com/八百屋/

នៅជប៉ុនតូបត្រី (魚) គេហៅថាតូបត្រី (魚屋) តូបលក់នំ (パン) គេហៅថាតូបនំ (パン屋) ហេតុអ្វីបានជាតូបលក់បន្លែ (野菜) មិនហៅថា 野菜屋 បែរជាហៅថា 八百屋 – តូប ៨០០ ?

ជនជាតិជប៉ុនពីបុរាណហៅបន្លែថា Ao-mono (ដែលមានពណ៌បៃតង) ពីព្រោះក្នុងភាសាជប៉ុនមិនបែងចែកពណ៌បៃតង និងខៀវទេ។ នេះជាមូលហេតុភ្លើងចរាចរណ៍នៅជប៉ុនទោះបីមានពណ៌បៃតង ប៉ុន្តែគេហៅថា Aoi ។ ដូច្នេះតូបលក់បន្លែគេហៅថា 青物屋 (Aomono- ya) បន្ទាប់មកក្លាយទៅជាពាក្យ Ao-ya ។ ព្រោះតែអានលឿនពេកទៅជាពាក្យ Yao-ya ដូចជារបៀបអានសព្វថ្ងៃ។ ទោះជាយ៉ាងណា របៀបសរសេរក៏ប្តូរ ហើយអត្ថន័យជាក់លាក់។

លេខ ៨ ចំពោះជនជាតិជប៉ុនគឺជាលេខសំណាង រីឯ ៨០០ មានន័យថា “ ច្រើនណាស់” ។ ដោយសារតែតូបបន្លែនៅជប៉ុនមានមើមច្រើនប្រភេទទើបគេហៅថា “តូប ៨០០” ។

ពាក្យ “Ra” ក្នុង Hiragana មានតិច

រូបភាព https://www.voice-produce.com/blog/4500

ភាសាជប៉ុនផ្សំឡើងដោយអក្សរ Hiragana រៀបពីជួរ “A” ជួរ “Ka” រហូតដល់ពាក្យ “Ra” ។ ជួរ “Ra” រួមបញ្ចូលទាំង ៥ តួអក្សរគឺ Ra, Ri, Ru, Re និង Ro ។

នៅពេលស្វែងរកពាក្យជប៉ុនដោយមិនដឹងពីអត្ថន័យក្នុងវចនានុក្រមអ្នកអាចរកដោយរបៀបនេះ។ ឧទាហរណ៍បើមិនយល់អត្តន័យពាក្យ “愛” (Ai) យើងអាចរកតាមជួរអក្សរ “A” ។

ក្នុងមួយជួរៗមានពាក្យច្រើន ដោយឡែកពាក្យ “Ra” មានតិច។ នេះជាបញ្ហានៃអក្សរជប៉ុនបុរាណ។ ភាសាជប៉ុនបុរាណហៅថា 和語 (wago) ឬ 大和言葉 (Yamato kotoba) គ្មានពាក្យណាចាប់ផ្តើមពីពាក្យ “Ra”។ ពាក្យ “Ra” ពាក្យកម្ចីពីបរទេស។

“々” អានយ៉ាងដូចម្តេច?

រូបភាព https://tokyofromtheinside.com/5-interesting-facts-about-the-kanji-iteration-mark-々/

អ្នកឃើញពាក្យជប៉ុនជាច្រើនដែលមានតួអក្សរនេះ ប៉ុន្តែតើអ្នកចេះអានដែរទេ? ឧទាហរណ៍ 佐々木 អានថា Sasaki ចុះពាក្យ 々អានថា “sa” បានទេ?

ពាក្យ 代々木 ត្រូវអានថា Yoyogi ។

តាមពិតនេះជានិមិត្តសញ្ញាបង្ហាញពីសម្លេងរបស់ពាក្យមុន ដូច្នេះមិនមានការបញ្ចេញសម្លេងជាក់លាក់ចំពោះតួអក្សរនេះទេ។ ឬគេអាចហៅថា “តួអក្សរលម្អ” ពិសេសណាស់ក្នុងភាសាជប៉ុន។

ក្រៅពីនេះ ពេលបញ្ចូលពាក្យ どう (dou) ឬ くりかえし (Kurikaesu) ក្នុងកុំព្យួទ័រនឹងបង្ហាញសំណូមពរ ពិតណាស់ការបញ្ចេញសំឡេងនេះមិនប្រាកដថាត្រូវទេ គ្រាន់តែងាយស្រួលជាង។

二枚目（にまいめ）- Nimaime

រូបភាព https://shikitari.net/shikitari/numer/two/10475/

ពាក្យ Nimaime គឺជាពាក្យសំដៅលើបុរសសង្ហា។ ចំណែកពាក្យ Sanmaime សំដៅលើអ្នកដែលកំប្លែង ចុះចំណែកពាក្យ Ichimaime ជាអ្វី? តើអ្នកដឹងពីប្រភពដើមនៃការអានពាក្យទាំងនេះទេ?

នេះជាពាក្យមាននៅលើ Poster Kabuki ។ ពាក្យ Ichimaime សំដៅលើតារាសម្តែងដែលបង្ហាញខ្លួនដំបូងក្នុងល្ខោន Kabuki តួអង្គទី ២ ភាគច្រើនជាតួឯកប្រុសដែលមានរូបសម្បតិ្តស្រស់សង្ហា ដូច្នេះទើបមានពាក្យ Nimaime ។ មនុស្សជាច្រើនដែលមកមើល Kabuki មិនមែនដោយសារអ្នកសម្តែងដំបូង ប៉ុន្តែដោយសារអ្នកបង្ហាញខ្លួនទី ២ ។ ចំណែកអ្នកទី ៣ មានតួនាទីធ្វើឲ្យអស់សំណើចហៅថា Sanmaime ។

総スカン (Sousukan) គឺជាពាក្យអង់គ្លេស?

រូបភាព http://studywalker.jp/skillup/article/163858/

ពាក្យ Sousukan សំដៅលើមនុស្សដែលអ្នករាល់គ្នាស្អប់។ ដោយសារគេសរសេរ Katakana ទើបមនុស្សជាច្រើនគិតថានេះជាពាក្យកម្ចី តាមពិតជាភាសាជប៉ុនពីដើម។

ពាក្យដំបូង Kanji 総 មានន័យថា “និយាយរួម ជាទូទៅ” ។ ចំណែកពាក្យក្រោយមកទៀត Sukan មានប្រភពពី 好かん(មិនចូលចិត្ត) ។ ប្រភពពាក្យនេះមកពីតំបន់ Kansai ។

ពាក្យឥន្ធនូ (虹) ហេតុអ្វីបានជាមានសត្វល្អិត (虫) ?

រូបភាព https://weathernews.jp/s/topics/201809/110055/

ពន្លឺឥន្ធនូលើផ្ទៃមេឃគឺជាទិដ្ឋភាពដ៏ស្រស់ស្អាតបំផុត Kanji នៃពាក្យនេះរួមទាំង Mushi (សត្វល្អិត)។

ដូចជាឈ្មោះប្រភេទរុក្ខជាតិ 木 ចំណែកប្រភេទត្រី 魚 ។ តើឥន្ធនូ និងសត្វល្អិតមានអ្វីទាក់ទងគ្នា? ជនជាតិជប៉ុនជឿថាឥន្ទធនូដូចជានាគ ស្ថិតក្នុងប្រភេទពស់ ពាក្យ Kanji (蛇) រួមទាំងសត្វល្អិត (虫) ។

អាវសឺមី (ワイシャツ)