ការស្ទង់​មតិបុរស​ជប៉ុនរវាងស្នេហា និងអាជីពតើមួយណាសំខាន់ជាង?

ប្រសិនបើថ្ងៃណាមួយអ្នកត្រូវមិត្តស្រីរបស់អ្នកសួរថា “តើអូនឬការងារសំខាន់ជាង?” អ្នក​នឹង​ឆ្លើយដូចម៉េ្តច?

ក្នុង​មួយ​ថ្ងៃ​មាន​ ២៤ ម៉ោង​ ចំណែក​បុគ្គលិក​ប្រុស​ចំណាយពេលភាគច្រើននៅការិយាល័យ។ តើការងារ និង​ផល​ប្រយោជន៍ត្រូវដាក់​​លំ​ដាប់សំខាន់ឬ?​

យោងតាមការស្ទង់មតិរបស់ My Navi ឆ្លើយតបនឹងសំណួរថា “ប្រសិនបើប្រពន្ធឬមិត្តស្រីរបស់អ្នកសួរថាគេ​ឬ​ការងារមួយ​ណាសំខាន់​ជាង តើអ្នកនឹងឆ្លើយយ៉ាងម៉េច?” លទ្ធផលមិននឹកស្មានបុរសភាគច្រើនយល់ថាស្នេហាសំខាន់ជាងអាជីព (៦០,២%) ។

រូបភាព https://news.mynavi.jp/article/20191224-942803/

ហេតុផលដែលបានលើកឡើងគឺ៖

  • ទំនាក់ទំនងរវាងមនុស្សពីរនាក់ដែល​ស្រលាញ់គ្នាតែងសំខាន់ជាងទំនាក់ទំនងការងារ។
  • ខ្ញុំមិនចង់ខំប្រឹងធ្វើការរហូតដល់បាត់បង់សុភមង្គលគ្រួសារទេ។
  • គ្រួសារគឺលេខ ១។
  • នៅទីបំផុតមិត្តរួមការងារមិនមែនជាមនុស្សដែលមើលថែអ្នកទេ។

ទោះបីជាយ៉ាងណាក៏មាន ១៨,៧% (មនុស្សម្នាក់ក្នុងចំណោម ៥ នាក់) អះអាងយ៉ាងច្បាស់ថា “កុំជ្រៀតជ្រែកក្នុងការងាររបស់បង! អូនសម្លាញ់”។

មូលហេតុរបស់អ្នក​ទាំងនេះគឺ៖

  • ខ្ញុំគិត​ថាទាំងពីរសុទ្ធតែ​សំ​ខាន់ ប៉ុន្តែបើខ្ញុំត្រូវរើសមួយខ្ញុំនឹងជ្រើសរើសយកការងារ។
  • ប្រសិនបើអ្នកគ្មានការងារ តើមាន​ប្រាក់ឯណាទិញម្ហូប សម្លៀកបំ​ពាក់?
  • ប្រសិនបើនាងសួរខ្ញុំថាតើមួយណាសំខាន់ជាង ខ្ញុំគិតថានាងមិនយល់ពីស្ថានភាពចំណូលបច្ចុប្បន្នរបស់​ខ្ញុំទេ។ ដូច្នេះចម្លើយរបស់ខ្ញុំអាចជាការងារ។
  • ខ្ញុំមិនមានអារម្មណ៍ស្រឡាញ់ប្រពន្ធខ្ញុំទៀតទេ។

រូបភាព https://soranews24.com/2019/12/30/is-work-more-important-to-japanese-salarymen-than-their-girlfriends-survey-investigates/

ជាការពិតណាស់បុរសជប៉ុនភាគច្រើនមិន​និយាយ​ត្រង់ជាមួយ​ថ្នាក់​លើថា “សុំទោសខ្ញុំមិនធ្វើការថែម​ម៉ោង​ទេព្រោះប្រពន្ធខ្ញុំកំពុងរង់ចាំនៅផ្ទះ”។ ដូច្នេះលទ្ធផលនៃការស្ទង់មតិនេះគ្រាន់តែបង្ហាញពីបំណងប្រាថ្នារបស់បុរសប៉ុណ្ណោះ។ ទោះបីជា ៦០ % គិតថាប្រពន្ធ និងមិត្តស្រីសំខាន់ជាងក៏ដោយ ក្នុង​ចំ​ណោម​ពួកគេ​ភាគច្រើន​នឹងលះបង់ពេលវេលាសម្រាប់គ្រួសារដើម្បី​ធ្វើ​ការងារ។ ប៉ុន្តែ​ប្រហែល​ជាអ្នក​ទាំង​នេះ​ទទួល​បាន​ការយោគយល់​ពី​ប្រពន្ធមិន​ធ្វើ​អោយ​ពួកគេ​ត្រូវជ្រើសរើស។

ក្រៅពីនេះមាន​ចម្លើយជាក់​ស្តែងថា “ខ្ញុំស្រឡាញ់ប្រពន្ធខ្ញុំ ប៉ុន្តែខ្ញុំនឹងមិនអាចផ្គត់ផ្គង់គ្រួសាររបស់ខ្ញុំបានទេ​បើ​គ្មានការងារធ្វើ”។ ផ្ទុយទៅវិញបើគ្មានការគាំទ្រពីនាង ខ្ញុំនឹងមិនអាចបញ្ចប់ការងារបានល្អទេ។

ជាការពិតជីវិតសង្គមរបស់បុរសជនជាតិជប៉ុនពិតជាពិបាកណាស់ បុរសជនជាតិជប៉ុនភាគច្រើនស្រឡាញ់គ្រួសាររបស់ពួកគេ ប៉ុន្តែពួកគេនៅតែត្រូវលះបង់ពេលវេលាសម្រាប់ការងារ។ នេះក៏ជាមធ្យោបាយសម្រាប់ពួកគេបង្ហាញពីទំនួលខុសត្រូវចំពោះគ្រួសារផងដែរ។ នៅពេល​នោះ​ការយោគយល់ពីប្រពន្ធពិតជាសំ​ខាន់។ ផ្ទុយទៅវិញស្ត្រីចំណាយពេលភាគច្រើនរបស់ពួកគេសម្រាប់គ្រប់គ្រងគ្រួសារ។ នេះជាមូលដ្ឋានគ្រឹះនៃគ្រួសារជនជាតិជប៉ុនដែលមានតាំងពីយូរយារណាស់មកហើយរហូតមកដល់បច្ចុប្បន្ន។

Sacchan

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: