ជីវិត​ស្រ្តី​ជប៉ុនក្រាយ​ពេល​​លែង​លះត្រូវ​ប្រឈមបញ្ហាគ្មានការងារធ្វើ​បង្ខំ​ចិត្ត​លក់​ខ្លួន

មាន​​ហេតុផល​ និង​ស្ថាន​ភាព​ខុស​គ្នាដែល​ធ្វើ​អោយស្រ្តីជ្រើសលែងលះរស់​នៅ​ម្នាក់​ឯង។

ទោះបីគោលដៅរបស់នាយករដ្ឋមន្រ្តីជប៉ុននៅឆ្នាំ ២០២០ អោយស្រ្តី​កាន់​ដំ​ណែង​ជាអ្នក​ដឹក​នាំមាន​ចំ​នួន​ ៣០% ប៉ុន្តែ​តាម​ពិត​ស្រ្តី​ដែល​រៀបការត្រូវ​ធ្វើ​ការ​ក្រៅ​ម៉ោង​ ទទួល​​ប្រាក់ខែ​ទាប ហើយមិន​នឹង​នរ។ ស្រ្តី​ក្រោយពេល​សម្រាលចង់​មើល​ថែកូន និង​គ្រួ​សារត្រូវ​លះ​បង់​ការងារពេញ​ម៉ោង អ្នក​ទាំង​នេះ​ច្រើន​តែ​មាន​ប្រាក់​ខែ​ទាបណាស់​!

ទោះបីក្រសែភ្នែក​សង្គម​យល់យ៉ាង​ណាឬខុស​ច្បាប់ កា​រងារបម្រើផ្លូវ​ភេទ មជ្ឈមណ្ឌលម៉ាស្យា សណ្ឋាគារស្នេហាកំ​ពុង​តែ​កើន​ឡើង។ មានស្ត្រីជាច្រើនរស់នៅក្នុងស្ថានភាពលំបាកហើយនេះគឺជាការងារដែលងាយស្រួលសម្រាប់ស្រ្តី​គ្មាន​ការ​ងារ។

រូបភាព https://renai-sippai.info/rikonsite-kokai/

ស្រ្តីម្នាក់​ឈ្មោះ Yamauguchi អាយុ ៤៥ ឆ្នាំជាគិលានុបដ្ឋាយិកាធ្វើការនៅមន្ទីរពេទ្យនិយាយ​ថា “ធ្វើជាគិលានុបដ្ឋាយិកា​ប្រាក់ខែតិចណាស់ ហើយ​ត្រូវ​បំ​ពេញ​ការ​ងារដែល​គេ​ប្រគល់​អោយ ប៉ុន្តែធ្វើជាស្រីពេស្យាពេលវេលាសេរី មាន​ពេលទំនេរច្រើន ចង់​ធ្វើការពេលណា​ក៏​បានទោះថ្ងៃឬយប់”។ នាងចាប់​ផ្តើមធ្វើ​ការ​ងារនេះ​ប្រហែលមួយ​ឆ្នាំហើយដោយសារគ្រួសារជួបការលំបាក ហើយប្តីរបស់នាងគ្មានការងារធ្វើ។

អ្នកជំនាញសន្និដ្ឋានថា៖ ប្ដីគ្មានការងារធ្វើ លែងលះគ្នា ជំពាក់បំណុល គឺជាមូលហេតុដែលស្ត្រីធ្លាក់ក្នុងភាពក្រីក្រ ការ​ចំ​ណាយ​ប្រចាំថ្ងៃមាន​ច្រើន ពួកគេ​ត្រូវ​លក់ខ្លួនដើម្បី​ផ្គត់​ផ្គង់ជីវភាព​គ្រួ​សារ។

លោក Akiko Suzuki អ្នក​ជំនាញចិត្តវិទ្យាប្រធានប្រឆាំងភាពក្រីក្រស្ថិត​នៅ Kangawa យល់ថាសន្តិសុខសង្គម ធានារ៉ាប់រង និង​ប្រាក់ឧបត្ថម្ភសម្រាប់​ស្រ្តីជប៉ុនភ្ជាប់ជាមួយ​ការ​ងាររបស់​ប្តី “ប្រសិនបើលែងលះគ្នាស្ត្រីទាំងនេះនឹងទទួលបានប្រាក់ឧបត្ថម្ភតិច”។

ដោយសារមូល​ហេតុ​នេះការលក់​ខ្លួន​បាន​ក្លាយជា​ដំ​ណោះ​ស្រាយ​ល្អបំ​ផុត​សម្រាប់​ស្រ្តីដែល​លែង​លះឬប្តី​គ្មាន​ការ​ងារធ្វើ ដើម្បី​ទទួលយក​ការ​ងារនេះ​ស្រ្តី​ជប៉ុន​ត្រូវ​ប្រឈមនឹងបញ្ហា​​បៀតបៀនផ្លូវភេទ រំលោភសេពសន្ថវៈ រូបភាព​ត្រូវ​បែក​ធ្លាយ​លើ​ប្រពន្ធអុីនធឺណែត និង​ឆ្លងជំងឺកាមរោគ។

ម្ចាស់​ហាង​ដើម្បី​ធានាសុវត្ថិភាពបុគ្គលិក​ស្រី​ពេស្យាហាម​ឃាត់​ពួកគេ​មិន​អោយយកអត្តសញ្ញាណប័ណ្ណ និង​លេខទូរស័ព្ទពេលទទួល​ភ្ញៀវ។ ទោះជាយ៉ាង​ណា​ស្រី្តពេស្យានៅតែ​ក្លាយជាជន​រងគ្រោះនៃបទឧក្រិដ្ឋកម្ម ហើយ​មិន​មែន​មនុស្ស​គ្រប់​គ្នាក្នុង​សង្គម​សុទ្ធតែ​អាណិត​ និងមើល​ពួកគេ​ក្នុង​ផ្លូវ​ល្អ​ទេ។

គំនិតរើសអើងស្រ្តី​លក់​ខ្លួន​សុី​ជម្រៅក្នុង​ចិត្តមនុស្សមួយ​ចំនួន។ តើយើងត្រូវចាត់​វិធាន​ការណ៍អ្វី​ដើម្បីកាត់​បន្ថយ​ភាព​ក្រី​ក្រក្នុង​សង្គម​ជួយ​ស្រ្តី​ដែល​ត្រូវ​បង្ខំ​ចិត្ត​លក់​ខ្លួន។

AD

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: