តើអ្នកធ្លាប់ដឹងពីទម្លាប់ពេលផឹកស្រារបស់ប្រជាជនជប៉ុនដែរទេ?

ថ្ងៃសុក្រ 31/01/2020 | 13:04 ល្ងាច

នៅថ្ងៃនេះយើងនឹងស្វែងយល់អំពីទម្លាប់លើតុស្រារបស់ជនជាតិជប៉ុនមានអ្វីខ្លះ៖

១. ភាពស្មើគ្នានៅលើតុស្រា Bureiko

និស្សិត និងពលករអន្តរជាតិជាច្រើនដែលរស់នៅជប៉ុនប្រាកដជាមើលឃើញសុជីវធម៌ និងការគោរពរបស់ជនជាតិជប៉ុន។ ប៉ុន្តែអ្នកប្រាកដជាមិនដឹងពី “ភាពស្មើគ្នានៅលើតុស្រា” ដែលគេហៅថា Bureiko នោះទេ។

កុំសប្បាយពេក ក្នុងនាមជាបុគ្គលិកមិនត្រូវធ្វើឲ្យទាស់ចិត្តថ្នាក់លើព្រោះតែពាក្យ Bureiko ឡើយ។

២. ហៅស្រាបៀរ

មនុស្សមួយចំនួនមិនចង់ផឹកស្រាបៀរប្រាកដជាមិនចូលចិត្តទម្លាប់ហៅស្រាបៀររួមគ្នានោះទេ។ ជនជាតិជប៉ុនយល់ថា បើយើងហៅស្រាបៀរមុននោះអាចផឹកជាមួយគ្នាភ្លាម។ បើអ្នករាល់គ្នាអាល័យតែហៅភេសជ្ជៈរៀងខ្លួនត្រូវចំណាយពេលចាំ។ ដូច្នេះបើហៅភេសជ្ជៈតែមួយមុខយើងមិនចាំបាច់រង់ចាំទេ បន្ទាប់ពីជល់កែវអ្នកអាចរើសភេសជ្ជៈដែលខ្លួនចូលចិត្ត។

រូបភាព https://www.staffservice.co.jp/job/column/detail_058.html

៣. កុំដាក់ទឹកកកក្នុងស្រាបៀរ

អ្នកខ្លះផឹកស្រាបៀរមានទម្លាប់ដាក់ទឹកកក ប៉ុន្តែនៅជប៉ុនគេក្លាសេស្រាបៀរ មិនដាក់ទឹកកកចូលនោះទេ។ ធ្វើបែបនេះទើបទទួលបានអារម្មណ៍នៃរសជាតិឆ្ងាញ់របស់ស្រាបៀរ។

មនុស្សជាច្រើនមិនធ្លាប់នឹងទម្លាប់ផឹកស្រាបៀររបស់ជនជាតិជប៉ុន ខ្លះទៀតមិនហ៊ានផឹកព្រោះខ្លាចពេលស្រវឹងបង្ហាញទម្លាប់អាក្រក់របស់ខ្លួន។

៤. ផ្អៀងកែវពេលមានគេចាក់ស្រាបៀរឲ្យ

ចំពោះស្រាបៀរបើមាននរណាម្នាក់ចាក់ឲ្យអ្នក យើងគួរតែលើកកែវឡើង ផ្អៀងកែវទៅមុខបន្តិចដើម្បីឲ្យអ្នកផ្សេងស្រួលចាក់ឲ្យ។

៥. ជល់កែវស្រារបស់ខ្លួនទាបជាងកែវរបស់ថ្នាក់លើ

សម្រាប់ទម្លាប់ផឹកស្រាបៀររបស់ជនជាតិអ្នកអាចធ្វើតម្រាប់តាម Sempai ជាអ្នកដែលមានបទពិសោធ។

៦. ហៅស្រាបៀរបន្ថែម ឬចាក់ឲ្យថ្នាក់លើ

ចេះសង្កេតជាចំនុចល្អនៅក្នុងសង្គមជប៉ុនមិនថាអ្នកទៅធ្វើការ ដើរលេង អ្នកគួរតែហាត់ទម្លាប់នេះ។ ក្នុងពិធីជប់លៀងបុគ្គលិកមានតួនាទីចាក់ស្រាបៀរឲ្យថ្នាក់លើ បើកែវស្រារបស់ថ្នាក់លើអស់មានន័យថា អ្នកមិនបានសង្កេតមើល ឬមិនចាប់អារម្មណ៍។

៧. ផឹកច្រើនហើយនៅតែទៅធ្វើការនៅថ្ងៃបន្ទាប់

កុំភ្ញាក់ផ្អើលប្រសិនបើអ្នកជួបមិត្តរួមការងារ ឬថ្នាក់លើរបស់អ្នកផឹកច្រើនរហូតដេកតាមផ្លូវមិនអាចទៅផ្ទះ។ ប្រជាជនជប៉ុនពិតជាពូកែផឹកណាស់ ប៉ុន្តែអ្វីដែលពិសេសគឺព្រឹកថ្ងៃបន្ទាប់ពួកគេនៅតែភ្ញាក់ ហើយទៅធ្វើការទាន់ពេលដដែលដូចជាគ្មានអ្វីកើតឡើង។

នៅក្នុងអាជីវកម្មរបស់ជប៉ុន សុីផឹក និងការងារគឺជារឿងដាច់ដោយឡែកពីគ្នា មិនអាចនិយាយថាយប់មិញផឹកច្រើន ហើយថ្ងៃបន្ទាប់ភ្ញាក់មិនរួចសុំឈប់នោះទេ។