ប្រវត្តិសាស្រ្តដ៏ឈឺចាប់នៃ Okinawa ដែល​អ្នក​មិន​ធ្លាប់បាន​ដឹង

Okinawa គឺជាទឹកដីដាច់ឆ្ងាយពីតំបន់​ផ្សេងទៀតនៃប្រទេសជប៉ុន ស្ថិតនៅជិតកោះតៃវ៉ាន់។ ទិដ្ឋភាព​សមុទ្រ​ខៀវ ជាមួយ​នឹង​ឆ្នេរខ្សាច់លាត​សន្ធឹងមិន​ខុសអ្វីដែល​អ្នកស្រមៃពីប្រទេសជប៉ុនឡើយ។

រូបភាព https://stayway.jp/tourism/okinawa-suggestion50/

Okinawa ល្បីដោយសាររមណីយដ្ឋានលំដាប់កំពូល និងសេវាកម្មល្អបំផុត។ ប៉ុន្តែតើអ្នកដឹងទេថាកន្លែងនេះមាន​ប្រវត្តិខុសពីតំបន់​ផ្សេងទៀតនៅក្នុងប្រទេសជប៉ុន?

ប្រវត្តិរបស់ Okinawa មានការឈឺចាប់យ៉ាងខ្លាំង។ កាលពីមុនទីនេះគឺជាទឹកដីក្រឯករាជ្យ គ្មាន​ទំនាក់​ទំនង​ជាមួយ​ជប៉ុន​ឡើយ។ នៅសតវត្សរ៍ទី ១០ នៅពេលដែលប្រទេសជប៉ុនមានរដ្ឋធានី និង​វណ្ណៈអភិជន តំបន់ Okinawa នៅតែ​បន្តរស់នៅលក្ខណៈបរបាញ់។ ប្រជាជនពឹងផ្អែកលើធនធានដែលមានស្រាប់ មិន​ចេះផលិត​អាហារឡើយ។

នៅសតវត្សរ៍ទី ១២ ប្រជាជនចាប់ផ្តើមស្គាល់កសិកម្មបង្កើតរបបសហគមន៍នៅជនបទ។ ហើយនៅសតវត្សរ៍ទី ១៥ កន្លែងនេះត្រូវបានគេហៅថា Ryukyu Kingdom ។

Ryukyu Kingdom ចាប់ផ្តើមធ្វើពាណិជ្ជកម្មជាមួយជប៉ុន ចិន និងបណ្តាប្រទេសអាស៊ីអាគ្នេយ៍ បន្ទាប់​មក​មាន​ស្ថេរភាព។ វប្បធម៌លាយឡំពីបណ្តាប្រទេសដទៃ ប៉ុន្តែនៅតែរក្សាលក្ខណៈពិសេសរបស់ខ្លួន។

ក្នុងពេលជាមួយគ្នានេះ Satsuma សព្វថ្ងៃគឺ Kagoshima ប្រើកម្លាំងដើម្បីលុកលុយ និងទន្រ្ទាន Ryukyu Kingdom នៅឆ្នាំ ១៦០៩ ។ មានន័យថា Okinawa ជាផ្នែក​មួយ​នៃប្រទេសជប៉ុនត្រឹម​រយៈពេល ៤០០ ឆ្នាំប៉ុណ្ណោះ។ ក្រោយ​មក​ Ryukyu Kingdom ទន់​ខ្សោយគ្មាន​កម្លាំង​ការពារខ្លួនបានក្លាយជាសោកនាដកម្ម។

សោកនាដកម្មបន្ទាប់កើតឡើងក្នុងសង្គ្រាមលោកលើកទី ២ ។ Okinawa ក្នុង​នាម​ជាផ្នែក​មួយ​នៃប្រទេស​ជប៉ុន​ត្រូវ​ចូលរួម​សង្គ្រាម។ សហរដ្ឋអាមេរិកចូលមកទីនេះវាយប្រហារប្រជាជនស្លូតត្រង់ ធ្វើអោយ​កន្លែង​នេះក្លាយជាមូលដ្ឋានយោធាដើម្បី​វាយប្រហារតំបន់​ផ្សេងទៀតនៃប្រទេសជប៉ុន។ រឿងដែល​ឈឺចាប់នៅលើទឹកដីនេះទាក់ទងនឹងនារី Himeyuri ។

រូបភាព https://www.okinawastory.jp/about/theme/history

ពាក្យ Himeyuri គឺជានិស្សិតស្រីចំនួន ២៤០ នាក់ ជួយថែទាំ និងព្យាបាលទាហានដែលរងរបួស។ នៅក្នុង​សមរ​ភូមិមនុស្សស្លាប់ ១៣៦ នាក់ សុទ្ធតែជាប្រជាជនសាមញ្ញ។ Okinawa គ្រាន់តែជាកោះតូចមួយប៉ុណ្ណោះ ប៉ុន្តែការប្រយុទ្ធគ្នានោះបានធ្វើឱ្យមនុស្ស ១៨៨.១៣៦ នាក់ស្លាប់ឬបាត់ខ្លួន (ភាគីជប៉ុន) ពាក់កណ្តាលគឺជាប្រជាជនស្លូតត្រង់។ ក្រៅពីនេះជនជាតិអាមេរិកចំនួន ២០.១៩៥ នាក់ និងជនជាតិអង់គ្លេស ៨៥ នាក់ត្រូវសម្លាប់។ តើអ្នកអាចស្រមៃមើលថាតើទឹកដីតូចនេះរងគ្រោះប៉ុន្មានដងទេ?

នៅពេលជប៉ុនចុះចាញ់នៅឆ្នាំ ១៩៤៥ Okinawa ត្រូវគ្រប់​គ្រង​ដោយសហរដ្ឋអាមេរិក ហើយត្រូវ​បានប្រគល់ទៅអោយប្រទេសជប៉ុនវិញនៅឆ្នាំ ១៩៧២ ។ ប៉ុន្តែ Okinawa នៅតែមាន ៧៥% មូលដ្ឋានយោធាអាមេរិកបោះនៅទីនេះ។ ដូច្នេះ Okinawa ត្រូវ​អូសទាញអោយចូលរួមជម្លោះជាមួយសហភាពសូវៀតកាលពីអតីតកាល រួមទាំងជម្លោះបច្ចុប្បន្នជាមួយចិន និងហរដ្ឋអាមេរិកផងដែរ។

មានករណីទាហានអាមេរិចជាច្រើនបានចាប់ខ្លួន និងវាយប្រហារទៅលើនារីនៅ Okinawa បន្ទាប់មករត់ចេញពីបន្ទាយត្រឡប់ទៅប្រទេសគេចខ្លួន។ ក្នុងករណីយន្ដហោះយោធាធ្លាក់បង្កការខូចខាតធ្ងន់ធ្ងរ។

នៅក្នុងប្រទេសជប៉ុនធ្លាប់លេចឡើងបទចម្រៀងនិយាយអំពី Okinawa ។ មនុស្សជាច្រើនច្រៀងបទនេះដោយមិន​យល់អត្ថន័យនៃទំនុកច្រៀង។ ប៉ុន្តែចំពោះប្រជាជន Okinawa អារម្មណ៍ឈឺចាប់ដូចជាបន្លឺឡើងក្នុង​បទចម្រៀង។

ប្រសិនបើអ្នក​ចេះភាសាជប៉ុន សូមស្វែងយល់អត្ថន័យនៃទំនុកច្រៀងនេះ។

រហូតដល់ពេល​ណាទើប Okinawa ត្រូវរំដោះពីភាពឈឺចាប់នេះ? ទោះបីខ្ញុំមិន​មែន​ជាប្រជាជននៅ Okinawa ក៏ខ្ញុំជឿថាប្រជាជនជប៉ុនជាច្រើននឹងបន់ស្រន់សុំសន្តិភាព និងសុភមង្គលអោយទឹកដីនេះ។

Kengo Abe