បន្ទប់ជួលស្ថិតក្រោម​ផ្លូវដែក​ដំណោះស្រាយកង្វះសណ្ឋាគារសម្រាប់រដូវកាលកីឡាអូឡាំពិកនៅប្រទេសជប៉ុន

នៅឆ្នាំ ២០២០ សល់​តែ​ប៉ុន្មានខែទៀតប៉ុណ្ណោះ ព្រឹត្តិការណ៍ដ៏អស្ចារ្យសម្រាប់ប្រជាជនជប៉ុនគឺ Tokyo Olympic នឹងចាប់ផ្តើមជាផ្លូវការ។ ប្រទេសជប៉ុនកំពុងធ្វើការកែលំអហេដ្ឋារចនាសម្ព័ន្ធដើម្បីឆ្លើយតបទៅនឹងតម្រូវការក្នុងព្រឹត្តិការណ៍នេះ ប៉ុន្តែអ្វីដែលគួរអោយខ្វល់គឺកង្វះសណ្ឋាគារព្រោះចំនួនភ្ញៀវទេសចរណ៍កើនឡើងច្រើន។

នេះជាឳកាសល្អសម្រាប់​ទីក្រុង​តូក្យូដែល​ទទួល​បាន​ភ្ញៀវទេសចរណ៍ច្រើន​ ប៉ុន្តែក៏ជាបញ្ហាប្រឈមដោយសារទីក្រុង​តូក្យូ​អាច​នឹងខ្វះ​កន្លែងស្នាក់​នៅ។

រូបភាព https://xtrend.nikkei.com/atcl/contents/watch/00013/00764/?n_cid=nbpnxr_fbed_bn

រថភ្លើងនៅជប៉ុន​ធ្វើ​ដំ​ណើរតាម​ផ្លូវ​ក្រោម​ដី​ឬនៅពីលើដើម្បីកុំអោយស្ទះផ្លូវរថយន្តនិងអ្នកថ្មើរជើង។ ចំពោះដីទំនេរនៅខាងក្រោម​គេ​ប្រើសម្រាប់សេវាកម្មមាន​ឈ្មោះថា UNDER RAILWAY HOTEL AKIHABARA ។

សេវាកម្ម​នេះ​ផ្តល់ជូននៅ Akihabara គឺជាកន្លែងក្នុង​ក្តីស្រមៃរបស់អ្នក​គាំទ្រ Manga Anime ទាំងក្នុង​ និង​ក្រៅ​ប្រទេស។ កាល​ពី​មុន​កន្លែងនេះ​ល្បីជាមជ្ឈមណ្ឌលពាណិជ្ជកម្មបច្ចេកវិទ្យាអេឡិចត្រូនិច ទីតាំងល្អ មាន​ប្រជាជនរស់​នៅ​ច្រើនកុះករ។ ដោយដឹងថាក្នុង​មួយ​ថ្ងៃមានអ្នកធ្វើដំណើរប្រមាណ ៧ សែននាក់ចូលរួមចរាចរណ៍។

គ្មានអ្នក​ដំ​ណើរណាមួយចង់​ស្នាក់​នៅ​ក្រោម​ផ្លូវដែក​ទេ ព្រោះអាច​នឹង​បង្កការរំ​ខានដោយសារសម្លេងរថភ្លើងធ្វើ​ដំ​ណើរឆ្លងកាត់។ យើងនឹង​ក្រឡេក​មើលរូបភាព​ទាំងអស់​គ្នា។

ជាដំ​បូង​គឺ​កន្លែងទទួល​ភ្ញៀវ

រូបភាព https://xtrend.nikkei.com/atcl/contents/watch/00013/00764/?n_cid=nbpnxr_fbed_bn

បរិយាកាសនាំមក​នូវ​អារម្មណ៍ល្អប្រណីត កន្លែងទទួល​ភ្ញៀវមានភ្ជាប់មកជាមួយហាងកាហ្វេផងដែរ។ អ្នក​យកសោបន្ទប់នៅទីនេះរួចដើរត្រឡប់ទៅទទួលបន្ទប់ស្នាក់​នៅ។

រូបភាព https://xtrend.nikkei.com/atcl/contents/watch/00013/00764/?n_cid=nbpnxr_fbed_bn

ការរចនានាំមកនូវ​អារម្មណ៍សុវត្ថិភាព បន្ទប់ធំទូលាយ ហើយមានផាសុខភាព។

រូបភាព https://xtrend.nikkei.com/atcl/contents/watch/00013/00764/?n_cid=nbpnxr_fbed_bn

បន្ទប់នេះអាចផ្ទុកភ្ញៀវបាន ៦ នាក់ក្នុងតម្លៃ ២៤.០០០ យ៉េនមួយយប់។ ប្រសិន​បើចូលលុយគ្នាតម្លៃនេះពិតជា​សម​រម្យណាស់។

រូបភាព https://xtrend.nikkei.com/atcl/contents/watch/00013/00764/?n_cid=nbpnxr_fbed_bn

បន្ទប់​គេង​ផ្តល់ឱ្យភ្ញៀវមានអារម្មណ៍រីករាយ ស្រស់ស្រាយមានផាសុខភាព។ ប្រភេទបន្ទប់ដែលមានគ្រែពីរជាន់អាចផ្ទុកភ្ញៀវបានរហូតដល់ទៅ ៧ នាក់។

រូបភាព https://xtrend.nikkei.com/atcl/contents/watch/00013/00764/?n_cid=nbpnxr_fbed_bn

ថ្វីត្បិតតែកន្លែងស្នាក់​នៅតូច ប៉ុន្តែ​បន្ទប់​ទឹក និងបង្គន់មានផាសុកភាពល្អ។

រូបភាព https://xtrend.nikkei.com/atcl/contents/watch/00013/00764/?n_cid=nbpnxr_fbed_bn

ចុះសម្លេង​រំ​ខាន​របស់​រថភ្លើងវិញ? ជញ្ជាំងនៅកន្លែងនេះអាចជួយកាត់​បន្ថយ​សម្លេងរំខាន។ ទោះជាយ៉ាងណាសណ្ឋាគារនៅតែរៀបចំកាសបិទត្រចៀកសម្រាប់​ភ្ញៀវផងដែរ។

គោលដៅនៃគំរូសណ្ឋាគារនេះគឺដើម្បីទាក់ទាញភ្ញៀវទេសចរណ៍បរទេស។ ចំពោះព្រឹត្តិការណ៍កីឡាអូឡាំពិកនាពេល​ខាងមុខ​សណ្ឋាគារអាចនឹងខ្វះ។ វិធីនេះត្រូវ​គេ​ចាត់​ទុកជាដំណោះស្រាយអាជីវកម្មដែលមានសក្តានុពលសម្រាប់កង្វះខាតកន្លែងស្នាក់​នៅ ខ្ញុំ​សង្ឃឹម​ថាមាន​ការប្រកួតប្រជែងតម្លៃ ហើយ​សេវាកម្ម​សណ្ឋាគារមាន​តម្លៃថោកនឹង​កាន់តែច្រើនឡើង។

Kengo Abe