ចំណាត់ថ្នាក់ទីកន្លែងដែលគ្រោះថ្នាក់បំផុតនៅតំបន់តូក្យូ

ប្រសិន​បើ​អ្នក​មាន​គម្រោងចង់ទៅរស់​នៅ​ក្នុង​តំបន់តូក្យូ សូមចាប់​អារម្មណ៍​កន្លែងដែលមានសុវត្ថិភាព។ តើ​អ្នក​គិត​ថារស់នៅក្នុង​ទីក្រុងធំនឹងមានសុវត្ថិភាពជាងទីជនបទឬ? តើការគិតនេះត្រឹមត្រូវទេ?

កាលពីមុនស្រុក Adachi  ត្រូវបានចាត់ទុកជាតំបន់គ្រោះថ្នាក់បំផុតនៅតូក្យូ។ នៅទីនេះគឺជាស្រុកកំ​ណើតរបស់​ខ្ញុំ ពិតណាស់បរិយាកាសនៅទីនោះមានភាពខុសគ្នាខ្លះពីតំបន់ជុំវិញ។

រូបភាព https://www.flickr.com/photos/[email protected]/6684521533/

នៅកណ្តាល Adachi ជិតស្ថានីយ៍ Kitasenju មានបារមួយ។ ជាហាង​ស្រាឈរបើកតាំងពីថ្ងៃ ភ្ញៀវភាគ​ច្រើន​គឺ​ជា​អ្នក​​សុីឈ្នួលក្នុង​ស្រុក។ នៅ​ក្នុង​ស្រុក Adachi ក៏​មាន Yakuza ច្រើន​ណាស់​ដែរ។ ដោយ​សារមូល​ហេតុ​នេះត្រូវបានគេចាត់ទុកជាកន្លែងមាន​បទឧក្រិដ្ឋកើត​ឡើង​ច្រើន​ ប៉ុន្តែនេះគ្រាន់តែជាស្រុកដែលមានគ្រោះថ្នាក់ជាប់ចំណាត់ថ្នាក់ទី ២២ ក្នុងចំណោម ២៣ ស្រុកក្នុងទីក្រុងតូក្យូប៉ុណ្ណោះ។

នៅទីក្រុងតូក្យូមានកន្លែងខ្លះពិតជាគ្រោះ​ថ្នាក់ គ្រាន់តែអ្នក​កុំនៅក្បែរកន្លែងទាំងនោះនឹង​មាន​សុវត្ថិភាព។

សូមក្រឡេកមើលចំណាត់ថ្នាក់នៃកន្លែងគ្រោះថ្នាក់នៅទីក្រុងតូក្យូដោយផ្អែកលើកម្រិតបទឧក្រិដ្ឋកម្ម។ ហើយដើម្បីកំណត់លទ្ធផលនៃចំណាត់ថ្នាក់មានការប្រៀបធៀបចំនួនបទល្មើសក្នុងមួយឆ្នាំៗ។

កន្លែងគ្រោះថ្នាក់បំផុតនៅតូក្យូគឺស្រុក Chiyoda មានផ្ទៃដី ៤៥៣ គីឡូម៉ែត្រក្រឡា។

រូបភាព https://www.abc-tenpo.com/contents/town/20336.html

នេះគឺជាស្រុកធំមួយដែលមានប្រជាប្រិយភាពណាស់។ រូបភាពនៃអាគារខ្ពស់ ៗ នៅក្នុងស្រុកនេះក៏មានលក្ខណៈ​ពិសេសនៃទីក្រុងតូក្យូផងដែរ។ ប៉ុន្តែមានមនុស្សតិចណាស់ក្នុងការិយាល័យដឹងថាចំនួនមនុស្សខុសគ្នាដល់ទៅ ១៧ ដងនៅពេល​ថ្ងៃ និង​ពេល​យប់។

អត្រាឧក្រិដ្ឋកម្មខ្ពស់អាចរាប់បញ្ចូលទាំងបទល្មើស​នៅការិយាល័យ ប៉ុន្តែ​លទ្ធ​ផល​នេះ​ក៏ធ្វើ​អោយ​ភ្ញាក់​ផ្អើល​ព្រោះមានមនុស្សតិចណាស់ដែលគិតថា Chiyoda គ្រោះ​ថ្នាក់​ដល់​កម្រិត​នឹង។

កន្លែងគ្រោះថ្នាក់ទី ២ ជាស្រុកមួយដែលល្បីឈ្មោះគឺស្រុក Shibuya។

រូបភាព https://sitter.kidsna.com/article/childcare/1237

អ្នក​ប្រាកដជាមិន​ចម្លែក​នឹង Shibuya ទេ គឺជាសង្កាត់ដែលពោរពេញទៅដោយយុវជនជប៉ុន។ ក្នុង​ឳកាសបុណ្យ​ធំៗដូចជា Halloween ឬបុណ្យណូអែលចំនួនមនុស្សដែលប្រមូលផ្តុំគ្នានៅទីនេះបង្កឱ្យមានការកកស្ទះនៅស្ថានីយ៍ និង​ផ្លូវ​បំ​បែក​។ តាមពិតសង្កត់ Shibuya ធំណាស់ ហើយ​មាន​តំបន់លំនៅដ្ឋានខ្លះស្ថិត​ឆ្ងាយ​ពីទីប្រជុំជន​តែធានានូវភាពងាយស្រួលក្នុងការរស់នៅ។ Shibuya ក៏ជាកន្លែងប្រមូល​ផ្តុំប្រជាជន​គ្រប់​តំបន់ ដូច្នេះ​មាន​កន្លែង​ខ្លះស្មុគស្មាញដូចជាស្ថានីយ៍ឬតំបន់ដែលមានសណ្ឋាគារស្នេហាហៅថា Maruyamacho ។

ចំណាត់ថ្នាក់លេខ ៣ ក៏ជាកន្លែងល្បីមួយដែរគឺស្រុក Shinjuku ។

នៅ Shinjuku មានកន្លែងមួយមានឈ្មោះថា Kabuki-cho ល្បី​ជាតំបន់​មិនដែលដេក។ ទីនេះមាន Host Club និង Gay bar មនុស្សជាច្រើនមកកន្លែងនេះដើម្បី​សុីផឹក។

ចំណាត់ថ្នាក់លេខ ៤ គឺស្រុក Toshima រួមទាំង Ikebukuro ។ ចំណាត់​ថ្នាក់​លេខ ៥ គឺស្រុក Taito រួម​ទាំង Ueno និង Asakusa ។

ប្រសិនបើអ្នកមានគម្រោងផ្លាស់ទៅរស់​នៅទីក្រុងតូក្យូ អ្នក​គួរតែ​ចាប់​អារម្មណ៍ចំណាត់​ថ្នាក់​នេះហើយជ្រើសរើសកន្លែងដែលមានសុវត្ថិភាពបំផុតណា!!!

Kengo Abe

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: