សូមប្រយ័ត្នចំពោះប្រភេទនំជប៉ុនដែលឆ្ងាញ់តែមាន​គ្រោះ​ថ្នាក់

ញ៉ាំនំ Mochi បានក្លាយជាប្រពៃណីនៃបុណ្យចូលឆ្នាំថ្មីនៅប្រទេសជប៉ុន ប៉ុន្តែមន្ត្រីជប៉ុនបានចេញសេចក្តីប្រ​កាស​ចំពោះនំនេះ មនុស្ស​គ្រប់​គ្នា​អាច​ប្រថុយនឹងជីវិតប្រសិន​បើ​ពួកគេខាំនំមួយ​មាត់​ធំពេកធ្វើ​អោយ​ស្ទះផ្លូវ​ដង្ហើមដែលបណ្តាលឱ្យស្លាប់។

Mochi រួម​ចំណែកភាព​ទាក់​ទាញ​នៃ​ម្ហូប​ជប៉ុន

រូបភាព https://www.pinterest.com

Mochi គឺជាប្រភេទ​នំបែបប្រពៃណីដ៏ល្បីនៃប្រទេសជប៉ុន នំ​នេះ​មិន​ត្រឹម​តែ​សំ​ខាន់​នៅក្នុងជីវិតប្រចាំថ្ងៃរបស់​ជនជាតិជប៉ុនប៉ុណ្ណោះទេ ថែម​ទាំង​មាន​អត្តន័យ​ពិសេសដែល​គេ​រៀបចំក្នុង​ឳកាស​ជាច្រើន​។ នំ Mochi មាន​តាំងពីយូរ​ណាស់​មក​ហើយ នៅពាក់កណ្តាលសតវត្សរ៍ទី ១៨ នៅទីក្រុងអេដូ។

នៅម៉ោងប្រហែល ៤ រសៀលថ្ងៃទី ២៧ ធ្នូប្រព័ន្ធផ្សព្វផ្សាយជប៉ុនបានរាយការណ៍នៅ Funabiki ទីក្រុង Tamura លោកតាម្នាក់អាយុប្រហែល ៩០ ឆ្នាំបានស្លាប់ដោយសារស្ទះផ្លូវដង្ហើមពេលញ៉ាំ Mochi ។ យោងតាម​ទី​ស្នាក់ការ Koriyama បានអោយដឹងថាលោក​តាត្រូវ​បាន​គ្រួសារបញ្ជូនទៅមន្ទីរពេទ្យ។ ទោះបីជាយ៉ាង​ណា​លោក​តា​ឆ្លងមិន​ផុត​ហើយទទួល​មរណៈភាពក្រោយ​រយៈពេល ២ ម៉ោង។

កាលពីឆ្នាំមុនមានមនុស្សពីរនាក់ស្លាប់នៅក្នុងប្រទេសជប៉ុនបន្ទាប់ពីញ៉ាំនំ Mochi ។ យោងតាម​សម្តី​ទីស្នាក់ការ Koriyama បានអោយដឹងថាមានចំនួន ១៣១ ករណីត្រូវ​បាន​បញ្ចូនទៅមន្ទីរពេទ្យដើម្បីទទួលការព្យា​បាល​បន្ទាន់ដោយ​សារស្ទះ​ផ្លូវ​ដង្ហើមពេល​ញ៉ាំនំ Mochi ។ ក្នុង​នោះ​មាន​ប្រហែល ៩០% ជាមនុស្ស​មាន​វ័យ​ចំ​ណាស់​ (អាយុ ៦៥ ឆ្នាំឡើងទៅ) ។

ក្នុង​ឳកាសបុណ្យ​ចូល​ឆ្នាំដើម្បីជៀសវាងរឿងអកុសល ប្រព័ន្ធផ្សព្វផ្សាយជប៉ុនបានជំរុញឱ្យប្រជាជនកាត់នំ Mochi ជាបំណែកតូចៗស្រួល​ញ៉ាំ ហើយ​ពិសេស​មនុស្ស​ចាស់​ត្រូវ​ប្រយ័ត្នពេល​ញ៉ាំនំ​នេះព្រោះវាងាយនឹងស្លាក់។

Do Manh Tai