ក្រុមហ៊ុនជប៉ុន​គ្រោងផលិតយន្តហោះបើក​ដោយ​ស្វ័យ​ប្រវត្តិនាពេលអនាគត

នៅឆ្នាំ ២០២២ រដ្ឋាភិបាលជប៉ុនគ្រោងនឹងធ្វើប្រតិបត្តិការចុះបញ្ជីយន្តហោះបើក​ដោយ​ស្វ័យ​ប្រវត្តិ (drone) គោល​បំណងសម្រួល​ដល់​សេវាកម្ម​ដឹក​ជញ្ជូនទំនិញ។

រូបភាព NHK

ក្រុមហ៊ុន​ SkyDrive បាន​ផលិត​យន្តហោះបើក​ដោយ​ស្វ័យ​ប្រវត្តិអាចដឹកឥវ៉ាន់ធ្ងន់ៗ ។ យន្តហោះបើក​ដោយ​ស្វ័យ​ប្រវត្តិនេះមានបណ្តោយ ១,៣ ម៉ែត្រ និងទទឹង ១,៧ ម៉ែត្រ អាចហោះដឹកឥវ៉ាន់មាន​ទម្ងន់ ៣០ គីឡូ យើងអាច​ទម្លាក់​​កញ្ចប់​ទំនិញចុះដោយ​គ្រាន់​តែ​ប្រើ​ខ្សែ។ ក្រុម​ហ៊ុន​ប្រើយន្តហោះបើក​ដោយ​ស្វ័យ​ប្រវត្តិដើម្បីដឹក​ជញ្ជូន​ទំនិញ​ទៅកន្លែងដែល​ពិបាកដឹក​ទៅដល់។ ប៉ុន្តែសេវាកម្មដូចជាការដឹកជញ្ជូនមិន​ទាន់ត្រូវ​បាន​សាកល្បងនៅឡើយទេ ម៉្យាងយានយន្តប្រភេទ​នេះ​ត្រូវ​ហាម​ឃាត់នៅតំបន់​ដែល​មាន​មនុស្ស​ច្រើនបើគ្មាន​ការអនុញ្ញាត។ នៅប្រទេសជប៉ុន​សហគមន៍អាជីវកម្ម​កំពុងអំពាវនាវឱ្យរដ្ឋាភិបាលបង្កើតយន្តការស្រដៀងនេះ។

រូបភាព https://www.pinterest.com/

កាលពីខែមុនសាខាផ្សារទំនើប Seiyu សហការជាមួយ​គេហទំព័រអេឡិចត្រូនិចឈ្មោះ Rakuten ដើម្បី​បញ្ចូល​សេវាកម្ម​​ដឹកជញ្ជូន​ដោយប្រើ​យន្ត​ហោះ drone ដឹកទៅដល់កោះដាច់ស្រយាល។ ទន្ទឹមនឹងនេះ SkyDrive បានកំណត់​គោល​​ដៅប្រើយន្តហោះ drone ដើម្បីដឹក​ជញ្ជូនកញ្ចប់ប្រៃសណីយទៅតំបន់ភ្នំ និងតំបន់ដែលមានប្រជាជនរស់នៅតិច។

ហេតុ​នេះពួកគេបានចាប់ផ្តើមពិសោធឧបករណ៍ដឹកជញ្ជូននៅការដ្ឋានសំណង់តំបន់ភ្នំខេត្ត Aichi ។ យោងតាមអ្នកនាំពាក្យរបស់ SkyDrive នាពេលអនាគតពួកគេចង់ផលិតយន្ដហោះបើក​ដោយ​ស្វ័យ​ប្រវត្តិអាចផ្ទុក ១០០ គីឡូសម្រាប់គោលបំណងពាណិជ្ជកម្ម។

Do Manh Tai