ដំណឹងថ្មី៖ មហាសេដ្ឋីជនជាតិជប៉ុនប្រកាសស្វែងរកមិត្តស្រី​ឡើងឋានព្រះច័ន្ទជាមួយគ្នា

អ្នកមិនអានច្រលំទេមហាសេដ្ឋីជនជាតិជប៉ុនម្នាក់កំ​ពុង​ប្រកាសស្វែងរកដៃគូជានារីដើម្បីហោះឡើងឋានព្រះ​ច័ន្ទ។ បុរសម្នាក់​នេះឈ្មោះ Yusaku Maezawa អាយុ ៤៤ ឆ្នាំ គ្រោង​ធ្វើ​ជា​ពល​រដ្ឋដំ​បូង​គេជិះយានអវកាស SpaceX Rocket Big Falcon Rocket​ ហោះជុំវិញផែនដីក្នុងឆ្នាំ ២០២៣។ គាត់ក៏បានទិញកៅអីទាំងអស់នៃការធ្វើដំណើរក្នុង​ឆ្នាំ ២០១៨ ដែរ។ 

Maezawa គឺជាស្ថាបនិក Zozo Inc., ជាគេហទំព័រធំជាងគេរបស់ជប៉ុន បច្ចុប្បន្នមានតម្លៃ ២ ពាន់លានដុល្លារ។

សេចក្តីប្រកាសនៅលើគេហទំព័រផ្លូវការរបស់ខ្លួន មហាសេដ្ឋីរូបនេះបានអោយដឹងថាគាត់កំពុងស្វែងរកដៃគូជានារីម្នាក់ដែលបំពេញតាមលក្ខខណ្ឌ​ខាងក្រោមដើម្បីហោះឡើងឋានព្រះច័ន្ទ៖

  • មានអាយុយ៉ាងតិច ២០ ឆ្នាំ
  • នៅលីវ
  • បុគ្គលិកលក្ខណៈរីករាយ, គំនិតវិជ្ជមាន
  • មាន​ភាព​រីក​រាយ​នឹងជីវិត
  • ស្រលាញ់សន្តិភាពពិភពលោក

កាលបរិច្ឆេទផុតកំណត់ចុះឈ្មោះថ្ងៃទី ១៧ ខែមករានេះជា​ផ្នែក​មួយ​នៃគម្រោង “Full Moon Lovers” របស់មហាសេដ្ឋី។ គាត់ទើបតែបែកគ្នាជាមួយ​តារាសម្តែងអាយុ ២៧ ឆ្នាំ Ayame Goriki ។

បន្ថែមលើលក្ខខណ្ឌខាងលើអ្នក​ដែល​ចុះ​ឈ្មោះត្រូវមាន​ចំ​ណាប់​អារម្មណ៍ចំពោះការរុករកសកលលោក។

“នៅពេលមាន​អារម្មណ៍ឯកកោរឿងមួយដែលខ្ញុំគិតគឺ៖ តើត្រូវបន្តស្រឡាញ់នារី​ម្នាក់?។ ជាអ្វីដែលមនុស្សគ្រប់​គ្នាយល់​ថាធម្មតា ប៉ុន្តែខ្ញុំនៅតែមិន​ទាន់​អាច​ធ្វើ​បានរហូតមកដល់ពេលនេះ​”។

ពេលដែលខ្ញុំបានទទួលការអញ្ជើញឱ្យចូលរួមក្នុងកម្មវិធី ខ្ញុំមានអារម្មណ៍រំជួលចិត្ត អាម៉ាស់ និងមោទនភាព។ ខ្ញុំធ្លាប់គិតថានឹងបដិសេធ ប៉ុន្តែអ្វីដែល​ខ្ញុំ​គិតគឺថាឱកាសបែបនេះនឹងមិនត្រលប់មកវិញទេ។

ខ្ញុំចង់ស្វែងរកគូជីវិត យើងនឹងរួមគ្នាបង្ហាញសេចក្តីស្រឡាញ់ និងសន្តិភាពពិភពលោកក្នុងលំហរខាងក្រៅ។ ខ្ញុំចង់ជួបមនុស្សដ៏អស្ចារ្យ។

រូបភាព https://nextshark.com/yusaku-maezawa-japanese-billionaire-moon/

ជាមួយ​នឹង​គម្រោង​នេះ Maezawa ធ្លាប់​ប្រកាសគម្រោងនាំសិល្បករឡើងឋានព្រះច័ន្ទជាមួយគាត់ ផ្តល់​ឳកាសដល់​ពួកគេទទួលបាន​អារម្មណ៍ថ្មីពេល​ត្រឡប់មក​ផែន​ដី​វិញ។ នេះមិនមែនជាលើកដំបូងដែល Maezawa បង្កភាព​ភ្ញាក់​ផ្អើលដល់​ប្រព័ន្ធផ្សព្វផ្សាយឡើយ។ កាលពីឆ្នាំមុនគាត់បានបរិច្ចាគ ១០០ លានយ៉េន​លើបណ្តាញសង្គម Twitter ដោយ Tweet នោះត្រូវទទួលបាន re-Tweet ច្រើនបំផុត។

តើអ្នកចង់ដាក់ពាក្យក្លាយជាមិត្តស្រីរបស់មហាសេដ្ឋីរូបនេះទេ?

Sacchan

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: