Wabi – Sabi : សម្រស់នៃទេសភាព​ចាស់បុរាណ និងស្ងប់​ស្ងាត់

Wabi-sabi គឺជាគំនិតមួយនៅក្នុងសិល្បៈជប៉ុន មិនមែនគ្រឿងទេស Wasabi ឡើយ។

តើអ្នកធ្លាប់ឃើញសួនច្បារជប៉ុនដូចនេះទេ?

រូបភាព https://ja.wikipedia.org/wiki/枯山水

ប្រភេទសួន​ច្បារបែប​នេះគេហៅថា Karesansui ។ Karesansui (សួនច្បារសោះកក្រោះ) បង្ហាញយ៉ាងច្បាស់នូវគំនិត Wabi – Sabi ។ Wabi មានន័យថាភាពខ្វះខាតឬត្រូវគេ​ពន្យល់ថាស្វែងរក​អ្វីដែល​បំ​ពេញចិត្ត​ខ្លួនឯង ចង់អោយល្អឥតខ្ចោះ។

នៅក្នុងរូបភាពខាងលើយើងមើលឃើញសួនច្បារបង្ហាញពីទេសភាព​ភ្នំដោយគ្រាន់តែប្រើថ្មមិនប្រើទឹក។ គ្រួសដែលដាក់ខាងក្រោមជាចរន្តទឹកហូរ ចំណែក​ថ្មធំៗតំណាងអោយភ្នំឬកោះ។ ក្នុងរូបភាពអ្នកអាចឃើញផ្សិតដុះនៅជុំវិញថ្មបង្កើតជាអារម្មណ៍ក្រៀមក្រំមានន័យ​ថា Wabi-sabi សម្រស់នៃភាព​ចាស់​បុរាណ។

គំនិតនេះតំណាងឱ្យទស្សនវិស័យសិល្បៈប្លែកបំផុតរបស់ជប៉ុន។

ក្រៅពីពាក្យ Wabi នៅមាន​ពាក្យ​មួយ​ទៀតគឺ Sabi ។ Sabi ពាក្យពេញគឺ Sabishii មានន័យថាឯកកោ។ នៅក្នុងភាពស្ងប់ស្ងាត់លាក់​កំ​បាំងនូវ​សម្រស់ស្អាតផូរផង់ មានតែមនុស្សក្នុងស្ថានភាពនោះប៉ុណ្ណោះទើបយល់ពីអារម្មណ៍នឹង។

រូបភាព https://amanaimages.com/info/infoRM.aspx?SearchKey=02335008230

ឧទាហរណ៍សម្រស់​នៃផ្កាសាគូរ៉ា វាជាប្រភេទ​ផ្កាដែល​រីកសែនស្អាត ប៉ុន្តែឆាប់រោយត្រឹមតែមួយសប្តាហ៍។ នោះជាពេលវេលាអ្នក​ទទួល​អារម្មណ៍នៃភាព​ស្រស់​ស្អាត ប៉ុន្តែ​ក៏​ដឹង​ថាសម្រស់​នេះជិតរលាយបាត់។ ឧបមាថាសម្រស់​ផ្កាសាគូរ៉ាមាន​រយៈពេលយូរ​យើងមាន​ពេល​គយគន់។

ស្រដៀងនឹង​សាមូរ៉ៃសុខចិត្តដក​ដាវបញ្ចប់ជីវិត មិន​ព្រម​ប្រយុទ្ធដើម្បី​ការពារជីវិតរបស់​ខ្លួន។ ស្មាគ​ចិត្តបញ្ចប់ជីវិតយ៉ាង​ស្រួលសមនឹងគំនិតរក្សាកិត្តិយសរបស់ជប៉ុន។

ពាក្យ Wabi – Sabi ក៏កើតចេញពីគំនិតនេះដែរ។ នេះគឺជា Yomeimon ខ្លោងទ្វារទីសក្ការៈបូជា Nikko Toshogu ទីក្រុង Nikko ខេត្ត Tochigi ។

រូបភាព https: // Nikko Toshogu Shrine-Goshushi.jinja

Yomeimon គឺជាកន្លែងមើលថ្ងៃលិចដ៏ស្រស់ស្អាតនៅជប៉ុន អាចនិយាយបានថាល្អឥតខ្ចោះ។ ចំណុចតែ​មួយ​គត់គឺថាខ្លោងទ្វារមានសសរតែមួយប៉ុណ្ណោះ ហើយត្រូវបានដាក់បញ្ច្រាស។ ជាការពិតអ្នកសាងសង់មិនច្រឡំទេ ប៉ុន្តែមានចេតនាសាងសង់បែបនោះ។

ភាពល្អឥតខ្ចោះក៏មានន័យថានៅទ្រឹងមួយកន្លែងដែរ ព្រោះតែល្អឥតខ្ចោះគ្មាន​អ្វី​ត្រូវ​កែ​លម្អទេ។ ចំណែកភាពមិនពេញលេញធ្វើអោយ​អារម្មណ៍ចង់អភិវឌ្ឍនាពេលអនាគត។

សួនច្បារនៅប្រទេសជប៉ុនក៏សាងសង់មិនស្មើគ្នាដែរ ខុសពីសួនច្បារនៅអឺរ៉ុប។

រូបភាព https://skyticket.jp/guide/338637

ទេសភាព​សួន​ច្បារនឹង​ប្តូរបើអ្នកក្រឡេកមើលពីឆ្វេងទៅស្តាំ។ វាគឺជាការប្រែប្រួលដែលមានតែ​ភាពមិនល្អឥត​ខ្ចោះប៉ុណ្ណោះទើបធ្វើបាន។ យើង​នឹង​គយគន់​សម្រស់​ទាំងនេះ ហើយទទួល​យកគំនិតសិល្បៈប្លែកៗរបស់ Wabi-sabi ។

Kengo Abe

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: