អនុវត្តវិធីសាស្រ្តគិត Logic អាចជួយដល់ការងាររបស់អ្នក

ថ្ងៃព្រហស្បតិ៍ 30/01/2020 | 15:33 ល្ងាច

គំនិត Logic មិនត្រឹមតែជួយដល់ការងាររបស់អ្នកប៉ុណ្ណោះទេ ថែមទាំងអាចដោះស្រាយបញ្ហាផ្ទាល់ខ្លួនយ៉ាងឆាប់រហ័សផងដែរ។

ប្រសិនបើអ្នកជាមនុស្សឧស្សាហ៍ និងខ្នះខ្នែងម្នាក់ អ្នកប្រហែលជាធ្លាប់ឮឬអានសៀវភៅបង្រៀនអំពីគំនិត Logic ។ លើកនេះយើងនឹងស្វែងយល់ទាំងអស់គ្នាណា!

គំនិត Logic គឺជាវិធីសាស្ត្រដែលអ្នកអាចអនុវត្តដើម្បីអោយខួរក្បាលគិតគូរបានល្អ។

យើងនឹងនិយាយអំពីគំនិត Logic នៅកន្លែងធ្វើការ ដំបូងចូរយើងអនុវត្តគំនិត Logic ពេលកំសាន្តសប្បាយឧទាហរណ៍ដូចជាមើលរឿង។ នឹកចាំខ្សែភាពយន្តដែលអ្នកមើលកាលពីម្សិលមិញ។ ហេតុអ្វីបានជាខ្សែភាពយន្តនោះល្អមើលម៉្លេះ? គិតពីមូលហេតុធ្វើអោយអ្នកចូលចិត្តខ្សែភាពយន្ត តើដោយសារតារាសម្តែងស្អាត? ឬបទចម្រៀងក្នុងរឿងពិរោះ? ប្រសិនបើអ្នកចូលចិត្តខ្សែភាពយន្តដោយសារសាច់រឿង ចូរចាំអ្វីដែលធ្វើអោយអ្នកចាប់អារម្មណ៍? ប្រៀបជាមួយនឹងខ្សែភាពយន្តផ្សេងមិនសូវជាល្អមើល តើអ្វីធ្វើអោយមានភាពខុសគ្នា?

ដូចជាហាងកាហ្វេ សម្លៀកបំពាក់ឬកង់ដែលអ្នកចូលចិត្ត តែងតែមានហេតុផលធ្វើអោយអ្នកចូលចិត្តអ្វីម្យ៉ាង។

អ្នកអាចសាកល្បងមើលរបស់នៅជុំវិញខ្លួន សង្កេតមើលអ្វីដែលធ្វើអោយអ្នកចូលចិត្តឬមិនចូលចិត្ត។ ពេលនោះអ្នកនឹងយល់ពីខ្លួនអ្នកថាគួរចំណាយពេលធ្វើរឿងនឹងដែរឬទេ?

បន្ទាប់មកទៀតយើងនឹងគិតបន្តហេតុអ្វីបានជាហាងកាហ្វេឬខ្សែភាពយន្តមានអ្នកចូលចិត្តច្រើន? ប្រសិនបើអ្នកជាម្ចាស់ហាង អ្នកនឹងធ្វើយ៉ាងណាដើម្បីអោយហាងរបស់ខ្លួនមានអ្នកស្គាល់?

អ្នកគួរតែរៀនវិភាគអ្វីដែលកើតឡើងនៅជុំវិញខ្លួនអ្នក ចាប់ផ្តើមពីបុរសដែលអង្គុយក្បែរអ្នក ហេតុអ្វីបានជាអ្នកចូលចិត្តគាត់? បើកាន់តែគិតនឹងយល់ថា “អូខ្ញុំមិនចូលចិត្តគាត់ដូចជាខ្ញុំគិតទេ” សុំទោសដែលធ្វើអោយអ្នកគិតដូច្នេះ។

អ្នកអាចលើកជាសំណួរដូចជា៖

ហេតុអ្វីបានជា Hello Kitty គួរអោយស្រលាញ់?
ហេតុអ្វីបានជាមនុស្សជាច្រើនចូលចិត្តអង្គុយនៅ Starbucks?
ហេតុអ្វីបានជាបន្ទប់ទទួលភ្ញៀវស្អាតបែបនេះ?

ជាមួយនឹងសំណួរសាមញ្ញទាំងនេះ អ្នកអាចអនុវត្តនៅក្នុងការងាររបស់អ្នក។

ហេតុអ្វីបានជាថ្នាក់លើចេញបញ្ជាបែបនេះ?
ហេតុអ្វីផលិតផលក្រុមហ៊ុនខ្ញុំលក់មិនចេញ?
តើវិធីផ្សព្វផ្សាយបែបណាអាចបង្កើនការលក់?

នេះគ្រាន់តែជាជំហានដំបូងចំពោះគំនិត Logic តែប៉ុណ្ណោះ។ មូលហេតុដែលអ្នកលើកឡើងមិនប្រាកដជាចម្លើយឡើយ។ ប្រសិនបើអ្នកគិតហើយធ្វើតាមតែបរាជ័យ ជំហានបន្ទាប់គឺត្រូវគិតថាហេតុអ្វីបានជាបរាជ័យ។

សូមចាំថា “បរាជ័យពេលនេះនឹងទទួលបានជោគជ័យពេលក្រោយ” មនុស្សម្នាក់ដែលមិនធ្លាប់បរាជ័យព្រោះតែមិនហ៊ានសាកល្បងឬប្រថុយ។

ខ្ញុំជឿថាមនុស្សដែលធ្វើការតាមគំនិត Logic នឹងទទួលបានជោគជ័យកាន់តែច្រើន មិនត្រឹមតែប៉ុណ្ណឹងការងារនឹងកាន់តែប្រសើរឡើង។

តោះឥឡូវនេះយើងនឹងចាប់ផ្តើមគំនិត Logic ទាំងអស់គ្នាណា!

Kengo Abe