រៀនភាសាជប៉ុនកាន់តែងាយ​ស្រួលដោយគ្រាន់​តែមើលរឿងលើ Netflix

មិន​ត្រឹម​តែ​ភាសាជប៉ុន​ប៉ុណ្ណោះ​ទេ អ្នក​ថែម​ទាំង​អាចរៀនភាសាជាច្រើនផ្សេងទៀតផងដែរ។

រៀនភាសាបរទេសតាមរយៈអក្សរបកប្រែក្រោម​ខ្សែភាពយន្តគឺជាវិធីរៀនដែលមានប្រសិទ្ធភាពសម្រាប់មនុស្ស​មួយចំនួន។ ប៉ុន្តែដើម្បី​រក​អក្សរបកប្រែជាភាសាជប៉ុននៅមាន​កម្រិតនៅឡើយ។

ប៉ុន្តែជាមួយក្រុមហ៊ុន Netflix គ្រប់យ៉ាងកាន់តែងាយស្រួល។

រៀនភាសាបរទេសជាមួយ Netflix គឺជា Extension បន្ថែមរបស់ Chrome ដោយឥតគិតថ្លៃ បញ្ចូលដោយស្វ័យប្រវត្តិចូលកម្មវិធី  Netflix ។ វានឹង​បង្ហាញអក្សរបក​ប្រែក្រោម​ខ្សែ​ភាព​យន្ត​ជាភាសាកំ​ណើតឬភាសាបរទេសដែល​អ្នក​ចង់រៀន។ ដូច្នេះអ្នកអាចមើលអក្សរបក​ប្រែជាភាសាជប៉ុន និងយល់ពីអត្ថន័យក្នុងពេលតែ​មួ​យ។

រូបភាព https://soranews24.com/2020/01/12/free-language-learning-with-netflix-extension-makes-studying-japanese-almost-too-easy/

នេះជាអត្ថប្រយោជន៍ដ៏ល្អសម្រាប់អ្នករៀនភាសាបរទេស។ ប្រសិន​បើ​អ្នក​ចាប់​ផ្តើម​រៀន​ដំ​បូង វាពិបាកបើ​អ្នក​​ចង់​រៀនភាសាជប៉ុន មិន​អាចរកកន្លែងកំ​ណត់ភាសាបកប្រែក្រោមខ្សែភាពយន្ត។ អ្នក​អាច​នឹង​ច្របូកច្របល់ដោយសារតួអង្គនិយាយ​លឿន​ពេក វាក្យសព្ទឬវេយ្យាករណ៍ថ្មីៗច្រើនពេក។ ឥឡូវនេះគ្រប់យ៉ាងត្រូវបានបង្ហាញនៅលើអេក្រង់ បញ្ហាតែមួយគត់គឺថាតើអ្នកផ្តោតលើការរៀនដែរឬទេ?

អ្នក​អាចចុចលើពាក្យនីមួយៗដើម្បីបង្ហាញអត្ថន័យ បន្ទាប់មកអ្នក​រៀនស្តាប់ អាន ឬកំ​ណត់ពេលវេលាអក្ស​បកប្រែបញ្ចាំងលើអេក្រង់ខាងស្តាំដៃ។

Extension មានច្រើនជម្រើស ក្រៅពីភាសាបរទេសមានពុម្ពអក្សរ ទំហំអក្សរដូចជា Romaji, Furigana ។

រូបភាព https://soranews24.com/2020/01/12/free-language-learning-with-netflix-extension-makes-studying-japanese-almost-too-easy/

មុខងារផ្សេងទៀតគឺអ្នកអាចផ្អាកភាពយន្តពេលជ្រើសរើសអក្សរបកប្រែដើម្បីប្រាកដថាអ្នកអាចស្តាប់ និងយល់ដោយមិនរំលងប្រយោគ។ នេះជាឧបករណ៍រៀនដ៏មានប្រសិទ្ធិភាពសម្រាប់អ្នកដែលឧស្សាហ៍ព្យាយាម ព្រោះប្រសិនបើអ្នកគ្រាន់តែផ្តោតលើការមើលភាពយន្ត ហើយមិន​យកចិត្ត​ទុក​ដាក់​រៀនទោះបីមាន​កម្មវិធី​ទំនើបក៏គ្មានប្រយោជន៍ដែរ។

រឿង​មួយ​ទៀត​ដែល​យើង​គួរកត់​សម្គាល់អាស្រ័យលើកម្មវិធី និង​ប្រទេសអាចនឹងគ្មាន​បក​ប្រែ។ ឧទាហរណ៍​អ្នក​ដែល​រស់​នៅជប៉ុន អក្សរដែល​​អាចកំ​ណត់​ខុស​ពីប្រទេសផ្សេងទៀតដោយសារការអនុញ្ញាតខុសគ្នា។

ទោះជាយ៉ាងណាកម្មវិធី​ភាគ​ច្រើន​របស់ក្រុមហ៊ុន Netflix មាន​ច្រើន​ភាសា ដូច្នេះអ្នក​អាច​ជ្រើសរើសភាសាដែល​អ្នក​ចូលចិត្ត។

មើលបន្ថែម LINK LANGUAGE LEARNING WITH NETFLIX

តោះចាប់​ផ្តើមរៀនភាសាជប៉ុនទាំងអស់​គ្នាណា!

Sacchan

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: