តើយុវជនជប៉ុន​ធ្វើអ្វី​ក្នុង​ពិធីបុណ្យ​ពេញវ័យរបស់​ពួកគេ?

នៅអាយុ ២០ ឆ្នាំគឺជាដំណាក់សំ​ខាន់​តាមវប្បធម៌របស់ជនជាតិ​ជប៉ុន។ អ្នកក្លាយជាមនុស្សពេញវ័យនៅអាយុ ២០ ឆ្នាំ អាច​ជក់​បារី ផឹក​ស្រា -ល-។ ទោះបីជាអ្នក​មាន​សេរី​ភាពធ្វើ​អ្វី​ដែល​អ្នក​ចង់​បាន ប៉ុន្តែក៏​ត្រូវ​ទទួល​ខុសត្រូវ​ចំ​ពោះអ្វី​ដែល​ខ្លួន​បង្ក​ឡើងផង​ដែរ។ នេះគឺជាដំ​ណាក់​កាល​សំ​ខាន់បង្ហាញពីភាពពេញវ័យរបស់មនុស្ស។

ដូច្នេះជារៀងរាល់ឆ្នាំនៅតំបន់នីមួយៗនឹង​រៀបចំពិធីបុណ្យពេញ​វ័យសម្រាប់អ្នកដែលគ្រប់អាយុ ២០ ឆ្នាំ។ នេះគឺជាថ្ងៃសំខាន់មនុស្សគ្រប់គ្នាចង់ធ្វើអ្វីៗពិសេស។ មនុស្សមួយ​ចំនួន​មិនត្រឹមតែស្លៀកសម្លៀកបំពាក់​ឆើត​ឆាយប៉ុណ្ណោះទេ ថែម​ទាំងផឹក​ស្រាហើយ​បង្កចលាចលនៅកន្លែងសាធារណៈបង្កើតជាបញ្ហាធំ។ ក្នុងពិធីបុណ្យពេញវ័យនៅតែមានមនុស្សជាច្រើនដែលមានអាកប្បកិរិយាមិនចេះគិត។

រូបភាព https://originalnews.nico/162732

ផ្ទុយទៅវិញមនុស្សជាច្រើនព្យាយាមស្តារភាពស្រស់ស្អាតនៃទំនៀមទម្លាប់វប្បធម៌ដែលមានជាយូរមកហើយ។ សាកលវិទ្យាល័យ Kokugakuin តាំងពីឆ្នាំ ២០០៨ បានចាប់ផ្តើមប្រារព្ធពិធី “ពាក់មកុដ” ជូនដល់​អ្នកដែល​ពេញ​វ័យ។

រូបភាព https://grapee.jp/781352

នេះជាការរៀបចំ​ឡើងវិញពិធីបុណ្យដែល​មាន​អាយុកាលតាំងពី ១០០០ ឆ្នាំមុន។ នៅក្នុងពិធីនោះបុរសពាក់មកុដ ចំណែក​ស្រ្តី​ពាក់​ស្នៀតសក់ដើម្បី​បង្ហាញពួកគេក្លាយជាមនុស្ស​ពេញ​វ័យ ស្លៀក​ពាក់​ដូចជា​មនុស្ស​ធំ ហើយចាប់ពី​ពេល​នេះ​ទៅត្រូវមានអាកប្បកិរិយាដូចមនុស្សពេញវ័យ។ 

នៅក្នុងពិធីនេះនឹងមានការសម្តែងរបាំយ៉ាងស្រស់ស្អាត។

រូបភាព https://grapee.jp/781352

អ្នក​ដែល​ពេញវ័យ​ដើរចូលស្លៀកសម្លៀកបំ​ពាក់​ថ្លៃថ្នូ។

រូបភាព https://grapee.jp/781352

មនុស្ស​ធំតែងតែមាន​ការយល់ច្រឡំចំពោះយុវជនព្រោះគិតថាពួកគេក្រអឺតក្រទម មិន​ចេះ​ថែរក្សាប្រពៃណីទំនៀមទម្លាប់ ប៉ុន្តែគ្រាន់តែមួយផ្នែកតូចប៉ុណ្ណោះ។ នៅតែមានយុវជនមាន​ចិត្តគំនិតច្នៃប្រឌិត និងទេពកោសល្យដែលមិនត្រឹមតែរក្សាតម្លៃប្រពៃណីប៉ុណ្ណោះទេ ថែមទាំងធ្វើឱ្យប្រសើរឡើង និងអភិវឌ្ឍតាមរបៀបថ្មីៗ​ទៀតផង។

សង្ឃឹមថាពិធីបែបនេះនឹងត្រូវបានរៀបចំនៅទូទាំងប្រទេសជប៉ុន។

Kengo Abe