តារាម៉ូដែល​ស្រីមួយរូបប្រកាសលែងប្តីព្រោះតែ​មិន​ផ្តល់​ប្រាក់អោយនាងចាយគ្រប់​គ្រាន់

ថ្ងៃ​ចន្ទ 03/02/2020 | 22:39 ល្ងាច

តារាម៉ូដែលស្រីជនជាតិជប៉ុនម្នាក់​ឈ្មោះ Kato Sari ប្រកាសលែងលះជាមួយអ្នក​គ្រប់​គ្រងក្រុមហ៊ុនអចលនទ្រព្យនៅលើ Youtube ក្រោយរយៈពេល ៣ ខែស្រលាញ់ហើយរៀបការ។

ព័ត៌មាន​ជាច្រើន​បាន​អោយ​ដឹងថា Kato ចំណាយ​អស់ប្រាក់ ១០០ លាន​យ៉េនពីប្តីមុនពេលរៀបការ ហើយ​បុរសអ្នក​មានអាយុ ៣៦ ឆ្នាំម្នាក់​នេះក៏បានទិញចិញ្ចៀនរៀបការអោយ​នាងមានតម្លៃដល់ទៅ ៣ លានយ៉េននៃ Harry Winston ។

តារាម៉ូដែលរូបនេះចំណាយអស់ប្រាក់​របស់ស្វាមីទៅលើការទិញទំនិញម៉ាកល្បីដូចជាកាបូបរចនាដោយផ្ទាល់ សម្លៀកបំពាក់ និង​រថយន្តម៉ាក “fancy” ។ រហូតដល់ថ្នាក់ក្រោយពេលរៀបការប្តីរបស់នាងត្រូវសុំ Kato អោយកាត់បន្ថយការចំណាយព្រោះក្រុមហ៊ុនជួបការលំបាកផ្នែកហិរញ្ញវត្ថុ។ នាង​មិន​ត្រឹម​តែមិន​ចេះយោគយល់​ប្តី ថែម​ទាំងសម្តែងអារម្មណ៍​ខកចិត្ត និង​ខឹង​ខ្លាំង​ផង​ដែរ។ តារាម៉ូដែលមិន​យល់ហេតុអ្វីបុរសជាប្តីអោយ​ចាយ​ដោយសេរីពេលកំពុងស្រលាញ់គ្នា ប៉ុន្តែបែរជារឹតត្បិតនឹង​នាងក្រោយ​ពេល​រៀប​ការ។

នាង​និយាយថា “តើមូល​ហេតុ​មក​ពី​ពួកយើងរៀប​ការរួចឬ? ឬគាត់​គ្រាន់តែបោកខ្ញុំព្រោះតែ​ក្រដាសប៉ុន្មានសន្លឹក?”

https://www.instagram.com/katosari/?utm_source=ig_embed

ទីបំផុតប្តីប្រពន្ធនេះបានសម្រេចលែងលះនៅថ្ងៃទី ១០ ខែមករា។ មុនពេលលែងលះគ្នា Kato បានលើកឡើងម្តងហើយម្តងទៀតថានាងមិនចាប់អារម្មណ៍នឹងបុរសក្រឡើយ។

មុន​នេះនាងធ្លាប់​អះអាងថា “ប្រាក់​អាច​ទិញសុភមង្គល” ហើយក៏បានបង្ហើបថា “រៀបការដើម្បី​ប្រាក់” អ្នក​លេង​អុីន​ធឺណេតជាច្រើនរិះគន់ចំពោះទង្វើរបស់នាង។ ប៉ុន្តែ Kato បកស្រាយនេះគឺជាការដោះដូរស្មើភាពនៅក្នុងអាពាហ៍​ពិពាហ៍ ពីព្រោះស្ត្រីទទួលរងការឈឺចាប់ពេលមានផ្ទៃពោះ និង​ពេល​សម្រាលកូន ចំណែកបុរសគ្រាន់តែមាន​ភារៈកិច្ចរក​ប្រាក់​ដើម្បីផ្គត់​ផ្គង់​គ្រួ​សារ។

នៅក្នុងការបង្ហោះថ្មីៗរបស់ Kato នាង​និយាយ​ថាបុរសដែលនៅក្បែរនាងមិនមែនជាប្តីរបស់ខ្លួនទេ។ ប្រហែលជានាងបានរកឃើញអ្នក​បន្ទាប់ដែល​មាន​ប្រាក់ហើយមើលទៅ។

Sacchan

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: