ប្រជាជនជប៉ុនជាង ៧០% កំពុងតែធ្វើបាបខ្លួនដោយសារទម្លាប់ពាក់​ម៉ាស – ចែករំលេកអំពី​របៀបពាក់ម៉ាសអោយ​បាន​ត្រឹមត្រូវដើម្បីការពារខ្លួនអ្នក

បច្ចុប្បន្នពិភពលោក​ទាំងមូលកំ​ពុងតែ​ប្រឈមនឹងវីរុសប្រភេទថ្មីដែលមានឈ្មោះបច្ចេកទេសហៅថា 2019-nCov គឺជាមេរោគផ្លូវដង្ហើមមានប្រភពមកពីទីក្រុងវូហានប្រទេសចិន។ អ្នកជំនាញ​សុខាភិបាលចិនបានស្រាវជ្រាវរកឃើញមេរោគនេះកាលពីចុងខែធ្នូក្រោយពេលដែលមានមនុស្ស​ជាច្រើននាក់ធ្លាក់ខ្លួនឈឺផ្ទួនៗគ្នា។ អាជ្ញាធរចិនសន្និដ្ឋានថាមេរោគនេះចេញឆ្លងពីសត្វដែលគេលក់នៅផ្សារមួយកន្លែងនៅក្រុងវូហាន​។

ជំងឺនេះមិនដូចជាជំងឺផ្តាសាយធម្មតាទេ វាអាចនឹងមាន​គ្រោះថ្នាក់ដល់ជីវិតផងដែរ។

ដូច្នេះប្រជាជន​នាំគ្នាពាក់ម៉ាស មិន​ត្រឹម​តែ​ដើម្បី​ការពារធូលី លំអង់មេរោគ​ប៉ុណ្ណោះទេ ថែម​ទាំងការពារសុខភាពរបស់អ្នក។

ទោះជាយ៉ាង​ណាយើងអាច​នឹងភាន់ច្រឡំពីរបៀបពាក់​ម៉ាស តើត្រូវ​ពាក់​ម៉ាសយ៉ាងណាអោយ​បាន​ត្រឹម​ត្រូវដើម្បីការពារសុខភាពរបស់អ្នក?

របៀបពាក់​ម៉ាស

ជំហានទី ១៖ បត់គែមម៉ាសតាម​ទម្រង់ខ្ទង់ច្រមុះ (មិន​ត្រូវ​ប៉ះម៉ាសផ្នែកខាងក្នុងព្រោះអាចចម្លងវីរុស)។

ជំហានទី ២៖ ពាក់​ម៉ាសស្រប​តាម​ខ្ទង់​ច្រមុះ បន្ទាប់​មក​ពាក់​ខ្សែម៉ាសចូលត្រចៀក។

ជំហានទី ៣៖ កែសម្រួល​គែមអោយសមនឹងទម្រង់ច្រមុះ

ជំហានទី ៤៖ ទាញ​ម៉ាសផ្នែក​ខាង​ក្រោមអោយគ្របចង្កា

របៀបយកចេញ

ជំហានទី ១៖ ចាប់​យក​ខ្សែ​ម៉ាសទាំងសងខាងដើម្បី​យក​ចេញ

ជំហានទី ២៖ ចោលក្នុងធុងសំរាម

រូបភាព store.shopping.yahoo.co.jp

ពិសេសចំពោះអ្នកដែលពាក់វ៉ែនតាខ្សល់​ដង្ហើម​ងាយ​នឹង​ជាប់លើកញ្ចក់ ដូច្នេះមនុស្ស​មួយ​ចំនួន​មាន​ទម្លាប់ទាញម៉ាសចុះ​មក​ក្រោម​ច្រមុះឬចង្កា។ នេះពិតជាកំហុសដ៏ធំមួយដែលមនុស្សជាង ៧០% ធ្វើមិនដឹងខ្លួន។

រូបភាព hiroki-suzuki.com

វិធីសាស្រ្តមួយចំនួនសម្រាប់អ្នកដែល​ពាក់​ម៉ាសតែជាប់វ៉ែនតា

វិធីទី ១៖​ បត់ម៉ាសផ្នែក​ខាងលើរួចពាក់វ៉ែនតាធម្មតា

វិធីទី ២៖ ដាក់​ក្រដាសជូតមាត់នៅខាងក្នុង

តែប៉ុណ្នេះអាចដោះស្រាយ​បញ្ហាទាំងនេះ​បានហើយ។

បន្ទាប់មកទៀតរបៀបយកម៉ាសចេញ ត្រូវចាំថាទាញ​ម៉ាសចុះ​មក​ក្រោម​ចង្កាមិន​ល្អទេព្រោះវាអាចនាំយក​មេរោគដែល​ជាប់​នៅផ្នែក​ខាងក្រៅ។ ដូច្នេះដំបូន្មានរបស់វេជ្ជបណ្ឌិតគឺត្រូវកាន់ខ្សែម៉ាសទាញចេញថ្នមៗរួចបោះវាក្នុង​ធុង​សំ​រាម។

មើលទៅសាមញ្ញតែងាយនឹងខុសណាស់មែន​ទេ?

រូបភាព kuchi-lab.com

ចុះអ្នក​វិញ? ប្រសិន​បើ​អ្នក​កំពុងតែពាក់​ម៉ាសខុស សូមកែទម្លាប់ដើម្បី​ការពារខ្លួន។

Chee