ឱកាសធ្វើដំណើរទៅលេង​ប្រទេសជប៉ុនឆ្នាំ ២០២០ – ក្រុមហ៊ុន Japan Airlines “give away” ផ្តល់សំបុត្រធ្វើដំ​ណើរចំនួន ៥ ម៉ឺនសំបុត្រដោយឥតគិតថ្លៃ

អ្នកចង់ធ្វើដំណើរទៅប្រទេសជប៉ុនតែជួបបញ្ហាច្រើនដូចជាសុំទិដ្ឋាការ សំបុត្រយន្តហោះថ្លៃ -ល-។

សព្វថ្ងៃនេះប្រទេសជប៉ុនលែងពិបាកចូលដូចពីមុនហើយ ប្រជាជនជប៉ុនមានយុទ្ធនាការជាច្រើនដើម្បីលើកកម្ពស់ភ្ញៀវទេសចរណ៍មកលេង ជាពិសេសនៅឆ្នាំ ២០២០ ពេលព្រឹត្តិការណ៍អូឡាំពិកនៅទីក្រុងតូក្យូប្រារព្ធធ្វើឡើង។

នៅក្នុងការខិតខំផ្សព្វផ្សាយពីទេសចរណ៍ Japan Airlines (JAL) ចាប់ផ្តើមផ្តល់សំបុត្រធ្វើដំ​ណើរចំនួន ៥ ម៉ឺនសំបុត្រដោយឥតគិតថ្លៃសម្រាប់ភ្ញៀវទេសចរណ៍អន្តរជាតិនៅរដូវក្តៅខាងមុខនេះ។

យុទ្ធនាការមាន​ឈ្មោះថា “Win a Trip with JAL” ចាប់ផ្តើមនៅខែកុម្ភៈមុនព្រឹត្តិការណ៍អូឡាំពិកចាប់ផ្តើមពីថ្ងៃទី ២៤ ខែកក្កដារហូតដល់ថ្ងៃទី ៩ ខែសីហា។ ក្រៅពីនេះ Paralympics នឹងបញ្ចប់នៅថ្ងៃទី ៦ ខែកញ្ញា។

រូបភាព https://nextshark.com/japan-airlines-free-tickets/

ប្រទេសជប៉ុនរំពឹងថានឹងមានភ្ញៀវទេសចរណ៍ទៅលេងប្រទេសជប៉ុនជាង ១០ លាននាក់នៅឆ្នាំ ២០២០ ក្នុងព្រឹត្តិការណ៍កីឡាខ្នាតធំនេះ។

យោងតាមសេចក្តីជូនដំណឹងនៅលើគេហទំព័រផ្លូវការរបស់ JAL កន្លែងអង្គុយឥតគិតថ្លៃមានតែនៅចន្លោះថ្ងៃទី ១ ខែមិថុនាដល់ថ្ងៃទី ៣១ ខែតុលាប៉ុណ្ណោះ។

ជាពិសេសកម្មវិធីនេះសម្រាប់សមាជិករបស់ JAL Mileage Bank (កម្មវិធីសន្សំ​រយៈចម្ងាយ​របស់ក្រុមហ៊ុនអា​កាស​​ចរណ៍ជប៉ុន Japan Airlines) ភ្ញៀវទេសចរណ៍ដែលមិនមែនជាជនជាតិជប៉ុន (គ្មានលិខិតឆ្លងដែនជប៉ុន) ។ ដើម្បីឈ្នះសំបុត្រឥតគិតថ្លៃអ្នកចូលរួមត្រូវចុះឈ្មោះកម្មវិធីសេវាហោះហើរញឹកញាប់ (Frequent-flyer program) របស់ Mileage Bank នៅតាមបណ្តាប្រទេសដទៃ។ កម្មវិធីនេះក៏អនុវត្តចំពោះក្រុមមនុស្ស ៤ នាក់ផងដែរ។

រូបភាព https://nextshark.com/japan-airlines-free-tickets/

JAL នឹងណែនាំគោលដៅទៅចំនួន ៤ ភ្ញៀវទេសចរណ៍ត្រូវអោយ​ដឹងកន្លែងដែលពួកគេចង់ទៅពីរបីថ្ងៃបន្ទាប់​ពីការស្នើសុំរបស់ពួកគេត្រូវបានទទួលយក។ សំបុត្រឥតគិតថ្លៃផ្តល់អោយសម្រាប់ជើងហោះហើរក្នុងស្រុកដែលចេញពីអាកាសយានដ្ឋាន Haneda នៅទីក្រុងតូក្យូឬអាកាសយានដ្ឋាន Kansai នៅ Osaka ។

ជើងហោះហើរត្រូវតែកក់មុនយ៉ាងហោចណាស់ ១ សប្តាហ៍មុនពេលហោះហើរលើកដំបូង និងជើង​ហោះ​ហើរ​ត្រឡប់ទៅវិញមិន​អាចលើស ១០ ថ្ងៃក្រោយឡើយ។

Give away របស់ JAL ត្រូវបានគេចាត់ទុកជាផ្នែកមួយនៃយុទ្ធនាការដ៏ធំនៃ “Your Japan 2020” ដែលរៀប​ចំឡើងដោយភ្នាក់ងារទេសចរណ៍ជប៉ុន និងអង្គការទេសចរណ៍ជាតិជប៉ុន (JNTO) ។ យុទ្ធនាការនេះក្នុង​គោលបំណងផ្តល់ជូនអោយអ្នកដំណើរនូវសំបុត្រធូរថ្លៃសម្រាប់ជើងហោះហើរអន្តរជាតិ និងក្នុងស្រុកឆ្នាំនេះ។

ព័ត៌មាន​បន្ថែម៖ LINK

នេះជាឳកាសធ្វើដំ​ណើរ​ទៅលេងប្រទេសជប៉ុន​ក្នុង​ឆ្នាំ ២០២០ ។ កុំភ្លេចចាប់យកឱកាសនេះណា!!!

Sacchan

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: