ទីសក្ការៈបូជា Shinto មួយកន្លែងហាមឃាត់ជនបរទេសមកទស្សនា

ថ្ងៃចន្ទ 03/02/2020 | 15:40 ល្ងាច

ក្នុងស្ថានភាពកង្វះកម្លាំងពលកម្មជប៉ុនកំពុងជំរុញការជ្រើសរើសកម្លាំងពលកម្មបរទេស។ ទន្ទឹមនឹងនេះក៏កំពុងលើកកម្ពស់វិស័យទេសចរណ៍តាមទម្រង់ផ្សេងៗគ្នាជាច្រើន។ អ្វីដែលទាក់ទាញភ្ញៀវទេសចរណ៍ធ្វើដំណើរទៅប្រទេសជប៉ុនគឺទៅទស្សនាទីសក្ការៈបូជា Shinto ។

ទោះជាយ៉ាងណាថ្មីៗនេះមានបញ្ហាជាច្រើនកើតឡើងទាក់ទងនឹងបញ្ហាទីសក្ការៈបូជា នាំអោយព្រះចៅអធិការប្រាសាទសម្រេចចិត្តព្យួរផ្លាក “ហាមប្រាមជនបរទេស” មកទស្សនា។

រូបភាព https://snjpn.net/archives/175163

ប្រាសាទនេះមានឈ្មោះ Tsushima ស្ថិតនៅខេត្ត Nagasaki ដែលទាក់ទាញភ្ញៀវទេសចរណ៍កូរ៉េមួយចំនួនធំ។ ជាការពិតមិនមែនបញ្ហាទាំងនេះសុទ្ធតែកើតចេញពីជនជាតិកូរ៉េទេ ប៉ុន្តែមានករណីមួយចំនួនដូចជា៖

ជនជាតិកូរ៉េម្នាក់លួចមន្តគាថា Omamori ដើម្បីលក់បន្ត តើវាមានតម្លៃរហូតដល់យកទៅលក់បន្តដែរទេ?
អ្នកមគ្គុទេ្ទសទេសចរណ៍ជនជាតិកូរ៉េជេរ និងប្រើអំពើហិង្សា
YouTuber ជនជាតិកូរ៉េដាក់កាមេរ៉ាលួចថត

ហើយអ្វីដែលហួសហេតុជាងនេះគឺសរសេរអក្សរលើជញ្ជាំងឈើរបស់ប្រាសាទ។

រូបភាព https://snjpn.net/archives/175163

ដូចជាមាននរណាម្នាក់ប្រើវត្ថុមុតស្រួចសរសេរអក្សរកូរ៉េលើជញ្ជាំងនេះ។ យើងមិនយល់ច្បាស់អំពីអត្តន័យ ប៉ុន្តែតើគោលបំណងរបស់ពួកគេគ្រាន់តែចង់កត់ចំណាំវត្តមានដែលធ្លាប់មកទីនេះឬ?

នៅតាមប្រាសាទមួយចំនួនក្នុងតំបន់ផ្សេងទៀត អ្នកមើលថែប្រាសាទថែមទាំងមើលឃើញគំនូរ graffiti ផងដែរ។

ទំនាក់ទំនងរវាងជប៉ុន និងកូរ៉េមិនសូវជាល្អទេ ដូច្នេះជនមួយចំនួនឆ្លៀតយកឱកាសធ្វើដំណើរទៅប្រទេសជប៉ុនបន្ថែមការយល់ច្រឡំឬសងសឹកផ្ទាល់ខ្លួន។ ចំពោះជនជាតិជប៉ុនទីសក្ការៈបូជាជាកន្លែងគោរពបូជា ដូច្នេះសកម្មភាពទាំងនេះទោះក្នុងគោលបំណងអ្វីក៏ដោយមិនអាចលើកលែងបានឡើយ។

ព្រះចៅអធិការប្រាសាទមិនមែនបិទផ្លាកហាមតែជនជាតិកូរ៉េប៉ុណ្ណោះទេ ប៉ុន្តែសម្រេចហាមជនបរទេសទាំងអស់។ ចំពោះការហាមប្រាមរបស់ព្រះចៅអធិការគឺមិនស្របតាមច្បាប់របស់ជប៉ុនទេ ប៉ុន្តែក្នុងស្ថានភាពខ្វះអ្នកមើលថែប្រាសាទមានតែវិធីនេះ។

អ្នកថែរក្សាប្រាសាទបានអោយដឹង៖ “ប្រសិនបើអ្នកគិតថានេះជាសកម្មភាពរំលោភសិទ្ធិមនុស្សសូមមកនិយាយជាមួយយើងដោយផ្ទាល់។ សុំទោសក្នុងពេលនេះយើងមិនអាចទទួលស្វាគមន៍អ្នកទេ។ ប្រសិនបើទង្វើបំផ្លាញមិនថយចុះ ប្រាសាទនានានៅទូទាំងប្រទេសជប៉ុននឹងទទួលនូវផលវិបាក។ ហើយប្រហែលជាប្រាសាទផ្សេងទៀតនឹងដាក់វិន័យដូចជាយើងដែរ។

ខ្ញុំពិតជាចង់អោយអ្នកដែលមកលេងប្រទេសជប៉ុនអាចរីករាយនឹងវប្បធម៌របស់ប្រទេសជប៉ុន។ ប៉ុន្តែចំពោះទង្វើរបស់ភ្ញៀវទេសចរណ៍ដែលគូរលើជញ្ជាំងធ្វើអោយខ្ញុំមានអារម្មណ៍សោកសៅអាណិតដល់បេតិកភណ្ឌដែលមានជាយូរមកហើយទាំងនេះ”។

ចុះអ្នកវិញ តើអ្នកគិតយ៉ាងណាចំពោះដំណោះស្រាយរបស់ប្រាសាទ Tsumashi?

Kengo Abe