ជប៉ុនកាត់​ទោសប្រហារជីវិតជនបរទេសលើកដំបូងក្រោយរយៈពេល ១០ ឆ្នាំក្នុងករណីឃាតកម្មលើក្រុមគ្រួសារមួយ

តុលាការទីក្រុងតូក្យូកាត់ទោសប្រហារជីវិតព្យួរកជនបរទេសម្នាក់​លើកដំបូងក្រោយរយៈពេល ១០ ឆ្នាំនៅថ្ងៃទី ២៦ ធ្នូកន្លងទៅ។ ជនល្មើសគឺជាបុរសជនជាតិចិនម្នាក់ត្រូវផ្តន្ទាទោសពីបទប្លន់ និងសម្លាប់គ្រួសារបួននាក់ក្នុងឆ្នាំ ២០០៣ ។ រដ្ឋមន្រ្តីច្បាប់ Masako Mori បានអោយដឹង Wei Wei (ឈ្មោះជនល្មើសជនជាតិចិន) អាយុ ៤០ ឆ្នាំត្រូវព្យួរកក្នុងគុកមួយនៅ Fukuoka ជាកន្លែងដែល​គាត់រង់ចាំកាត់ទោសគាត់អស់រយៈពេលជាង ១៦ ឆ្នាំ។

រូបភាព https://www.pinterest.com

Wei លួចចូលហាងលក់សម្លៀកបំពាក់មួយនៅ Fukuoka រួចសម្លាប់​ម្ចាស់ផ្ទះ ប្រពន្ធ និងកូនពីរនាក់។ ជនល្មើស និងបក្ខពួកជនជាតិចិនពីរនាក់ចងដៃ ចងជើងជនរងគ្រោះជាប់នឹងវត្ថុធ្ងន់ដើម្បីទម្លាក់សាកសពរបស់ពួកគេចូលឈូង Hakata ។

ប្រទេសជប៉ុននៅតែរក្សាប្រព័ន្ធកាត់ទោសប្រហារជីវិតសក្តិសម ទោះបីទទួល​មតិរិះគន់ពីអន្តរជាតិក៏ដោយ។ លោកស្រី Mori និយាយថាគាត់បានចុះហត្ថលេខាលើបទបញ្ជាប្រតិបត្តិបន្ទាប់ពីត្រួតពិនិត្យល្អិតល្អន់ និង​ដឹង​មុនចំពោះការប្រឆាំងពីបណ្តាប្រទេសអន្តជាតិមកលើច្បាប់របស់ជប៉ុន។ លោកស្រីបានបន្ថែមទៀតថាប្រទេសជប៉ុនជាប្រទេសដែលគោរពច្បាប់ ហើយទោសប្រហារជីវិតគឺផ្អែកលើប្រព័ន្ធយុត្តិធម៌ព្រហ្មទណ្ឌ។

“នេះជាករណីឃាតកម្មដ៏ឃោឃៅ និងសាហាវបំផុត គ្រួសាររស់នៅមានសុភមង្គល ក្មេងពីរនាក់ ម្នាក់អាយុ ៨ ឆ្នាំ ម្នាក់​ទៀតអាយុ ១១ ឆ្នាំសុទ្ធតែ​ត្រូវសម្លាប់” លោក​ស្រី Mori បានថ្លែងនៅក្នុងសន្និសីទសារព័ត៌មាននៅទីក្រុងតូក្យូ។

យោងតាមភ្នាក់ងារសារព័ត៌មានជប៉ុន ជនសមគំនិតពីរនាក់របស់ Wei ត្រូវកាត់​ទោសនៅប្រទេសចិន ម្នាក់​ត្រូវ​កាត់​ទោស​ប្រហារជីវិត និង​ម្នាក់​ទៀតត្រូវកាត់​ទោសជាប់ពន្ធនាគារអស់មួយជីវិត។ អង្គការលើកលែងទោសអន្តរជាតិរិះគន់ការព្យួរកអ្នកទោសរបស់ប្រទេសជប៉ុនបង្កសម្ពាធធ្ងន់ធ្ងរ និង​ប៉ះ​ពាល់​បញ្ហាផ្លូវ​ចិត្តអ្នកទោសក៏ដូចជាក្រុមគ្រួសាររបស់ពួកគេ។ រហូតមកដល់ពេលនេះជាង ១០០ ប្រទេសបានលុបចោលទោសប្រហារជីវិត។ មាន​តែ​ ២ ប្រទេសប៉ុណ្ណោះគឺជប៉ុន និងសហរដ្ឋអាមេរិកដែលរក្សាទោសប្រហារជីវិត។

Do Manh Tai